​ដោយៈ ទេ​ពក​ង្រី / កំពង់ឆ្នាំង​: អាជ្ញាធរខេត្ត និង​ស្រុក​កំពង់លែង បាន​ប្រកាសជូន​ព័ត៌មាន ដល់​ប្រជាពលរដ្ឋ ដែល​រស់នៅក្នុង​ឃុំ​សំរោង​សែន ស្រុក​កំពង់លែង ខេត្តកំពង់ឆ្នាំង​ថាៈ ចាប់ពី​ថ្ងៃទី​៧ ខែកញ្ញា ឆ្នាំ​២០២១ ឃុំ​សំរោង​សែន ដែល​ស្ថិត​ក្នុងស្រុក​កំពង់លែង ត្រូវបាន​បិទ​ខ្ទប់​មិន ឱ្យ​ប្រជាពលរដ្ឋ ក្នុង​ឃុំ បន្ត​ការចេញចូល ពី​កន្លែង​មួយ ទៅ​កន្លែង​មួយ​នោះឡើយ បន្ទាប់ពី​នៅក្នុង​ឃុំ​សំរោង​សែន ក្រុមគ្រូពេទ្យ បាន​រកឃើញ អ្នក​វិជ្ជមាន​កូ​វីដ ១៩ បំប្លែង​ថ្មី ប្រភេទ​ដែល​តា (Delta) ជា​កសិករ ចំនួន ២ នាក់ ។​

​អ្នក​ដែល​វិជ្ជមាន​កូ​វីដ​១៩ បំប្លែង​ថ្មី ប្រភេទ ដែល​តា (Delta) ចំនួន ២​នាក់​នោះ មានឈ្មោះ គង់ ខ ភេទ​ស្រី អាយុ​៥៣​ឆ្នាំ និង​ឈ្មោះ គង់ ឃុំ ភេទ​ស្រី អាយុ ៦៣ ឆ្នាំ មាន​ទីលំនៅ ក្នុង​ឃុំ​សំរោង​សែន ស្រុក​កំពង់លែង ។​

​ប្រធាន​ក្រុម​ដឹកនាំ​ក្រុមគ្រូពេទ្យ ចុះ​យក​សំណាក លោក វេជ្ជបណ្ឌិត ងិន ចាន់​សារ៉េត បានអោយដឹងថាៈ ព្រឹក​មិញ​នេះ ក្រុមគ្រូពេទ្យ បាន​រកឃើញ​អ្នក​វិជ្ជមាន​កូ​វីដ ១៩ បំប្លែង​ថ្មី ប្រភេទ​ដែល​តា លើ​មនុស្ស​ប្រុស​ស្រី ៥ នាក់ មាន​នគ​បាល ២ នាក់ កសិករ ២ នាក់ និង​អាជីវករ​ផ្សារលើ ១ នាក់ ។​

​លោក ហ៊ិ​ន ចាន់​សារ៉េត ធ្លាប់បាន​អោយដឹងថាៈ កន្លងទៅ ខេត្តកំពង់ឆ្នាំង បាន​រកឃើញ​អ្នក​វិជ្ជមាន​កូ​វីដ​១៩ បំប្លែង​ថ្មី ប្រភេទ​ដែល​តា មាន ១០ ករណី ហើយក៍​ជា​ក្តី​ព្រួយបារម្ភ​ផងដែរ​។​

​ក្នុងនោះ មន្ទីរ​សុខាភិបាល ខេត្តកំពង់ឆ្នាំង សូម​អំពាវនាវ​ដល់​ប​ង​ប្អូន​ប្រជាពលរដ្ឋ ទាំងអស់ រួមគ្នា​អនុវត្ត តាម​វិធានការ របស់​រាជរដ្ឋាភិបាល និង​ក្រសួងសុខាភិបាល ៣ កុំ ៣ ការពារ​។​

​ក្នុងករណី​ដឹងថា ខ្លួន​បាន​ប្រាស្រ័យ​ទាក់ទង ជាមួយនឹង​អ្នកជំងឺ​កូ​វីដ ១៩ បំប្លែង​ថ្មី ប្រភេទ​ដែល​តា សូម​ប្រញាប់​រួសរាន់ ទំនាក់ទំនង​ទៅកាន់ គ្រូពេទ្យ ឬ​មណ្ឌល​សុខភាព​ណា ដែល​នៅ​ជិត ដើម្បី​យក​សំណាក​៕/V​