ដោយ/មុនីរ័ត្ន/ភ្នំពេញៈ រយៈពេល ២៤៧​ថ្ងៃ គិត​ចាប់ពី​ថ្ងៃទី​១ ខែមករា ដល់​ថ្ងៃទី​៤ ខែកញ្ញា ឆ្នាំ​២០២១ គ្រោះថ្នាក់​ចរាចរណ៍​នៅ​ទូទាំងប្រទេស​បានកើត​ឡើង ១៦៩២​លើក បណ្តាល​ឲ្យ​មនុស្ស​ស្លាប់បាត់​បង់ជីវិត​ចំនួន ៩៥៤​នាក់ និង​របួស​ចំនួន ២៣៣៨​នាក់ ក្នុងនោះ​ធ្ងន់​ចំនួន ១៣៩៦​នាក់​។ នេះ​បើតាម​ការបញ្ជាក់​របស់ លោក​ឧ​ត្ត​ម​សេនីយ៍​ឯក ឆាយ គឹម​ខឿន អ្នកនាំពាក្យ​អគ្គស្នងការដ្ឋាន​នគរ​បាល​ជាតិ កាលពី​ល្ងាច​ថ្ងៃទី​៤ ខែកញ្ញា ឆ្នាំ​២០២១​។​

លោក​ឧ​ត្ត​ម​សេនីយ៍​ឯក ឆាយ គឹម​ខឿន អ្នកនាំពាក្យ​អគ្គស្នងការដ្ឋាន​នគរ​បាល​ជាតិ(រូបថត ឯកសារ)

​អ្នកនាំពាក្យ​បាន​បន្តថា សម្រាប់​គ្រោះថ្នាក់​ចរាចរណ៍​នៅ​ថ្ងៃទី​៤ ខែកញ្ញា ឆ្នាំ​២០២១ បាន​កើតឡើង​ចំនួន ៤​លើក ស្លាប់ ២​នាក់ និង​របួស ៣​នាក់ ក្នុងនោះ​ធ្ងន់​ចំនួន ២​នាក់ និង​ស្រាល ១​នាក់​។​
​ប្រភព​ដដែល​បាន​បន្តទៀតថា ចំពោះ​ការ​រឹតបន្តឹង​ការអនុវត្ត​ច្បាប់​ចរាចរណ៍​វិញ នៅក្នុង​រយៈពេល ២៤៧​ថ្ងៃ គិត​ចាប់ពី​ថ្ងៃទី​១ ខែមករា ដល់​ថ្ងៃទី​៤ ខែកញ្ញា យានយន្ត​ដែល​ល្មើសច្បាប់​ចរាចរណ៍​មាន​ចំនួន​សរុប ១៤៩១២៧​គ្រឿង ក្នុងនោះ​ម៉ូតូ​ចំនួន ១១១៤២៤​គ្រឿង និង​រថយន្ត​ចំនួន ៣៧៧០៣​គ្រឿង ក្នុងនោះ​រថយន្ត​តូច ២៩៤៨២​គ្រឿង និង​ធំ ៨២២១​គ្រឿង​៕​សរន

(រូបថតឯកសារ)