​ដោយៈ គ្រញូង / បាត់ដំបង​៖ កាលពី​ព្រឹក​ថ្ងៃទី​៣១ ខែសីហា ឆ្នាំ​២០២១ មានការ​ក្ញាក់​ផ្អើល​ដោយមាន ប្រជាពលរដ្ឋ បាន​ប្រទះឃើញ សាកសព​មនុស្ស​ម្នាក់ មាន​សភាព​ហើម​ស្អុយ​ទៅហើយ មើល​មិន​ស្គាល់ ជា​មនុស្ស​ស្រី ឬ​ប្រុស ស្ថិតនៅក្នុង​គម្ពោធ​ព្រៃ ចម្ងាយ​ពី​ផ្លូវ ១០០ ម៉ែត្រ ស្ថិតក្នុង​ភូមិ​បា​ស្រែ ឃុំ​ដូន​បា ស្រុក​គាស់ក្រឡ​។​

​លោក​វរសេនីយ៍ឯក ឯង ហៀ​ង អធិការនគរបាល ស្រុក​គាស់ក្រឡ បានឱ្យដឹងថាៈ នៅ​មុនពេល​កើតហេតុ គឺមាន​ប្រជាពលរដ្ឋ រាយការណ៍​ថា បាន​ប្រទះឃើញ​សព មនុស្ស​ម្នាក់ នៅក្នុង​គុម្ពោត​ព្រៃ មាន​សភាព ហើម​ស្អុយ មិនទាន់​ស្គា​ស់​អត្តសញ្ញាណ ទើប​លោក​បញ្ជា​ឲ្យ​កម្លាំង​ជំនាញ ចុះទៅពិនិត្យ​។​

​បន្ទាប់ពី​មន្ត្រី​ជំនាញ ធ្វើ​កោសល្យវិច័យ ត្រួតពិនិត្យ ទើ​ស្គា​ស់​ថា សព​មានឈ្មោះ យ៉ង សា​រ៉ា​ត ភេទ​ប្រុស អាយុ ៤៥ ឆ្នាំ រស់នៅ​ភូមិ​ព្រៃ​ភ្នាស ឃុំ​ដូន​បា ស្រុក​គាស់ក្រឡ ស្លាប់​ដោយ​ជន​មិន​ស្គាល់មុខ វាយ​ផុង​លលាដ៍ ផ្នែក​ខាងក្រោយ និង​បាក់​ថ្គាម ខាងឆ្វេង​។

​បច្ចុប្បន្ន សមត្ថកិច្ច កំពុងធ្វើការ​ស្រាវជ្រាវ តាមរក​ជនសង្ស័យ ជា​ឃាតករ ដើម្បី​នាំខ្លួន​មក ផ្ដន្ទាទោស តាមច្បាប់​៕/V