​ដោយៈ ប​.​ជ័យ / បន្ទាយ​មាន​ជ័​យៈ បុគ្គលិក​គ្រូពេទ្យ ទាំង​ក្របខ័ណ្ឌ​ចាស់ និង​ថ្មី និង​កិច្ចសន្យា ចំនួន​ជាង ៣០ នាក់​ទៀត បាន​ឆ្លង​វីរុស​កូ​វីដ​១៩ និង​ខ្លះ​ឆ្លង​វីរុស​បំប្លែង​ថ្មី ដែល​តា (Delta) នៅតាម​មណ្ឌល ព្យាបាល មន្ទីរពេទ្យ និង​មណ្ឌល​ច​ត្តា​ឡី​ស័ក​នានា នៅក្នុង​ខេត្តបន្ទាយមានជ័យ ។​

​លោក​វេជ្ជបណ្ឌិត ឡេ ច័ន្ទ​សង្វាត ប្រធាន​មន្ទីរ​សុខាភិបាល នៃ​រដ្ឋបាលខេត្ត​បន្ទាយមានជ័យ បាន​ប្រាប់ រស្មី​កម្ពុជា​ថាៈ បុគ្គលិក​ពេទ្យ នៅ ១៤ មណ្ឌល​ព្យាបាល មន្ទីរពេទ្យ​នានា និង​មណ្ឌល​ច​ត្តា​ឡី​ស័ក ចំនួន ២២ កន្លែង មកទល់​យប់ នៅ​ថ្ងៃទី​២៧ ខែសីហា ឆ្នាំ​២០២១ នេះ បាន​ឆ្លង​ជំងឺ​កូ​វីដ​១៩ ក្នុងនោះ​មាន មេរោគ​បំប្លែង​ថ្មី ដែល​តា​(Delta) ចំនួន ៣១ នាក់ ។​

​លោក​បាន​បន្តថាៈ ចំពោះមុខ មន្ទីរ និង​ក្រុមការងារ​សុខាភិបាល បាន​នាំ​បុគ្គលិក​ពេទ្យ ទាំង​ទៅពិនិត្យ ព្យ​បាល នៅ​មណ្ឌល​សុខភាព និង​មន្ទីរពេទ្យ​មួយចំនួន ដែល​បានរៀបចំ ជាពិសេស ក្នុង​ការផ្តល់​កម្លាំងចិត្ត និង​លើកទឹកចិត្ត​។​

​លោក​វេជ្ជបណ្ឌិត ឡេ ច័ន្ទ​សង្វាត បាន​បន្តថាៈ ក្នុង​គ្រា​បន្ទាន់​នេះដែរ មន្ទីរ និង​ក្រុមការងារ ត្រូវ​រក​គ្រូពេទ្យ​ថ្មី មក​បំពេញការងារ ត្រង់​កន្លែង ដែល​គ្រូពេទ្យ មាន​វិជ្ជមាន​កូ​វីដ​១៩ ដើម្បី​ទ្រោល​បន្ត បន្ទុក​សភាពការណ៍ ប្រយុទ្ធ​នឹង​ជំងឺ​កូ​វីដ ១៩ ជាពិសេស មេរោគ​បំប្លែង​ថ្មី ដែល​តា​(Delta)៕/V​