ដោយៈ ស​រិ​ទ្ធ / ភ្នំពេញៈ នៅ​ព្រឹក​ថ្ងៃទី​១ ខែកញ្ញា ឆ្នាំ​២០២១ អង្គភាព​អនុគណៈកម្មការ ស្រាវជ្រាវ​ជំងឺ​កូ​វីដ​-១៩ បានបញ្ជាក់​ឲ្យ​ដឹងថាៈ ករណី​កូ​វីដ​-១៩ បំប្លែង​ថ្មី ដែល (Delta) គឺ​នៅ​ថ្ងៃទី​៣១ ខែសីហា ឆ្នាំ​២០២១ ក្រុមគ្រូពេទ្យ​សម្ដេច​តេ​ជោ ប្រឆាំង​កូ​វីដ​១៩ បាន​យក​សំណាក​កម្មករ និង​កម្ម​ការ​នី នៃ​រោងចក្រ ជី​អេ​ធី (GAT) ផ្លូវ​លេខ​៣៧១ ខណ្ឌដង្កោ រាជធានី​ភ្នំពេញ​។​

​អង្គភាព​អនុគណៈកម្មការ ស្រាវជ្រាវ​ជំងឺ​កូ​វីដ​-១៩ បានបញ្ជាក់​ថាៈ លទ្ធផល​តេស្ត រហ័ស លើក​ទី​១ រកឃើញ​វិជ្ជមាន​កូ​វីដ ៨ នាក់ ក្នុងចំណោម​អ្នកធ្វើ​តេស្ត ៥២៧ នាក់ ។ អ្នក​វិជ្ជមាន​កូ​វីដ​ទាំង ៨ នាក់ ខាងលើ ស្ថិតក្នុង​ការរង់ចាំ លទ្ធផល​វិភាគ រក​មេរោគ កូ​វីដ​១៩ បំប្លែង​ថ្មី ដែល​តា (Delta) បន្តទៀត​។​

​អង្គភាព​អនុគណៈកម្មការ ស្រាវជ្រាវ​ជំងឺ​កូ​វីដ​-១៩ បាន​អំពាវនាវ​សូម​ប្រជាពលរដ្ឋ និង​អាជីវករ​ទាំងអស់ ដែល​ពាក់ព័ន្ធ​នឹង​ទីតាំង​ខាងលើ សូមមេត្តា​សហការ​ទៅយក សំណាក និង​ដាក់ខ្លួន​ដាច់ដោយឡែក ដើម្បី​សុវត្ថិភាព សូម​យកចិត្ត ទុកដាក់ តាមដាន​សុខភាព​របស់ខ្លួន រយៈពេល ២១​ថ្ងៃ​៕/V​-PC