​ប្រែ​សម្រួលៈ​វាសនា​/​វ៉ាស៊ីនតោន (NYTIMES,Straitstimes)៖​សហរដ្ឋ​អាម៉េរិក​បាន​ព្រមាន​ហ្វូងមនុស្ស​ដែល​ព្យាយាម​ចូល​ទៅ​កាន់​អាកាសយានដ្ឋាន​ក្រុង​កា​ប៊ុល អោយ​ចាកចេញ​ពី​​តំបន់​នេះ នៅពេល​អង់គ្លេស​និង​អូស្ត្រាលី បាន​និយាយ​អំពី​«​ការ​គំរាម​វាយប្រហារ​ភេរវកម្ម​»​ដែល​អាច​កើតមាន​ខ្ពស់បំផុត​។​

​ការព្រមាន​មួយ​ប្រាវ​ចេញពី ក្រុង​ឡុង​ដ៍ កង់​បេរ៉ា​និង​វ៉ាស៊ីនតោន​កាលពី​យប់​ថ្ងៃ​ពុធ សុំ​អោយ​ប្រជ​ជន​ដែល​ផ្តុំគ្នា​នៅ​ក្រៅ​របង​និង​នៅ​មាត់ទ្វារ​ចូល​អាកាសយានដ្ឋាន​ត្រូវ​ចាកចេញ​ទៅ​កាន់​កន្លែង​​មាន​សុវត្ថិភាព​ណាមួយ​។​

​អស់​ពេល​ប៉ុន្មាន​ថ្ងៃ​មកហើយ ជនជាតិ​អា​ហ្វ​ហ្គានី​ស្ថាននិង​ជនបរទេស​រាប់​ម៉ឺន​នាក់​បាន​នាំគ្នា​មក​កាន់​អាកាសយានដ្ឋាន​អន្តរជាតិ Hamid Karzai​ក្នុង​ក្រុង​កា​ប៊ុល​យ៉ាង​ពពាក់ពពូន ដោ​​យ​សង្ឃឹម​បាន​ភៀសខ្លួន​ចេញពី​គារ​គ្រប់គ្រង​របស់​ក្រុម​តា​លី​បង់​។​

​ការព្រមាន​សន្តិសុខ​ពេលនេះ​មិន​ធម្មតា ដោយ​ក្រសួងការបរទេស​អាម៉េរិក​បាន​និយាយថា​«​អ្នក​នៅ​មាត់ទ្វារ​Abbey មាត់ទ្វារ​ខាងកើត​ឬ​ខាងជើង គួរ​ចាកចេញ​ជា​បន្ទាន់​នៅ​ពេល​ឥឡូវ​»​។​

​ការព្រមាន​នេះ​កើតឡើង​ចំពេល​នៅ​មាន​ជនជាតិ​អាម៉េរិក​ប្រមាណ​១.៥០០​នាក់​ស្ថិត​នៅក្នុង​ប្រទេស​អា​ហ្វ​ហ្គានី​ស្ថាននៅឡើ​យ​និង​កំពុង​ធ្វើដំណើរ​មក​កាន់​អាកាសយានដ្ឋាន​អោយបាន​មុន​កាលកំណត់​ចុង​ក្រោយ​ថ្ងៃ​៣១​សីហា​។​ក្នុងពេល​ជាមួយគ្នា ជនជាតិ​អា​ហ្វ​ហ្គានី​ស្ថាន​រាប់ម៉ឺន​នាក់ក៏​កំពុង​រង់ចាំ​នៅ​ក្រៅ​របង​អាកាសយាន​ដើម្បី​បាន​ឳ​កាស​បាន​ចូល​ទៅ​ខាង​ក្នុង​។​

​ក្រសួងការបរទេស​អូស្ត្រាលី​នៅ​ថ្ងៃ​ព្រហស្បតិ៍​នេះ​បាន​និយាយថា​មាន​ការ​គំរាម​ខ្ពស់​ណាស់​អំពី​ការវាយប្រហារ​ភេរវកម្ម​។​វា​បាន​និយាយថា​«​កុំ​ធ្វើ​ដំណើរ​ទៅ​អាកាសយាដ្ឋាន​អន្តរជា​តិ​ក្រុង​កា​ប៊ុល​។​បើ​​អ្នក​ស្ថិតនៅក្នុង​តំបន់​អាកាសយានដ្ឋាន ចូរ​ទៅកាន់​កន្លែង​មាន​សុវត្ថិភាព​និង​រង់ចាំ​ការណែនាំ​បន្ត​»​។​

​ចំណែក​រដ្ឋាភិបាល​ក្រុង​ឡុង​ដ៍​បាន​ចេញ​ការព្រមាន​ស្រដៀង​គ្នា និង​ថា​«​បើ​អ្នក​អាច​ចាកចេញ​ពី​អា​ហ្វ​ហ្គានី​ស្ថាន​ដោយ​សុវត្ថិភា​ពតាម​មធ្យោបាយ​ផ្ទាល់ខ្លួន អ្នក​គួរ​ធ្វើ​វា​ភ្លាម​»​។​

​គេ​មិនដឹងថា​អ្វី​នាំអោយ​មាន​ការប្រមាន​បន្ទាន់​ដូច្នេះ តែ​មន្ត្រី​អាម៉េរិក​ជាន់ខ្ពស់​ម្នាក់​បាន​និយាយថា ផ្នែក​ចារកម្ម​អាម៉េរិក​បាន​តាមដាន​ឃើញ​ការ​គំរាម​ជាក់លាក់​នៅ​អាកាសយានដ្ឋាន​នេះ​​ចេញមក​ពី​សាខា​ក្រុម​រដ្ឋ​អ៊ីស្លាម​នៅ​អា​ហ្វ​ហ្គានី​ស្ថាន ដែល​បាន​ធ្វើ​ការវាយប្រហារ​ជាច្រើន​នៅ​ប៉ុន្មាន​ឆ្នាំ​មកនេះ​។​

​នៅ​ថ្ងៃ​ព្រហស្បតិ៍​ទី​២៦​សីហា​នេះ​ហ្វូង​មនុស្ស​ព្យាយាម​ភៀសខ្លួន​ចេញ​នៅតែ​សំរុក​ទៅកាន់​អាកាសយានដ្ឋាន​ទោះជា​មាន​ការ​ព្រមាន​អំពី​ការ​ប្រហារ​របស់​ក្រុម​រដ្ឋ​អ៊ីស្លាម​ដែល​អាច​កើតមាន​។​

​អ្នកការទូត​លោកខាងលិច​ម្នាក់​ដែល​មាន​វត្តមាន​នៅ​អាកាសយានដ្ឋាន​នេះ​បាន​និយាយថា អ្នក​កាន់​ទិដ្ឋាកា​ឬ​លិខិត​ឆ្លងដែន​អាម៉េរិក​ប្រមាណ​១.៥០០​នាក់​កំពុង​ព្យាយាម​ចូលក្នុង​អាកាស​យាន​​ដ្ឋា​ន​នៅឡើយ​។​យន្តហោះ​ដឹកជញ្ជូន​បង្កើន​ជើងហោះហើរ​ឡើងវិញ​នៅថ្ងៃនេះ​ក្រោយ​បន្ថយ​កាលពី​ថ្ងៃ​ពុធ​៕

​មនុស្ស​រាប់​ម៉ឺន​នាក់​ពពាក់ពពូន​នៅក្រៅ​អាកាសយានដ្ឋាន​អន្តរជាតិ​ក្រុង​កា​ប៊ុល​នៅ​ថ្ងៃ​២៦​សីហា​នេះ ទោះជា​មាន​ការព្រមាន​