​ដោយៈ វណ្ណៈ / ព្រះសីហនុៈ សាកសព​ក្មេងប្រុស អាយុ​១៤​ឆ្នាំ ដែល​ម្តាយ​អះអាងថា បាន​បាត់​ខ្លួន នៅក្នុង​អគារ​កាស៊ីណូ មួយកន្លែង (​ផ្អាក​អាជីវកម្ម​) កាលពី​រសៀល ថ្ងៃទី​៩ ខែសីហា ឆ្នាំ​២០២១ កន្លងមក គិត​ត្រឹម​ម៉ោងជាង ៥ ល្ងាច​ថ្ងៃទី​១០ ខែសីហា នេះ កងកម្លាំង​មាន​សមត្ថកិច្ច បាន​រកឃើញ​សាក​សេព​ហើយ នៅក្នុង​ល្អាង​ទឹក​ក្បែរ កាស៊ីណូ​នោះ​។​

​សមត្ថកិច្ច ដែល​ស្ថិតនៅក្នុង​ប្រតិបត្តិ​ការរុករក បាន​ឲ្យ​ដឹងថាៈ ក្រោយ​រយៈពេល​ជាង ២៤ ម៉ោង ទើប​គេ​រកឃើញ​សាកសព ក្មេងប្រុស អាយុ​១៤​ឆ្នាំ​ម្នាក់ ដែល​បាន​បាត់​ខ្លួន ពេល​ចូល​រើស​អេតចាយ ក្នុងកា​សុ​ី​ណូ ដែល​ផ្អាក​អាជីវកម្ម មួយកន្លែង ឈ្មោះ ហ្កា​ន់​ដាវ ស្ថិត​ក្នុងភូមិ​៤ សង្កាត់​លេខ​៤ ក្រុងព្រះសីហនុ​។​

​ប្រតិបត្តិ​ការរុករក នៅ​រសៀល​ថ្ងៃនេះ ក្រៅពី​កម្លាំង​សមត្ថកិច្ច និង​ក្រុម​សង្គ្រោះ​ស្ម័គ្រចិត្ត ក៍មាន​ការចូលរួម រុករក​ពី​ក្រុម​អ្នក​មុជទឹក នៃ​អង្គភាព​កំពង់ផែ​ស្វយ័ត ក្រុងព្រះសីហនុ​ផងដែរ ហើយ​សាកសព ក្មេងប្រុស រងគ្រោះ រកឃើញ​ធ្លាក់ចូល ក្នុង​អាងទឹក​នៅក្បែរ អគារ​កា​សុ​ី​ណូ​នោះ​។​

​សាកសព​ក្មេងប្រុស​រងគ្រោះ មានឈ្មោះ ភឿង វេហា អាយុ ១៤ ឆ្នាំ បាន​ប្រគល់ជូន​ក្រុមគ្រួសារ ដើម្បី​ធ្វើបុណ្យ តាម​ប្រពៃណី បន្ទាប់ពី​សមត្ថកិច្ច ធ្វើ​កោសល្យវិច័យ​រួចរាល់ ៕/V​