​ដោយ​៖ ប​.​ជ័យ​/ បន្ទាយមានជ័យ​៖ មន្ត្រី​ថ្នាក់ដឹកនាំ​កាលពី​ថ្ងៃទី​៨ ខែកញ្ញា ឆ្នាំ​២០២១ បានធ្វើ​ពិធី​សំណេះសំណាល​សួរសុខទុក្ខ និង​បញ្ចូល​ជា​សមាជិក​គណបក្ស​ប្រជាជន​កម្ពុជា ចំនួន​៩០​នាក់ ដែល​មកពី​សមាគមន៍​រ៉ឺម៉ក់​សន្តិភាព ។​

​ពិធី​បានធ្វើ​នៅ​ស្នាក់ការ​គណបក្ស​ប្រជាជន​កម្ពុជា​ក្រុង​ប៉ោយប៉ែត ក្រោម​វត្តមាន​លោក ប៉ាន់​ខែម ប៊ុនថន នាយករង​ខុទ្ទកាល័យ​សម្តេច​តេ​ជោ លោក អ៊ុំ រាត្រី ប្រធាន​គណបក្ស​ប្រជាជន​កម្ពុជា​ខេត្តបន្ទាយមានជ័យ និង​មន្ត្រី​ក្រុមការងារ​ចុះជួយ​និង​មន្ត្រី​មូលដ្ឋាន​នៃ​គណបក្ស ។​

​សមាជិក​ថ្មី បាន​សម្តែង​ក្តី​រីករាយ ដែល​ពួកគេ​ត្រូវបាន​បញ្ចូល​ជា​សមាជិក​ថ្មី ហើយ​ពួកគេ​ប្តេជ្ញាចិត្ត​ថា​នឹង​គោរព អនុវត្តតាម​ល​ក្ខ័​ន្តិ​កៈ​គណបក្ស​។​

​មន្ត្រី​ថ្នាក់ដឹកនាំ​ខាងលើ បាន​ផ្តាំ​ផ្ញើអោយ​មន្ត្រី​ក្រុម​កា​ងារ និង​មន្ត្រី​មូលដ្ឋាន​គណបក្ស​សូម​យកចិត្តទុកដាក់ និង​ឆ្លើយតប ក៏ដូចជា​ចិញ្ចឹម​ចលនា​ដល់​សមាជិក​ថ្មី ចាស់ និង​ពលរដ្ឋ​ទូទៅ ៕​