​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ ហ្សៃ​ហ្សូ​ដ​ឌី​ន​នៅតែមាន​ស្លាកស្នាមរ​បួស​នៅ​ឡើយ​ពី​រន្ទះបាញ់​ដែល​បានសម្លាប់​មិត្តភក្តិ​របស់​គេ​បី​នាក់​ខណៈ​កំពុង​ថតរូប​ស៊ែ​ល​ហ្វ៊ី​ជុំ​គ្នា​នៅលើ​​បន្ទាយ​អាយុ ៤០០ ឆ្នាំ​នៅក្នុង​ប្រទេស​ឥណ្ឌា ទី​ដែល​បម្រែបម្រួល​អាកាសធាតុ​កំពុង​ធ្វើឱ្យ​រន្ទះបាញ់​ក្លាយជា​រឿង​ធម្មតា​។​

​មនុស្ស​ជាច្រើន​បាន​ជួប​បទពិសោធន៍​ដ៏​រន្ធត់​នេះ​នៅ​ឆ្នាំ​នេះ​នៅ​រដ្ឋ​រ៉ា​ចា​ស្ថាន​ភាគ​ខាងលិច ទី​ដែល​ការស្លាប់​ដោយ​រន្ទះបាញ់​គឺជា​រឿង​ចម្លែក​កាលពី​អតីត​។​

​ហ្សៃ​ហ្សូ​ដ​ឌី​ន​បាន​និយាយ​ទាំង​សំឡេង​ញ័រៗ​ខណៈ​ដេក​គ្រ​លំ​ភួយ​នៅផ្ទះ​តូច​របស់​គាត់​នៅ​ទីក្រុង​ចៃ​ពួ យ៉ាង​ដូច្នេះ​ថា “​ខ្ញុំ​ត្រូវ​រន្ទះបាញ់ ៣ គ្រាប់ គឺ​មួយ​គ្រាប់​ម្តងៗ​”​។

​ហ្សៃ​ហ្សូ​ដ​ឌី​ន​និង​មិត្តភក្តិ​ពី​កុមារភាព​បី​នាក់​របស់​គេ​បាន​ឡើងជណ្តើរ​រាប់រយ​កាំ​ទៅ​ប៉ម​មួយ​នៅលើ​កំពូល​បន្ទាយ​អាមឺ​អំឡុងព្យុះ​កាលពី​ខែ​កក្កដា ដែល​បាន​ឆក់យក​ជីវិត​មនុស្ស ៨ នាក់​ផ្សេង​ទៀត​ផង​ដែរ​។​

​បុរស​វ័យ ២១ ឆ្នាំ​រូប​នេះ​បាន​ប្រាប់​ទីភ្នាក់ងារ​សារព័ត៌មាន AFP ថា “​សំឡេង​រន្ទះ​គឺ​ថ្លង់​ខ្លាំងណាស់ វា​មាន​អារម្មណ៍​ដូចជា​ការផ្ទុះ​គ្រាប់បែក​។ ខោ​និង​ស្បែកជើង​របស់​ខ្ញុំ​ត្រូវ​ភ្លើង​ឆេះ ហើយ​អវយវៈ​របស់ខ្ញុំ​ចាប់ផ្តើម​រឹង ហើយ​ខ្ញុំ​មិន​អាច​កម្រើក​បានទេ​”​។​

​យោងតាម​តួលេខ​របស់​រដ្ឋាភិបាល​បានឱ្យដឹងថា មនុស្ស​ប្រហែល ២.៥០០ នាក់​បាន​ស្លាប់​ដោយសារ​រន្ទះបាញ់​នៅ​ជុំវិញ​ប្រទេស​ឥណ្ឌា​ជា​រៀងរាល់​ឆ្នាំ​ធៀប​នឹង​សហរដ្ឋ​អាម៉េរិក​មានតែ ៤៥ នាក់​ប៉ុណ្ណោះ​៕

​មនុស្ស​ប្រហែល ២.៥០០ នាក់​បាន​ស្លាប់​ដោយសារ​រន្ទះបាញ់​នៅ​ជុំវិញ​ប្រទេស​ឥណ្ឌា​ជា​រៀងរាល់ឆ្នាំ