​ដោយៈ បូកគោ / កំពត​: សេចក្តីប្រកាស​ព័ត៌មាន​របស់ រដ្ឋបាល​ខេត្តកំពត នា​ល្ងាច​ថ្ងៃទី​២៦ ខែសីហា ឆ្នាំ​២០២១ បានឱ្យដឹងថា មនុស្ស​ប្រុស​ស្រី ១៣០ នាក់ បានជា​សះស្បើយ ពី​ជំងឺ​កូ​វីដ​១៩ និង​បាន​រកឃើញ អ្នក​វិជ្ជមាន​ថ្មី ចំនួន ២២ នាក់​។​

​ខ្លឹមសារ​ក្នុង​សេចក្តីជូនដំណឹង បានបញ្ជាក់​ថាៈ យោងតាម​លទ្ធផល នៃ​ការវិភាគ​វត្ថុ​សំណាក រក​មេរោគ​កូ​វីដ​១៩ និង​សេចក្តីប្រកាស​ព័ត៌មាន របស់​ក្រសួងសុខាភិបាល គឺ​បាន​រកឃើញ អ្នក​ឆ្លង​ជំងឺ​កូ​វីដ​១៩ ថ្មី ចំនួន ២២ នាក់​។ ជាមួយ​នោះ ក៏មាន​អ្នកជំងឺ​ប្រុស​ស្រី ចំនួន ១៣០ នាក់ បានជា​សះស្បើយ​ផងដែរ​។​

​តាមរយៈ​ល​ទ្ជ​ល​ថ្មី​នេះ គិត​ត្រឹម​ល្ងាច​ថ្ងៃទី​២៦ ខែសីហា ឆ្នាំ​២០២១ នៅ​ទូទាំង​ខេត្ត មាន​អ្នកជំងឺ​កូ​វីដ​១៩ សរុប ៣.៦០៩ នាក់ ក្នុងនោះ​កំពុង​សម្រាក​ព្យាបាល ១០៣ នាក់ បានជា​សះស្បើយ ៣.៤៤០ នាក់ និង​ស្លាប់ ចំនួន ៦៦ នាក់​៕/V​