ដោយៈ រ៉ា​ម៉ន / ភ្នំពេញៈ រដ្ឋបាល​រាជធានី​ភ្នំពេញ បានសម្រេច​បិទ​បញ្ចប់​ទាំងស្រុង នូវ​បម្រាម​គោចរ ពេល​រាត្រី ដែល​បាន​ដាក់ចេញ ឱ្យ​អន​វុត្ត នៅក្នុង​រាជធានី​ភ្នំពេញ រយៈពេល ២១ ថ្ងៃ កន្លងមក ក្នុង​គោលបំណង​ទប់ស្កាត់ ការរីក​រាលដាល ជំងឺ​កូ​វីដ​១៩ ដែល​បំប្លែង​ខ្លួន​ថ្មី ឈ្មោះ​ដែល​តា (Delta)​។ នេះ​បើតាម​ការបញ្ជាក់ របស់លោក ឃួ​ង ស្រេង អភិបាល​រាជធានី​ភ្នំពេញ នៅ​យប់​ថ្ងៃទី​១៩ ខែសីហា ឆ្នាំ​២០២១ នេះ​។​

​ជាមួយគ្នា​នោះដែរ លោក ឃួ​ង ស្រេង បាន​អះអាងថាៈ សម្រាប់​រាជធានី​ភ្នំពេញ អាជ្ញាធរ បិទ​បញ្ចប់ តែ​បម្រាម​គោចរ មួយ​ប៉ុណ្ណោះ ដោយឡែក វិធានការ​ផ្សេងៗ​ទៀត ដូចជា​ការផ្អាក​នូវ អាជីវកម្ម ដែលមាន​ហានិភ័យ​ខ្ពស់ ការហាម​ជួបជុំ ដែលមាន​មនុស្ស​ច្រើន ចាប់ពី ១៥ នាក់​ឡើងទៅ នៅតែ​រក្សា​ដដែល​៕/V​