​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ ម្ចាស់​ជើងឯក​ក្របខ័ណ្ឌ Grand Slam កីឡាការិនី​សូ​ហ្វី​យ៉ា ខេ​នី​ន បាន​និយាយ​កាលពី​ថ្ងៃ​ពុធ​ទី​២៥​សីហា​ថា នាង​បាន​ដកខ្លួន​ចេញពី​ព្រឹត្តិការណ៍ US Open នាពេល​ខាងមុខ​នេះ​បន្ទាប់ពី​ធ្វើតេស្តិ៍​វិជ្ជមាន​កូវី​ដ​១៩​ជាច្រើន​ដង ទោះ​បី​ត្រូវ​បាន​ចាក់​វ៉ាក់សាំង​ក៏ដោយ​។​

​នាង​ខេ​នី​ន ជា​ម្ចាស់​ជ័យលាភី Australian Open ឆ្នាំ ២០២០ ដែល​ទទួលបាន​ចំណាត់ថ្នាក់​លេខ ៥ នៅក្នុង​ការប្រកួត​នៅ​ទីក្រុង​ញូវយ៉ក​បាន​បន្ថែម​ឈ្មោះ​របស់​នាង​ចូល​ទៅ​​ក្នុង​បញ្ជី​ឈ្មោះ​កីឡាករ​កីឡាការិនី​ឆ្នើមៗ ដែល​មិន​អាច​ប្រកួតប្រជែង​បាន រួមមាន នាង​សេរី​ណា វី​លលៀម លោក​រ៉ូ​ជើ ហ្វេ​ដេរ័រ លោក​រ៉ា​ហ្វា​អែល ណា​ដាល់ និង នាង ស៊ី​ម៉ូ​ណា ហា​ឡេប​។​

​នាង​ខេន​នី​ន​អាយុ​២២​ឆ្នាំ​បាន​និយាយ​នៅ​លើ​បណ្តាញ​សង្គម​ធ្វី​ត​ធឺ​ថា “​ខ្ញុំ​កំពុង​សរសេរ​ជាមួយ​ព័ត៌មាន​ខកចិត្ត​”​។​

“​ថ្មីៗ​នេះ​ខ្ញុំ​បាន​ធ្វើតេស្តិ៍​វិជ្ជមាន​កូវី​ដ​១៩​។ សំណាង​ដែរ ខ្ញុំ​បាន​ចាក់​វ៉ាក់សាំង​ហើយ​ដូច្នេះ​រោគសញ្ញា​របស់ខ្ញុំ​គឺ​មាន​កម្រិត​ស្រាល​បំផុត​។ ទោះយ៉ាងណា ខ្ញុំ​បាន​បន្ត​ធ្វើតេស្តិ៍​វិជ្ជមាន​ជាច្រើនលើក ហើយ​ដូច្នេះ​នឹង​មិនអាច​ប្រកួតប្រជែង​នៅ​ព្រឹត្តិការណ៍ US Open នៅ​សប្តាហ៍​ក្រោយ​បាន​ទេ​”៕

​នាង​ខេ​នី​ន​នឹង​មិន​អាច​ប្រកួត US Open នៅ​សប្តាហ៍​ក្រោយ​បាន​ទេ​ដោយសារ​កើតកូ​វីដ​