​ដោយៈ ទេ​ពក​ង្រី / កំពង់ឆ្នាំងៈ នៅ​ថ្ងៃទី​១៥ ខែសីហា ឆ្នាំ​២០២១ សមត្ថកិច្ច​នគ​បាល ស្រុក​សាមគ្គី​មាន ជ័យ បាន​បញ្ជូន​ជនសង្ស័យ ១ នាក់ រួមជាមួយ​វត្ថុតាង ទៅកាន់​ការិយាល័យ​ជំនាញ នៃ​ស្នងការដ្ឋាន នគ​បាល ខេត្តកំពង់ឆ្នាំង ដើម្បី​ចាត់ការ​បន្ត តាម​នីតិវិធី ក្រោយពេល​នគរបាល ប៉ុស្តិ៍​រដ្ឋបាល​ឃុំ​ឈានឡើង បាន​ឃាត់ខ្លួន​បុរស ១ នាក់​នោះ ពាក់ព័ន្ធ ករណី​ប៉ុនប៉ង​សម្លាប់​មនុស្ស និង​ប្រើប្រាស់​អាវុធ​កែច្នៃ ដោយ​ខុសច្បាប់ ។​

​អធិការ​នគ​បាល ស្រុក​សាមគ្គី​មានជ័យ បានអោយដឹងថាៈ ជនសង្ស័យ ដែល​ត្រូវបាន​សមត្ថកិច្ច ឃាត់ខ្លួន​បាន​នោះ ឈ្មោះ ផាន់ ផេង អាយុប្រមាណ​ជា ៤០ ឆ្នាំ រស់នៅ​ភូមិ​ស្រែ​ឫស្សី ឃុំ​ឈានឡើង ស្រុក​សាមគ្គី​មានជ័យ ខេត្តកំពង់ឆ្នាំង បាន​ពាក់ព័ន្ធ​ករណី ប្រើប្រាស់​អាវុធ​កែច្នៃ ខុសច្បាប់ និង​ប៉ុនប៉ង​ធ្វើឃាត ទៅលើ​ឈ្មោះ ញ៉ា​ញ់ វី ដែលជា​អ្នកសារព័ត៌មាន រស់នៅ​ភូមិ ឃុំ ជាមួយគ្នា ។​

​អធិការ​នគ​បាល ស្រុក​សាមគ្គី​មានជ័យ បាន​រៀបរាប់ថាៈ នៅវេលា​ម៉ោង ៧​និង​៣០​នាទី យប់​ថ្ងៃទី​១៣ ខែសីហា ឆ្នាំ​២០២១ ជនសង្ស័យ ឈ្មោះ ផាន់ ផេង បាន​ចូល​ទៅដល់​ក្នុង​បរិវេណ​ផ្ទះ ឈ្មោះ ញា​ញ់ វី ដោយនៅ​ដៃ មាន​កាន់​ដែកឆាប ចុង​ស្រួច និង ដាវ​ស៊ាំ​មូ​៉​រ៉ៃ កាំភ្លើង​ច្នៃ បម្រុង​វាយ​សម្លាប់ ឈ្មោះ ញា​ញ់ វី ខណៈពេល ជនរងគ្រោះ កំពុង​ដេក​លង់លក់ ក្នុងផ្ទះ​របស់ខ្លួន ។ ក៏ប៉ុន្តែ​នៅពេលនោះ បងប្អូន​របស់​ឈ្មោះ ញា​ញ់ វី បាន​ជួយ​ឃាត់​ទាន់ រួចហើយ ក៏បាន​រាយការណ៍ ទៅ​មេភូមិ និង​ប្រជា​ការពារ ឱ្យជួយ​អ្នតរាគមន៍​។ លុះ​ព្រឹក​ថ្ងៃទី​១៤ សីហា ជនរងគ្រោះ ក៏បាន​ទៅ​ដាក់ពាក្យ​បណ្តឹង នៅ​ប៉ុស្តិ៍​រដ្ឋបាល​ឃុំ ។​

​ក្រោយ​ទទួល​បណ្តឹង​រួចហើយ សមត្ថកិច្ច មិនទាន់បាន​ចាត់ការ​ផង ស្រាប់តែ​នៅវេលា​ព្រលប់ ថ្ងៃទី​១៤ សីហា ឈ្មោះ ផាន់ ផេង និង​បក្ខពួក ប្រដាប់​ដោយ​ដាវ​ស៊ាំ​ម៉ូ​រៃ កាំភ្លើង​កែច្នៃ ដែក និង​ដែកឆាប ចុង​ស្រួច បាន​ទៅ​ជេរ និង​ប៉ុនប៉ង​សម្លាប់ ឈ្មោះ ញា​ញ់ វី ម្តងទៀត ទើប​ត្រូវបាន​ប្រជាពលរដ្ឋ អ្នកជិតខាង ជួយ​អន្តរាគមន៍ ហើយ​កម្លាំង​នគរបាល​ប៉ុស្តិ៍ ចុះមក​ដេញចាប់ ឃាត់ខ្លួន​បាន​ជនសង្ស័យ ខាងលើ រួមជាមួយ​វត្ថុតាង នាំយកទៅ​ប៉ុស្តិ៍​រដ្ឋបាល​ឃុំ​ឈានឡើង មួយ​យប់ ។ លុះ​ម៉ោង​ប្រមាណ​ជាង ១ រំលងអធ្រាត្រ ឈានចូល​ថ្ងៃទី​១៥ សីហា នេះ ទើប​បញ្ជូន​ខ្លួន មក​អធិការដ្ឋាន​ស្រុក​តែម្តង​។​

​ជនរងគ្រោះ ឈ្មោះ ញា​ញ់ វី បានបញ្ជាក់​ថាៈ លោក និង​ជនបង្ក ធ្លាប់មាន​ទំនាស់​រឿង ដាក់​ទ្រូ នេសាទ​ត្រី និង​ទំនាស់​ផ្លូវចេញចូល​ដី ទើប​គាត់​ចង់គំនុំ រករឿង​ហេតុ​រហូតមក ហើយ​ម្យ៉ាង ជនបង្ក តែងតែ​ផឹក ស្រា​ស្រវឹង ប្រើ​ហិង្សា ក្នុង​គ្រួសារ​ផងដែរ​។​

​បច្ចុប្បន្ន ជនសង្ស័យ រួម​នឹង​វត្ថុតាង ត្រូវបាន​សមត្ថកិច្ច​នគ​របាល នៃ​អធិការដ្ឋាន​នគរបាល​ស្រុក កសាង​សំណុំរឿង បញ្ជូនបន្ត មក​ការិយាល័យ​ជំនាញ នៃ​ស្នងការដ្ឋាន​នគ​បាល ខេត្តកំពង់ឆ្នាំង ដើម្បី​ចាត់ការ​បន្ត តាម​នីតិវិធី​៕/V