​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ ក្រុម​តា​លី​បង់​បាន​ពង្រឹង​ទឹកដី​របស់​ពួកគេ​បន្ថែម​ទៀត​នៅ​ជុំវិញ​ទីក្រុង​កា​ប៊ុល​នៅ​ថ្ងៃ​សៅរ៍​នេះ​ខណៈ​ជនភៀសខ្លួន​ពី​ការវាយលុក​ឥត​ឈប់​​ឈរ​ពី​ក្រុម​បះបោរ​នេះ​បាន​ជោរជន់​ពេញ​រដ្ឋធានី ហើយ​កង​ម៉ា​រី​ន​អាម៉េរិក​បាន​វិលត្រឡប់​វិញ​ដើម្បី​ជម្លៀស​ជនជាតិ​ខ្លួន​ចេញ​ជា​បន្ទាន់​។​

​ដោយ​ទីក្រុង​ធំ​ទី​ពីរ​និង​ទី​បី​របស់​ប្រទេស​នេះ​បាន​ធ្លាក់​ចូល​ក្នុង​ដៃ​តា​លី​បង់​ទៅហើយនោះ ទីក្រុង​កា​ប៊ុល​បាន​ក្លាយ​ជា​ទីតាំង​ដែល​ត្រូវបាន​ឡោម​ព័ទ្ធ​ចុងក្រោយបង្អស់​សម្រាប់​កង​កម្លាំង​រដ្ឋាភិបាល ដែល​ធ្វើការ​តតាំង​តិចតួច​ឬ​គ្មាន​ការ​តដៃ​សោះ​នៅ​កន្លែង​ដទៃទៀត​។​

​ឥឡូវ​នេះ​ក្រុម​អ្នក​ប្រយុទ្ធ​បះបោរ​កំពុង​បោះជំរំ​នៅ​ចម្ងាយ​តែ ៥០ គីឡូម៉ែត្រ​ពី​ទីក្រុង​កា​ប៊ុល​ជាហេតុ​នាំ​ឱ្យ​អាម៉េរិក​និង​បណ្តា​ប្រទេស​ដទៃ​ទៀត​ប្រញាប់​បញ្ចូន​ជនជាតិ​របស់​ខ្លួនចេ​ញ​ពី​ទីក្រុង​​កា​ប៊ុល នៅមុន​ការវាយលុក​ពេញទំហឹង​គួរឱ្យខ្លាច​។​

​បុគ្គលិក​ស្ថានទូត​អាម៉េរិក​ត្រូវបាន​បញ្ជា​ឱ្យ​ចាប់ផ្តើម​កាត់​កម្ទេច​និង​ដុត​សម្ភារៈ​រសើបៗ​ចោល​ឱ្យ​អស់ ខណៈ​ទាហាន​អាម៉េរិក ៣.០០០​នាក់​បាន​ចាប់ផ្តើម​មក​ដល់​ដើម្បី​ធានា​ការពារ​ដល់​​អាកាសយានដ្ឋាន​និង​មើល​ការខុសត្រូវ​លើ​ការជម្លៀស​។​

​បណ្តា​ប្រទេស​អឺរ៉ុប​រួមមាន​អង់គ្លេស​អាល្លឺម៉ង់​ដា​ណឺម៉ា​ក​និង​អេ​ស្ប៉ាញ​បាន​ប្រកាស​ដក​បុគ្គលិក​ចេញពី​ស្ថានទូត​រៀងៗ​ខ្លួន​កាលពី​ថ្ងៃ​សុក្រ​ផងដែរ​៕

​តា​លី​បង់​ចូល​កាន់តែ​កៀក​ទីក្រុង​កា​ប៊ុល

​ជនភៀសខ្លួន​ពី​ការវាយលុក​ឥតឈប់ឈ​រ​ពី​ក្រុម​បះបោរ​នេះ​បាន​ជោរជន់​ពេញ​រដ្ឋធានី​