​ប្រែ​សម្រួលៈ​វាសនា​/​តៃ​ប៉ិះ ៖ កងកម្លាំង​អាកាស​តៃវ៉ាន់ កាលពី​ថ្ងៃអាទិត្យ ទី​៥​កញ្ញា បាន​បញ្ចេញ​យន្តហោះ​ប្រដេញ​នៅពេល​យន្តហោះ​ចិន​ដល់​ទៅ​១៩​គ្រឿង រួម​មាន​យន្តហោះ​ទម្លាក់​គ្រាប់​​ដែល​អាច​ផ្ទុក​គ្រាប់បែក​នុយគ្លេអ៊ែរ បាន​ហោះចូល​ក្នុង​អ្វី​ដែល​អាជ្ញាធរ​ក្រុង​តៃប៉ិះ​អះអាងថា តំបន់​កំណត់​អត្តសញ្ញាណ​ការពារ​ដែល​អាកាស​របស់ខ្លួន​។​

​អាជ្ញាធរ​កោះ​តៃវ៉ាន់​បាន​តវ៉ា​មួយ​ឆ្នាំ​មកហើយ​អំពី​បេសកកម្ម​ម្តង​ហើយ​ម្តង​ទៀត​នៃ​កងទ័ពអាកាស​ចិន ចូល​មក​កៀក​នឹង​កោះ​តៃវ៉ាន់ ដោយ​ភាគច្រើន​នៅ​ប៉ែក​និរតី​នៃ​តំបន់​ការពារ​ដែន​​អាកាស​ឮ​ជិត​ប្រជុំ​កោះ​ប្រា​តាស​ដែល​គ្រប់គ្រង​ដោយ​តៃវ៉ាន់​។​

​បើ​តាម​ក្រសួង​យោធា​តៃវ៉ាន់ បេសកកម្ម​ចុងក្រោយ​នេះ​ចូលរួម​ដោយ យន្តហោះ​J-16​ដប់​គ្រឿង Su-30 ចំនួន​៤​គ្រឿង ព្រមទាំង​យន្តហោះ​ទម្លាក់​គ្រាប់​H-6​បូ​ន​គ្រឿង​និង​យន្តហោះ​ប្រឆាំង​​នាវាមុជទឹក​មួយគ្រឿង ។​

​ក្រសួង​បាន​បន្ថែមថា យន្តហោះ​ប្រយុទ្ធ​តៃវ៉ាន់ ត្រូវបាន​បញ្ជូន​ទៅ​ព្រមាន​អោយ​យន្តហោះ​ទាំងនោះ​ចេញ​ទៅ​ឆ្ងាយ ខណៈ​ប្រព័ន្ធ​កាំជ្រួច​បាញ់​យន្តហោះ​ក៏​ត្រូវ​បញ្ជូន​ទៅ​តាមដាន​។​

​សកម្មភាព​យន្តហោះ​ចិន​ទ្រង់ទ្រាយ​ធំ​ចុង​ក្រោយ​ដូច្នេះ បាន​កើត​ឡើង​កាលពី​ថ្ងៃ​១៥​មិថុនា នៅពេល​កងទ័ពអាកាស​ចិន​បាន​បញ្ជូន​យន្តហោះ​២៨​គ្រឿង​ទៅ​កៀក​នឹង​កោះ​តៃវ៉ាន់​។​ចិន​តែង​ពណ៌នា​​សកម្មភាព​ដូច្នេះ ថា​ចាំបាច់​ដើម្បី​ការពារ​អធិបតេយ្យភាព​របស់​ខ្លួន​និង​ដោះស្រាយ​ចំពោះ​ការ​សមគំនិត​គ្នា​រវាង​រដ្ឋាភិបាល​ក្រុងតៃ​ប៉ិះ​និង​វ៉ាស៊ីនតោន​៕

​បេសកកម្ម​ចុងក្រោយ​នេះ​ចូលរួម​ដោយ​យន្តហោះ​J-16​ដប់​គ្រឿង