ដោយៈ គង់​ហេង / កំពង់ចាមៈ រដ្ឋបាលខេត្ត​កំពង់ចាម បានប្រកាស នៅ​ថ្ងៃទី ១០ សីហា នេះ​ថា មាន​អ្នកស្លាប់ ដោយ​ជំងឺ​កូ​វីដ ១៩ ថ្មី​ម្នាក់ទៀត ខណៈ​មាន​អ្នក​ឆ្លង​ថ្មី ចំនួន ៣២ នាក់ និង​មាន​អ្នកជា​សះស្បើយ ចំនួន ១០៦ នាក់ កាលពី​ថ្ងៃទី ៩ សីហា កន្លងទៅ​។​

​ក្នុងនោះ អ្នកស្លាប់​ថ្មី ជា​បុរស អាយុ ៦០ ឆ្នាំ ឈ្មោះ វង្ស សូ​ចាន់ នៅ​ភូមិ​២២ ឃុំ​ចម្ការអណ្តូង ស្រុក​ចម្ការលើ បានទទួល​មរណភាព កាលពី​ថ្ងៃទី ៩ សីហា កន្លងមកនេះ​។ សរុប​ពី​ស្ថានភាព ជំងឺ​កូ​វីដ ១៩ សម្រាប់​ខេត្ត​នេះ មាន​អ្នកស្លាប់ ចំនួន ១០៤ នាក់​។ អ្នក​ឆ្លង​ចំនួន ៤.៣៧៥ នាក់ , អ្នកជា​សះស្បើយ ចំនួន ៣.៤៥៩ នាក់ និង​អ្នក​កំពុង​ព្យាបាល ចំនួន ៨១២ នាក់​៕/V​-PC