ដោយៈ រ៉ា​ម៉ន / ភ្នំពេញៈ នៅ​សាលាខណ្ឌ​ទួលគោក កាលពី​ថ្ងៃទី​៣០ ខែសីហា ឆ្នាំ​២០២១ លោក ជា ពិសី អភិបាលខណ្ឌ​ទួលគោក និង​លោក ម៉ែន សិរី ប្រធាន​ក្រុមប្រឹក្សា​ខណ្ឌទួលគោក បាន​អញ្ជើញ​ជួប​សំណេះសំណាល​ជាមួយ មន្ត្រីរាជការ នៃ​រដ្ឋបាល​ខណ្ឌទួលគោក និង​ពិនិត្យមើល ហេដ្ឋារចនាសម្ព័ន្ធ​នានា នៅក្នុង​សាលាខណ្ឌ​ទួលគោក​។​

​ក្នុងឱកាស​នេះ លោក​អភិបាលខណ្ឌ បានផ្ដល់​ការណែនាំ​ដល់ មន្ត្រី​ទាំងអស់ អោយ​យកចិត្ត ទុកដាក់ បំរើ​ដល់​ប្រជាពលរដ្ឋ រួមមានៈ ពង្រឹង​ការអនុវត្ត​កិច្ចការរដ្ឋបាល ប្រកបដោយ​សាមគ្គីភាព វិន័យ ការទទួលខុសត្រូវ និង​ប្រសិទ្ធភាព , ពង្រឹង​ការផ្ដល់សេវា​ល្អ ជូន​ប្រជាពលរដ្ឋ , ពង្រឹង​ការងារ ថែរក្សា​សន្តិសុខ​សណ្ដាប់ធ្នាប់​តាម​មូលដ្ឋាន និង​ពង្រឹង​ការឆ្លើយតប​នូវ​តម្រូវការ និង​សំណូមពរ របស់​ប្រជាពលរដ្ឋ អោយមាន​ប្រសិទ្ធភាព​ខ្ពស់ ដោយ​ស្របតាម​អនុសាសន៍ ដឹកនាំ​ដ៏​ខ្ពង់ខ្ពស់ បំផុត​របស់ សម្ដេច​តេ​ជោ នាយករដ្ឋមន្ត្រី​នៃ​ព្រះរាជា​ណា​ក្រ​កម្ពុជា គឺ​”​ធ្វើអោយបាន ធ្វើអោយ​លឿន និង​មាន​តម្លាភាព​”៕/V​