ដោយ​: ភ្នំ​ស្វាយ / បន្ទាយមានជ័យ​: កុមារ​និង​យុវវ័យ​អាយុ​ចាប់ពី​អាយុ​១២​ឆ្នាំ​ដល់​ក្រោម​១៨​ឆ្នាំ នៅ​ខេត្តបន្ទាយមានជ័យ ទទួលបាន​បាន​យុទ្ធនា​ការចាក់​វាក់​សាំង​ពីថ្ងៃ​ទី​២៣​ខែសីហា ដល់​ថ្ងៃទី​៨​ខែកញ្ញា​ឆ្នាំ​២០២១​។​

​លោក​វេជ្ជបណ្ឌិត ឡេ ច័ន្ទ​សង្វាត ប្រធាន​មន្ទីរ​សុខាភិបាល នៃ​រដ្ឋបាលខេត្ត​បន្ទាយមានជ័យ ក្នុង​ពិធី​បើក​យុទ្ធនាការ​ផ្លូវការ​របស់​ខេត្ត​នា​មណ្ឌល​សុខភាព​អូរ​អំបិល ក្រុង​សិរីសោភ័ណ កា​ពី​ថ្ងៃទី​២៣​ខែសីហា បានអោយដឹងថា​៖ ទីកន្លែង​ចាក់​បានធ្វើ​នៅតាម​មណ្ឌល​សុខភាព​និង​កន្លែង​បន្ថែម​មួយចំនួន​នៃ​ឃុំ សង្កាត់​របស់​ស្រុក​ក្រុង​ទាំង​៩ ។​

​ឯ​ពេលវេលា​នឹង​ធ្វើឡើង​រៀងរាល់ថ្ងៃ​ចន្ទ ដល់​ថ្ងៃអាទិត្យ ព្រឹក​ចាប់ពី​ម៉ោង​៧​និង​៣០​ដល់​ម៉ោង​១១​និង​៣០​នាទី និង​រសៀល​ចាប់ពី​ម៉ោង ១៣ ដល់​១៦ ល្ងាច​។​

​តាម​ការ​ប៉ាន​ប្រមាណ នឹងមាន​កុមារ​និង​យុវវ័យ​ក្នុង​វ័យ​ដូចខាងលើ​ជាង​២០​មឺ​ុ​ន​នាក់​នឹងត្រូវ​ទទួល​ការចាក់​វាក់​សាំង​នៅ​ខេត្តបន្ទាយមានជ័យ​នេះ ។​

​លោក​អ៊ុ រាត្រី អភិបាលខេត្ត​បន្ទាយមានជ័យ​បា​មានប្រសាសន៍ថា​៖ នេះ​ជា​យុទ្ធនាការ​មួយលើកទៀត ដែល​រាជរដ្ឋាភិបាល​កម្ពុជា​ដឹកនាំ​ដោយ​សម្ដេច​តេ​ជោ ហ៊ុន សែន ជា​នាយករដ្ឋមន្ត្រី​បានផ្ដល់​ជូន ។ ចំណែកឯ​វ៉ាក់សាំង​ភាគច្រើន​ជា​ជំនួយ​របស់​ប្រទេស​ជា​មិត្ត​និង​មួយចំនួនទៀត ជា​របស់​កម្ពុជា​បាន​បញ្ជា​រទិញ ។​

​លោក​អ៊ុ រាត្រី បាន​បាន​អំពាវនាវ​ដល់ មាតាបិតា និង​អាណាព្យាបាល​ទាំងអស់ ដែលមាន​កូនចៅ​គ្រប់​អាយុ សូម​នាំយក​មកចាក់​វ៉ាក់សាំង​បង្ការ​ជំងឺ​កូ​វីដ​១៩​ឱ្យបាន​គ្រប់ៗ​គ្នា និង​បន្ត​ចូលរួម​អនុវត្តតាម​ការណែនាំរ​បស់​ក្រសួងសុខាភិបាល ពិសេស​អនុវត្ត​វិធានការ ៣​កុំ និង​៣​ការពារ របស់​រាជរដ្ឋាភិបាល​ឱ្យបាន​ដាច់ខាត ។​

