ដោយៈ​វ៉ៃ​កូ​/​ស្វាយរៀងៈលោក ម៉ែន សារ៉ាន់ អភិបាលស្រុក​ស្វាយទាប និងជាប្រធាន​គណៈបញ្ជាការ ឯកភាពរដ្ឋបាល ស្រុក​កាលពីយប់ថ្ងៃទី ១០ ខែសីហា​បាន បន្ត ចុះ​ដឹកនាំកម្លាំងចម្រុះ ចុះអនុវត្ត សេចក្តីសម្រេច លេខ ០៨៣/២១ ស​.​ស​.​រ ចុះ ថ្ងៃទី២៩ ខែកក្កដា ឆ្នាំ២០២១ នៅតាម​គោលដៅ​នានា ដើម្បី ប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ -១៩ ក្នុងមូលដ្ឋាន ស្រុក​ស្វាយទាប ខេត្តស្វាយរៀង​។

​លោក​អភិបាលស្រុក​ស្វាយទាប​បាន​ឲ្យ​ដឹងថា យោងតាម​សេចក្តីជូនដំណឹង របស់ រដ្ឋបាល ខេត្តស្វាយរៀង ស្តីពី ការដាក់ចេញ​នូវ វិធានការ រដ្ឋបាល នៅក្នុង​ភូមិសាស្ត្រ ខេត្តស្វាយរៀង រយៈពេល​១៤​ថ្ងៃ គិត ចាប់ពី ម៉ោង ២៣:៥៩ នាទី នាថ្ងៃទី២៩ ខែកក្កដា​រហូតដល់ ថ្ងៃទី១២ ខែសីហា ។

​លោក​អភិបាលស្រុក​ក៏បាន​អំពាវនាវ ដល់​ប្រជាពលរដ្ឋ​ទាំងអស់ បើ​គ្មាន​ការ​ចាំ បាច់​សូមកុំ​ចេញ​ក្រៅ​ផ្ទះ ហើយ​រាល់​ការធ្វើដំណើរ ត្រូវមាន​លិខិតស្នាម​បញ្ជាក់​ពី​អង្គភាព​ស្ថាប័ន ក្រុមហ៊ុន ឬ អាជ្ញាធរ​មូលដ្ឋាន​ឲ្យ​ត្រឹមត្រូវ និង បន្ត​ចូលរួម​អនុវត្តតាម​ការអំពាវនាវ​របស់​សម្តេច​តេ​ជោ ។​បើ​ជន​ណា ដែល​បំពាន បម្រាម វិធានការ នោះ​ពុំមាន​ការលើកលែង​ទៀត​ទេ​គឺ ត្រូវផាកពិន័យ ពី ១ លានរៀល ដល់ ៥ លានរៀល​ដោយ​មិនមាន​ការយោគយល់​នោះឡើយ ៕/PC