​ប្រែ​សម្រួលៈ​វាសនា​/​ហាណូយ​៖ រដ្ឋាភិបាល​វៀតណាម​កា​លពី​ថ្ងៃ​អង្គារ​បានចេញ​សេចក្តីសំរេច​មួយ​ស្តីពី​ការបង្ការ​និង​គ្រប់គ្រង​ជំងឺ​កូវី​ដ​១៩ ដោយ​កំណត់​អោយ​អាជ្ញាធរ​ក្រុង​ហូជីមិញ គ្រប់គ្រង​​ការផ្ទុះ​ជំងឺ​កូវី​ដ​១៩​នាពេល​បច្ចុប្បន្ន អោយបាន​នៅ​មុន​ថ្ងៃ​១៥​កញ្ញា​។​

​សេចក្តីសំរេច​នេះ​ក៏​តំរូវអោយ​ចាត់​វិធានការ​គ្រប់គ្រង​ជំងឺឆ្លង​នេះ​អោយបាន​នៅ​មុន​ថ្ងៃ​០១​កញ្ញា សំរាប់​ខេត្ត​ក្បែរ​ខាង ប៊ិញ​យឿង​,​ឡុង​អាន​,​ឌុ​ង​ណៃ ហើយ​ទីតាំង​ផ្សេងទៀត​នៅ​យ៉ាងយូរ​ត្រឹម​​ថ្ងៃ​២៥​សីហា​។​វា​ស្នើសុំ​អោយ​បណ្តា​ទីតាំង​ដែល​នៅក្រោម​វិធានការ​គម្លាត​សង្គម ត្រូវ​ធានា​ថា​រាល់​វិធានការ​ត្រូវបាន​អនុវត្ត​តាម​ដោយ​ម៉ឺងម៉ាត់​ដើម្បី​ជៀសវាង ទិដ្ឋភាព​តឹងរឹង​នៅតាម​ដងផ្លូវ​តែ​​ធូររលុង​នៅក្នុង​តំបន់​មនុស្ស​រស់​នៅ​។​

​វៀតណាម​នៅ​ព្រឹក​ថ្ងៃ​ពុធ​នេះ​បានប្រកាស​រក​ឃើញ​អ្នក​ឆ្លង​ថ្មី​ចំនួន​៤.៧៩២​នាក់ ដែល​នាំ​អោយ​ចំនួន​ឆ្លង​សរុប​នៅក្នុង​ការផ្ទុះកូ​វីដ​រលក​បច្ចុប្បន្ន​ចាប់ពី​ចុងខែ​មេសា​មក​ឡើងដល់​ ២២៨.៩៣៩​នាក់​។​

​កាលពី​ថ្ងៃ​អង្គារ ក្រសួង​សុខាភិបាល​បានបញ្ជាក់​ថា មាន​អ្នក​ឆ្លងកូវី​ដ​១៩​ចំនួន ៨.៣៨៥​នាក់​នៅ​៣៩​ខេត្ត​ក្រុង ក្នុងនេះ​៣.៩៥៦​នាក់​នៅ​ក្រុង​ហូជីមិញ​៕

​វិថី​មួយ​ក្នុង​ក្រុង​ហូជីមិញ ដែល​កំពុង​អនុវត្ត​វិធានការ​គម្លាត​សង្គម​