​យោង​រដ្ឋបាលខេត្ត​បន្ទាយមានជ័យ​បានប្រកាស​សេចក្ដីជូនដំណឹង​ចុះ​ថ្ងៃទី​១៨​ខែសីហា​ឆ្នាំ​២០២១ ដល់​មាតា​បី​តា ឬ​អាណាព្យាបាល​អោយ​នាំ​កូនចៅ​មកចាក់​វាក់​សាំ​ការពារ​ជម្ងឺ​កូ​វីត​១៩ ចាប់ពី​ថ្ងៃទី​២៣ ខែសីហា ឆ្នាំ​២០២១​តទៅ​តាម​ទីកន្លែង​និង​ពេលវេលា​ដែល​បានកំណត់​ដូចខាងក្រោម​៖

​ទី​១-​ក្រុង​សិរីសោភ័ណ ចាប់ផ្ដើម​ពីថ្ងៃ​ទី​២៣ សីហា ដល់​ថ្ងៃទី​៤ កញ្ញា​២០២១​។
​ទី​២-​ក្រុង​ប៉ោយប៉ែត ចាប់ផ្ដើម​ពីថ្ងៃ​ទី​២៣ សីហា ដល់​ថ្ងៃទី​១០ កញ្ញា​២០២១​។​
​ទី​៣-​ស្រុក​អូរជ្រៅ ចាប់ផ្ដើម​ពីថ្ងៃ​ទី​២៣ សីហា ដល់​ថ្ងៃទី​១១ កញ្ញា​២០២១​។​
​ទី​៤-​ស្រុក​មង្គលបុរី​ចាប់ផ្ដើម​ពីថ្ងៃ​ទី​២៣ សីហា ដល់​ថ្ងៃទី​៤ កញ្ញា​២០២១ ។​
​ទី​៥-​ស្រុក​ម៉ាឡៃ ចាប់ផ្ដើម​ពីថ្ងៃ​ទី​២៣ សីហា ដល់​ថ្ងៃទី​២៩ កញ្ញា​២០២១ ។​
​ទី​៦​ស្រុក​ស្វាយចេក ចាប់ផ្ដើម​ពីថ្ងៃ​ទី​១ កញ្ញា ដល់​ថ្ងៃទី​១១ កញ្ញា​២០២១ ។
​ទី​៧-​ស្រុក​ថ្មពួក ថ្ងៃទី​១ កញ្ញា ដល់​ថ្ងៃទី​១០ កញ្ញា​២០២១ ។​
​ទី​៨-​ស្រុក​ភ្នំស្រុក​ថ្ងៃទី​១ កញ្ញា ដល់​ថ្ងៃទី​៨ កញ្ញា​២០២១ និង​ទី​៩-​ស្រុក​ព្រះ​នេ​ត​ព្រះ​ថ្ងៃទី​១ កញ្ញា ដល់​ថ្ងៃទី​១៣ កញ្ញា​២០២១​។​

​ក្នុង​សេចក្ដីប្រកាស​របស់​រដ្ឋ​បាល​ខេត្ត​បញ្ជាក់ថា​៖​ការចាក​វាក់​សាំង​ជូន​កុមារ ត្រូវបាន​ប្រព្រឹត្តទៅ​នៅតាម​ម​ណ្ឌុ​ល​សុខភាព​ក្នុង​ឃុំ​សង្កាត់ របស់​មាតា​បី​តា អាណា​ព្យា​ល​នៃ​កុមារ យុវវ័យ​រស់នៅ ។​
​ហើយ​ពិនិត្យ​ការប្រកាស​ដើម្បី​យក​ឯកសារ​ពាក់ព័ន្ធ​មកជា​មួយ​អោយបាន​ត្រូវជា​ស្រេច​ផងដែរ​៕​