​ដោយៈ​អង្គា​រ៍​ហេង​/​ភ្នំពេញៈ អនុវត្តតាម​ការណែនាំ​របស់ លោក ចេង មុនី​រ៉ា អភិបាលខណ្ឌ​ច្បារអំពៅ នៅ​រសៀល​ថ្ងៃទី​៣១ ខែសីហា ឆ្នាំ​២០២១ លោក ហ៊​ត គឹម​នី អភិបាលរងខណ្ឌ​ច្បារអំពៅ បាន​ដឹកនាំ​ក្រុមការងារ​របស់​រដ្ឋបាល​ខណ្ឌ ចុះ​ពិនិត្យ និង​សម្រុះសម្រួល​បញ្ចប់​វិវាទ​ដីធ្លី​ដ៏​រ៉ាំរ៉ៃ​២​ករណី​ផ្សេងគ្នា​ជូន​ប្រជាពលរដ្ឋ​ប្រកបដោយ​ជោគជ័យ​។

​លោក​អភិបាលរងខណ្ឌ​បានអោយដឹងថា ករណី​វិវាទ​ដីធ្លី​នេះ​មាន​២​ករណី​ដូចខាងក្រោម ៖
១- វិវាទ​ដី​កេ​មរតក​រវាង​បងប្អូន​បង្កើត ស្ថិតនៅ​ភូមិ​ឬ​ស្សី​ស្រស់ សង្កាត់​និរោធ ខណ្ឌ​ច្បារអំពៅ ។​
២- វិវាទ​ដី​កេរ្តិ៍​របស់​ម្តាយបង្កើត និង​កូនៗ​ស្ថិតនៅ​ភូមិ​កោះនរា សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ ។​

​លោក​អភិបាលរងខណ្ឌ​បាន​បន្តទៀតថា ក្រោយពី​បានធ្វើការ​សម្រុះសម្រួល​ជាច្រើនលើក​ច្រើនសារ​រួចមក ជា​លទ្ធផល គូភាគី​វិវាទ​ទាំងអស់​បាន​ព្រមព្រៀង​ឯកភាព​សះជា​នឹង​គ្នា​ដើម្បី​បញ្ចប់​វិវាទ​ចាប់ពីពេលនេះ​តទៅ ៕​