ដោយៈ ទេ​ពក​ង្រី / កំពង់ឆ្នាំងៈ នៅ​ថ្ងៃទី​៨ ខែកញ្ញា ឆ្នាំ​២០២១ លោក ស៊ុន សុវណ្ណ​រិ​ទ្ធ អភិបាលខេត្ត កំពង់ឆ្នាំង រួម​ដំណើរ​ដោយ​លោក អម សុភា ប្រធាន​គណៈកម្មាធិការ សាខា​កាកបាទក្រហមកម្ពុជា​ខេត្ត និង​មន្ត្រី​ជាច្រើនរូប បាន​ចុះ​ត្រួតពិនិត្យ លើក​ទី​២ ក្នុង​ការសាងសង់​លំនៅដ្ឋាន និង​ឣ​ណ្ដូ​ង​ទឹក ដល់​គ្រួសារ រងគ្រោះ ដោយ​អគ្គិភ័យ ដែលជា​អំណោយ​ដ៏​ថ្លៃថ្លា​របស់ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ជូន​ដល់​គ្រួសារ ចំនួន​២ នៅ​ភូមិ​ខ្សាច់​ស ឃុំ​ក្រាំង​ល្វា ស្រុក​សាមគ្គី​មានជ័យ ។ ការសាងសង់​លំនៅដ្ឋាន និង​អណ្តូង សម្រេចបាន​ប្រមាណ ៨០ ភាគរយ​ហើយ ហើយនឹង​បញ្ចប់​ការសាងសង់ ថ្ងៃទី​១១ ខែកញ្ញា ឆ្នាំ​២០២១ ខាងមុខនេះ​។​

​ក្នុងឱកាស​នោះ លោក ស៊ុន សុ​វណ្ណា​រិ​ទ្ធិ បាន​ពាំនាំ​ប្រសាសន៍​ផ្តាំផ្ញើ សួរសុខទុក្ខ​ពី​សំណាក់ សម្តេច​កិត្តិ​ព្រឹទ្ធ​បណ្ឌិត ប៊ុន រា​នី ហ៊ុន សែន ប្រធាន​កាកបាទក្រហមកម្ពុជា ដែល​កន្លងមក សម្តេច​តែងតែ​នឹករលឹក និង​គិតគូរ​ពី​សុខទុក្ខ​របស់ បងប្អូន​ប្រជាពលរដ្ឋ ដែល​ជួប​ការលំបាក គ្រប់​ទីកន្លែង ដោយ​មិន​ប្រកាន់ ពូជសាសន៍ ពណ៌​សម្បុរ ឬ​និន្នាការ​នយោបាយ​ឡើយ ។

​លោក ស៊ុន សុ​វណ្ណា​រិ​ទ្ធិ ក៏មាន​ប្រសាសន៍​ផ្តាំផ្ញើ ដល់​ប្រជាពលរដ្ឋ សូម​ថែរក្សា​សុខភាព​ឲ្យ​បានល្អ ត្រូវអនុវត្ត តាម​ការណែនាំ​របស់ ក្រសួងសុខាភិបាល អនុវត្តតាម​អនុសាសន៍​របស់ សម្តេច​ប្រមុខ​រាជ​រដ្ឋា​ភិ បាល គឺ ៣ ការពារ ៣ កុំ ដើម្បី​ជៀសផុត​ពី​ជំងឺ​កូ​វីដ​-១៩ ទាំងអស់គ្នា និង​អំពាវនាវ​ឱ្យ​ប្រជាពលរដ្ឋ មិនទាន់​ទៅ​ចាក់​វ៉ាក់សាំង សូម​អញ្ជើញ​ទៅ​ចាក់​វ៉ាក់សាំង ឱ្យបាន​គ្រប់ៗ​គ្នា​។​

​ក្នុងឱកាស​នោះ លោក​បាន​ចែក​អំណោយ​ជូន​គ្រួសារ ជួប​ការលំបាក និង​រង​ផលប៉ះពាល់ ដោយសារ​ជំងឺ​កូ​វីដ ចំនួន ១០ គ្រួសារ ក្នុង​មួយ​គ្រួសារ ទទួលបាន​អង្ករ ២៥ គីឡូក្រាម​, មី​១​កេស​, ត្រីខ​១​យួរ និង​ទឹក​សុទ្ធ ១​កេស ៕/V​