ដោយ​៖​តារា​រិ​ទ្ធ​/​ភ្នំពេញ​៖សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ប្រាប់​ទៅ​ពលរដ្ឋ​ដែល​មិនទាន់បាន​ចាក់​វ៉ាក់សាំង ថា​៖ ៖«​យុទ្ធនា​ការចាក់​វ៉ាក់សាំង​គេ​កំពុង​ចាក់​រាល់ថ្ងៃ​តាម​មន្ទីរពេទ្យ​រដ្ឋ​សម្រាប់​បងប្អូន​ដែល​មិនទាន់បាន​ចាក់​។​សាកសួរ​គេ​ទៅ​ដឹង​ហើយ​!​។​សូមឱ្យ​ក្រសួងសុខាភិបាលគណៈ កម្មការ​ចំពោះ​កិច្ច​សម្រាប់​ការចាក់​វ៉ាក់សាំង​សាលា​រាជធានី​ភ្នំពេញ​និង​បណ្តាញសារព័ត៌មាន​ជួយ​ផ្សព្វផ្សាយ​ឱយបាន​ច្រើន​ដើម្បីឱ្យ​ប្រជាជន​បាន​ជ្រាប​និង​នាំគ្នា​ទៅ ចាក់​វ៉ាក់សាំង​បាន​គ្រប់ៗ​គ្នា​»​។​

​ការបញ្ជាក់​របស់​សម្តេច​តេ​ជោ ហ៊ុន សែន ធ្វើឡើង​ជាការ​ឆ្លើយតប​ទៅនឹង​ប្រជាពលរដ្ឋ​ម្នាក់​ដែល​បាន​សាក​សួររក​ទីតាំង​ចាក់​វ៉ាក់សាំង​ក្នុង​រាជធានី​ភ្នំពេញ​នៅ​ថ្ងៃទី​១៥ ខែសីហា ឆ្នាំ​២០២១​នេះ ។​

​សូមបញ្ជាក់ថា​គណៈកម្មកា​រ​ចំពោះ​កិច្ច​ចាក់​វ៉ាក់សាំង​ក៏ដូចជា​រដ្ឋបាល​រាជធានី​ភ្នំពេញ​នៅពេល​ថ្មីៗ​នេះ​បាន​បើក​កន្លែង​ចាក់​វ៉ាក់សាំង​ចំនួន ៣ កន្លែង​សម្រាប់​ចាក់​វ៉ាក់សាំង ជូន​ប្រជាពលរដ្ឋ​ដែល​មិនទាន់បាន​ចាក់​។​ទីតាំង​ទាំង​៣​នោះ​រួមមាន​មន្ទីរពេទ្យ​ព្រះអង្គ​ឌួង មជ្ឈមណ្ឌល​គាំពារ​សុខភាព​មាតា​និង​ទារក​និង​មន្ទីរពេទ្យបង្អែក​រាជធានី​ភ្នំពេញ ។​

​នេះ​ជាការ​បើកឱកាស​លើក​ទី​២​ហើយ​ជូន​ដល់​អ្នក​ដែល​មិនទាន់បាន​ចាក់​វ៉ាក់សាំង​ក្នុង​ព្រឹត្តិការណ៍​ចាក់​វ៉ាក់សាំង​នៅ​រាជធានី​ភ្នំពេញ​ដែល​បាន​ធ្វើឡើង​តាំងពី​ខែឧសភា​មក​នោះ ៕