ដោយ​៖​ដេប៉ូ​/​ភ្នំពេញ​៖ រដ្ឋមន្ត្រីក្រសួង​ការងារ និងបណ្តុះបណ្តាល​វិជ្ជាជីវៈ លោក អ៊ិត​សំហេង បាន​ជំរុញ​ដល់​ភាគី​ពាក់ព័ន្ធ​ត្រូវតែ​អនុវត្ត​នូវ​គោលនយោបាយ​ក្នុង​បង្កើន ឱកាស​ការងារ​សមរ​ម្យ លើកកម្ពស់​ជំនាញ​វិជ្ជាជីវៈ និង​ពង្រឹង​អភិបាលកិច្ច​ទីផ្សារ ការងារ​ដល់​ពលករ​ដ្ឋ​កម្ពុជា​។​

​ការ​ថ្លែង​របស់ លោក​រដ្ឋមន្ត្រីក្រសួង​ការងារ​បែបនេះ​ធ្វើឡើង​ក្នុង​កិច្ចប្រជុំ​លើក​ទី​៥ របស់ គណៈកម្មការ​អន្តរ ក្រសួង​សម្រាប់​ដឹកនាំ ត្រួតពិនិត្យ និង​វាយតម្លៃ​លើ​ការអនុវត្ត គោលនយោបាយ​ជាតិ​ស្ដីពី​មុខរបរ និង​ការងារ​ឆ្នាំ​២០១៥-២០២៥ តាមរយៈ​ប្រព័ន្ធ វីដេអូ (Zoom) នា​ព្រឹក​ថ្ងៃទី​២៦ ខែសីហា ឆ្នាំ​២០២១​។ គួរ​បញ្ជាក់ថា​ក្នុង​កិច្ចប្រជុំ​នេះ មាន​គោលបំណង​ពិនិត្យ និង​វាយតម្លៃ​ពី​វឌ្ឍនៈភាព​នៃ​ការអនុវត្ត​គោលនយោបាយ ជាតិ ស្តីពី​មុខរបរ និង​ការងារ​ឆ្នាំ​២០១៥-២០២៥ និង​បញ្ហា​ប្រឈម​នៅក្នុង​បរិបទ ជំងឺ​កូ​វីដ​-១៩​។​

​ថ្លែង​ក្នុង​ពិធី​នេះ​លោក អ៊ិត សំហេង បាន​វាយ​តំលៃ​ខ្ពស់​ចំពោះ​សមិទ្ធផល​សម្រេច បាន​នាពេល​កន្លងមក និង​បាន​ស្នើសុំ​ថ្នាក់ដឹកនាំ​ក្រសួង ស្ថាប័ន និង​អង្គភាព​ពាក់ព័ន្ធ រដ្ឋបាល​រាជធានី​-​ខេត្ត វិស័យ​ឯកជន បង្កើន​ការយកចិត្តទុកដាក់​ប​ន្ថែ​ម​ទៀត​ក្នុងការ ចូលរួម​អនុវត្ត​គោលនយោបាយ​នេះ​ដើម្បី​ធ្វើការ​ផ្លាស់ប្តូរ និង​លើកស្ទួយ​រចនាសម្ព័ន ឧស្សា​កម្ម ពី​ឧស្សាហកម្ម​អតិពលកម្ម ទៅជា​ឧស្សាហកម្ម​ពលកម្ម​ផ្អែកលើ​ជំនាញ នៅ​ឆ្នាំ​២០២៥ ។ ក្រៅពីនេះ​ក៏​ជាការ​ជំរុញ​ក្នុងការ​អភិវឌ្ឍ​សេដ្ឋកិច្ចជាតិ​ឱ្យមាន កំណើន​ខ្ពស់ ប្រកបដោយ​ចីរភាព និង​បរិ​យា​ប័ន្ន​សម្រាប់​ភាព​សុខដុម​ក្នុងសង្គម​ដោយ ផ្តល់ជូន​ប្រជាពលរដ្ឋ​នូវ​ឱកាស​ការងារ​សមរម្យ​និង​ប្រកបដោយ​ផលិតភាព​ការងារ ខ្ពស់ ស្របតាម​យុទ្ធសាស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល​។

​លោក អ៊ិត សំហេង ក៏បាន​បញ្ជាក់​បន្ថែមថា នៅក្នុង​ការអនុវត្ត​គោលនយោបាយ ជាតិ​នេះ ក្រសួង ស្ថាប័ន​ជាច្រើន​ទាំង​ថ្នាក់ជាតិ និង​ថ្នាក់ក្រោម​ជាតិ​ត្រូវ​ចូលរួម​អនុវត្ត ដោយ​ក្រសួង​ការងារ និង​បណ្តុះបណ្តាល​វិជ្ជាជីវ​: គ្រាន់​តែមាន​តួនាទី​ជា​លេខា ធិ​ការដ្ឋាន​សម្រាប់​សម្របសម្រួល ការអនុវត្ត​នេះ​តែប៉ុណ្ណោះ​។ នេះ​មានន័យថា ការចូលរួម​យ៉ាងសកម្ម​ពី​សំណាក់ ក្រសួង ស្ថាប័ន និង​អង្គភាព​ពាក់ព័ន្ធ​ពិតជា​មាន ភាពចាំបាច់​ណាស់ ដើម្បី​ជម្រុញ​ឲ្យ​ការអនុវត្ត​គោលនយោបាយ​នេះ​កាន់​តែមាន ប្រសិទ្ធភាព និង​លទ្ធផល​កាន់តែ​ប្រសើរ​។​

​ទ​ន្ទឺ​ម​ជាមួយគ្នានេះ​លោក​រដ្ឋមន្ត្រី ក៏បាន​ថ្លែងអំណរគុណ​ចំពោះ​អង្គការ​អន្តរជាតិ​ខាង ការងារ (ILO) ដែល​តែងតែ​បានផ្តល់​កិច្ចសហការ​យ៉ាង​ជិតស្និត ក្នុងការ​ផ្តល់ជំនួយ ថវិការ ។ ពិសេស​ក្នុងនេះ​ដូចជា អង្គការ​អន្តរជាតិ​ខាង​ការងារ (ILO) គឺជា​ដៃគូរ​យ៉ាង សំខាន់​ដែល​មិន អាច​ខ្វះ​បាន​នៅក្នុង​ការអភិវឌ្ឍន៍​វិស័យ​ការងារ​នៅ​កម្ពុជា​៕​/PC