​ដោយៈ​ចាន់តូ​/​ភ្នំពេញៈ ស្ត្រី​វ័យ​កណ្ដាល​ម្នាក់ រាយ​ខ្សែ​ដោត​ឌុយ​ភ្លើង​ទៅ​តូប​លក់ដូរ ដើម្បី​សាក​ទូរស័ព្ទ មិនបាន​ពិនិត្យមើល​ខ្សែភ្លើង​ដាច់​ដែល​ប៉ះ​រោង​សរសរ​ដែក បណ្តាល​ឲ្យ​ឆ្លង​ចរន្ត​ឆក់​ស្លាប់ ក្រោយពី​បញ្ជូន​ទៅកាន់​មន្ទី​ពេទ្យ កាលពី​វេលា​ម៉ោង​១០ និង​៥០​នាទី​ព្រឹក ថ្ងៃទី​២៦ ខែសីហា ឆ្នាំ​២០២១ នៅ​ជិត​ផ្សា​ព្រៃទា ភូមិ​ត្រពាំង​ជ្រៃ សង្កាត់​កា​កាប​២ ខណ្ឌ​ពោធិ​សែន​ជ័យ ។​

​ស្ត្រី​រងគ្រោះ ឈ្មោះ ម៉ាន់ ស្រី​ដា ភេទ​ស្រី អាយុ​៤១​ឆ្នាំ មុខរបរ លក់​សាច់មាន់ ជិត​ផ្សា​ព្រៃទា ស្នាក់នៅ​បន្ទប់​ជួល ក្បែរ​កន្លែងកើតហេតុ ។​

​ក្រោយពី​កើតមាន​ករណី​ខាងលើ សមត្ថកិច្ច អាជ្ញាធរ​ចុះទៅពិនិត្យ​ដល់ទី​តាំង​កើតហេតុ ហើយ​រាយការណ៍​ទៅ​ជំនាញ​កោសល្យវិច័យ គ្រូពេទ្យ ដើម្បី​ពិនិត្យ​សំណាក មុន​ប្រគល់​សព​ជូន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​នៅ​ស្រុកកំណើត ៕​