ដោយៈ​មុនី​រ័ត្ន​/​ភ្នំពេញៈ​លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស​កម្ពុជា​បញ្ជាក់​ពី​ជំនួប​ជាមួយ លោក​រដ្ឋមន្ត្រីការបរទេស​ព្រុយ​ណ​តាម​ប្រព័ន្ធ​វិ​ដេ​អូ​នៅ​ថ្ងៃទី​១១​ខែសីហា​នេះ​។​

​លោក​ប្រាក់ សុខុន បាន​សរសេរ​នៅលើ​ហ្វេ​ស​ប៊ុ​ក​ផ្លូវការ​របស់លោក​ថា “​នៅ​ព្រឹក​នេះ ខ្ញុំ​បាន​ជួបពិភាក្សា​ការងារ​ទ្វេភាគី ជាមួយ ឯកឧត្តម ដា​តូ អ៊ី​រី​វ៉ាន់ ពើ​ហ៊ី​ន យូ​ស៊ូ​ហ៍ រដ្ឋមន្ត្រីការបរទេស​ទី​២ របស់​ព្រុយ​ណេ​ដា​រ៉ូ​ស្សាឡា​ម តាម​ប្រព័ន្ធ​វីដេអូ​។​
​ខ្ញុំ​បាន​ឆ្លៀតឱកាស​នេះ​ដើម្បី​អបអរសាទរ​ជាថ្មី​ម្តងទៀត ដល់​ការរៀបចំ​កិច្ចប្រជុំ​រដ្ឋមន្ត្រីការបរទេស​អាស៊ាន​លើក​ទី ៥៤ និង​កិច្ចប្រជុំ​ពាក់ព័ន្ធ​ក្នុង​ក្របខណ្ឌ​អាស៊ាន ប្រកបដោយ​ភាពជោគជ័យ និង​ដែល​ឯកឧត្តម​ត្រូវបានតែងតាំង​ជា ប្រេសិត​ពិសេស របស់​ប្រធាន​អាស៊ាន​ស្តីពី​មី​យ៉ាន់​ម៉ា​”​។

​លោក​បន្តថា យើង​បាន​ផ្លាស់ប្តូ​រមតិ និង​យោបល់​មួយចំនួន​ដើម្បី​អនុវត្ត​ឱ្យបាន​ល្អ​នូវ ការព្រមព្រៀង​ជា​ឯក​ឆ្ឆន្ទ ៥ ចំណុច ដែល​មេដឹកនាំ​អាស៊ាន​បានអនុម័ត​នៅ​ខែមេសា​កន្លងទៅ​។ ខ្ញុំ​ក៏បាន​គូសបញ្ជាក់​ពី​ការ គាំទ្រ​យ៉ាង​មុតមាំ​របស់ខ្ញុំ ចំពោះ​បេសកកម្ម​របស់គាត់ និង​ចំពោះ​កិច្ចខិតខំ​ប្រឹងប្រែង​រួម​របស់​អាស៊ាន ដើម្បី​ធានា​ឱ្យបាន​នូវ​សន្តិភាព ស្ថិរភាព និង​ការវិល​ទៅរក​ជីវភាព​ធម្មតា​វិញ​របស់​មី​យ៉ាន់​ម៉ា ក៏ដូចជា​ផលប្រយោជន៍​រួម​នៃ​គ្រួសារ​អាស៊ាន​របស់​យើង​៕​សរន​