​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ បេសកជន​អាកាសធាតុ​អាម៉េរិក​លោក​ច​ន​ឃើ​រី​ចាប់ផ្តើម​ដំណើរ​ទស្សនកិច្ច​ទៅកាន់​ប្រទេស​ជប៉ុន​និង​ចិន​នៅ​ថ្ងៃ​អង្គារ​នេះ​ខណៈ​រដ្ឋាភិបាល​ទីក្រុង​វ៉ា​ស៊ីន​​តោន​ព្យាយាម​បង្កើត​សម្ទុះ​នៅ​មុន​កិច្ចប្រជុំ​កំពូល​សំខាន់​មួយ​ស្តីពី​ការប្រយុទ្ធប្រឆាំង​នឹង​ការឡើង​កំដៅ​ផែនដី​នៅ​ខែ​វិច្ឆិកា​។​

​ក្រសួង​ការបរទេស​បាន​និយាយ​នៅក្នុង​សេចក្តីថ្លែងការណ៍​មួយ​កាលពី​ថ្ងៃ​ចន្ទ​ថា លោក​ឃើ​រី ដែល​បាន​ធ្វើ​ទស្សនកិច្ច​នៅ​ប្រទេស​ចិន​កាលពី​ខែ​មេសា​នឹង​ទៅ​ទីក្រុង​ធៀន​ជីន​ដើម្បី​បន្ត​ការ​ពិភា​​ក្សា​អំពី​ទិដ្ឋភាព​សំខាន់ៗ​នៃ​វិបត្តិ​អាកាសធាតុ​។​

​សេចក្តីថ្លែងការណ៍​បាន​បន្ថែម​ថា​ក្នុងអំឡុងពេល​ដំណើរ​ទស្សនកិច្ច​នេះ​ដែល​នឹងត្រូវ​បញ្ចប់​នៅ​ថ្ងៃ​សុក្រ​អតីតរដ្ឋមន្ត្រី​ការបរទេស​រូប​នេះ​នឹង​ជួប​ជាមួយ​សម​ភាគី​អន្តរជាតិ​នៅ​ទីក្រុង​តូ​ក្យូ​​ផងដែរ​ដើម្បី​ពិភាក្សា​អំពី​កិច្ចខិតខំ​ប្រឹងប្រែង​ដើម្បី​ជំរុញ​សកម្មភាព​អាកាសធាតុ​រួម​។​

​ដំណើរ​ទស្សនកិច្ច​នៅ​អាស៊ី​របស់​បេសកជន​អាម៉េរិក “​នឹង​ពង្រឹង​កិច្ចខិតខំ​ប្រឹងប្រែង​ទ្វេភាគី​និង​ពហុភាគី​របស់​សហរដ្ឋ​អាម៉េរិក​ដើម្បី​បង្កើន​មហិច្ឆតា​អាកាសធាតុ​”​នៅ​មុន​កិច្ចប្រជុំ​កំពូល​​អាកាសធាតុ COP26 ដែល​នឹង​ត្រូវ​រៀបចំ​ឡើង​នៅ​ទីក្រុង​ក្លា​ហ្គោ ប្រទេ​សស្កុ​តឡែ​ន​ក្នុង​ខែវិច្ឆិកា​។​

​យោង​តាម​សេចក្តីថ្លែងការណ៍​រួម បន្ទាប់​ពី​ដំណើរ​ទស្សនកិច្ច​របស់​លោក​ឃើ​រី​ទៅ​សៀង​ហៃ​នៅ​ពាក់កណ្តាល​ខែ​មេសា ប្រទេស​ទាំង​ពីរ​បាន​សន្យាថា​នឹង “​សហការ …​ដើម្បី​ប្រឈមមុខ​នឹង​វិបត្តិ​​អាកាសធាតុ​” ប៉ុន្តែ​ទីក្រុង​ប៉េកាំ​ង​បាន​និយាយ​កាលពី​ចុងខែ​កក្កដា​ថា កិច្ចសហប្រតិបត្តិការ​នេះ​នឹង​ពឹងផ្អែក​លើ សុខភាព “​នៃ​ទំនាក់ទំនង​ទ្វេភាគី​”​។​

​របាយការណ៍​អន្តររដ្ឋាភិបាល​របស់​អង្គការសហប្រជាជាតិ​ស្តីពី​ការប្រែប្រួល​អាកាសធាតុ​ដែល​បាន​បោះពុម្ពផ្សាយ​កាលពី​ខែ​សីហា​បាន​ព្រមាន​ថា ពិភពលោក​នឹង​ឈាន​ដល់​កំដៅ ១,៥ អង្សា​សេ​នៅ​ត្រឹម​ឆ្នាំ ២០៣០ ពោលគឺ​លឿន​ជាង​ការព្យាករណ៍​មួយ​ទសវត្សរ៍ ដែល​បាន​ព្យាករណ៍​កាល​ពី​បី​ឆ្នាំមុន​៕

​លោក​ច​ន ឃើ​រី