​ដោយៈ ទេ​ពក​ង្រី / កំពង់ឆ្នាំង​: រដ្ឋបាលខេត្ត​កំពង់ឆ្នាំង នៅ​ថ្ងៃទី​២៨ ខែសីហា ឆ្នាំ​២០២១ បានប្រកាស​ពី ការបន្ត​រកឃើញ អ្នក​វិជ្ជមាន​កូ​វីដ ១៩ តាមរយៈ​ការធ្វើ​តេស្ត​រហ័ស ចំនួន ១៥ នាក់ និង​មាន​អ្នកស្លាប់​ថ្មី ២ នាក់​។​

​អ្នក​ដែលមាន​វិជ្ជមាន​កូ​វីដ ១៩ រដ្ឋបាលខេត្ត​កំពង់ឆ្នាំង បានដាក់​ឲ្យ សម្រាក​ព្យាបាល នៅ​មន្ទីរពេទ្យ ខេត្តកំពង់ឆ្នាំង​. មណ្ឌល​ព្យាបាល សាលាបឋមសិក្សា គំរូ​ក្រុង​, មណ្ឌល​ព្យាបាល វិទ្យាល័យ​តេ​ជោ ហ៊ុន សែន ទឹក​ហូត​, មណ្ឌល​ព្យាបាល វិទ្យាល័យ ហ៊ុន សែន កំពង់ត្រឡាច និង​មណ្ឌល​វិទ្យាល័យ ហ៊ុន សែន បរិបូណ៌​។​

​យោងតាម​សេចក្តីប្រកាស​ព័ត៌មាន របស់​រដ្ឋបាល ខេត្តកំពង់ឆ្នាំង បានបញ្ជាក់​ថាៈ មកដល់ពេលនេះ ខេត្ត​កើតមាន​អ្នក​ឆ្លង​ថ្មី ១៥ នាក់ (​ស្ត្រី ៧ នាក់​) ធ្វើអោយ​ចំនួន​សរុប ២.៧៣១​នាក់ (​ស្រី្ត ២.៦៨៥ នាក់​) អ្នក​ដែល​បានជា​សះស្បើយ​ថ្មី ចំនួន ៧ នាក់ (​ស្រី្ត ៥ នាក់​) សរុប​ចំនួន ២.២៥០ នាក់ (​ស្ត្រី ១.៤១១ នាក់​) ដោយឡែក អ្នកស្លាប់​ថ្មី ប្រុស​ស្រី ២ នាក់ ដែល​ធ្វើអោយ​អ្នកស្លាប់ សរុប ៧៧ នាក់ (​ស្ត្រី ៤៦ នាក់​) ក្នុងនោះ អ្នក​ដែល​កំពង់​សម្រាក​ព្យាបាល ៤០៤ នាក់ (​ស្ត្រី ២២៨ នាក់​)៕/V​