​ដោយៈ ទេ​ពក​ង្រី / កំពង់ឆ្នាំងៈ រដ្ឋបាលខេត្ត​កំពង់ឆ្នាំង នៅ​ថ្ងៃទី​១ ខែកញ្ញា ឆ្នាំ​២០២១ នេះ បានប្រកាស​ពី​ការបន្ត​រកឃើញ អ្នក​វិជ្ជមាន​កូ​វីដ​១៩ ថ្មី តាមរយៈ​ការធ្វើ​តេស្ត​រហ័ស ចំនួន ១៥ នាក់ អ្នក​ដែល​បានជា​សះស្បើយ​ថ្មី ចំនួន ២៥ នាក់ និង​មាន​អ្នកស្លាប់​ថ្មី ២ នាក់​។​

​អ្នក​ដែលមាន​វិជ្ជមាន​កូ​វីដ -១៩ រដ្ឋបាលខេត្ត​កំពង់ឆ្នាំង បានដាក់​ឲ្យ​សម្រាក​ព្យាបាល នៅ​មន្ទីរពេទ្យ ខេត្តកំពង់ឆ្នាំង​. មណ្ឌល​ព្យាបាល សាលាបឋមសិក្សា គំរូ​ក្រុង​, មណ្ឌល​ព្យាបាល​វិទ្យាល័យ តេ​ជោ​ហ៊ុនសែន ទឹក​ហូត​, មណ្ឌល​ព្យាបាល​វិទ្យាល័យ ហ៊ុនសែន កំពង់ត្រឡាច និង​មណ្ឌល​វិទ្យាល័យ ហ៊ុនសែន បរិបូណ៌​។​

​យោងតាម​សេចក្តីប្រកាស​ព័ត៌មាន របស់​រដ្ឋបាលខេត្ត​កំពង់ឆ្នាំង បានបញ្ជាក់​ថាៈ មកដល់ពេលនេះ ខេត្ត​កើតមាន​អ្នក​ឆ្លង​ថ្មី ១៥ នាក់ (​ស្ត្រី​៩​នាក់​)​ដែល​ធ្វើអោយ​អ្នក​ឆ្លង​ថ្មី សរុប​ចំនួន ២.៧៨២ នាក់ អ្នក​ដែល​បានជា​សះស្បើយ សរុប​ចំនួន ២.៣៧២ នាក់ ដោយឡែក អ្នកស្លាប់​សរុប ចំនួន ៨២ នាក់​
​និង​អ្នក​ដែល​កំពុង​សម្រាក​ព្យាបាល ចំនួន ៣២៨ នាក់ ៕/V​