​ប្រែ​សម្រួលៈ​វាសនា​/​ហាណូយ​៖​ឧត្តមសេនីយ៍ ហ្វ៊ុង ក្វា​ង ថាញ់ អតីតរដ្ឋមន្ត្រី​ការពារ​ជាតិ​វៀតណាម បាន​ទទួលមរណភាព​កាលពី​ថ្ងៃ​សៅរ៍ ក្នុង​អាយុ​៧២​ឆ្នាំ​នៅ​គេហដ្ឋាន​ក្នុង​ក្រុង​ហាណូយ​​របស់​លោក​ក្រោយ​កើត​ជំងឺ​ធ្ងន់ធ្ងរ​ម្យ៉ាង​។​

​គណៈកម្មាធិការ​គាំពារ​និង​សុខាភិបាល​មជ្ឈិម បាន​និយាយថា​លោក​ថាញ់​បាន​ស្លាប់​នៅ​ម៉ោង​៣​និង​៤៥​នាទី​ជិត​ភ្លឺ​នា​ថ្ងៃ​សោរ៍​។​

​ជា​សមាជិក​គណៈកម្មាធិកា​រ​កណ្តាល​មជ្ឈិមបក្ស និង​ជា​សមាជិក​ការិយាល័យ​នយោបាយ​នៃ​បក្ស​កុំម្មុយនីស្ត​វៀតណាម លោក​ថា​ញ់​បាន​ធ្វើ​ជា​រដ្ឋមន្ត្រី​ការពារជាតិ ចាប់ពី​ឆ្នាំ​២០០៦ ដល់ ២០១៦​។​

​កើត​នៅ​ក្រុង​ហាណូយ លោក​បាន​ចូល​បំរើ​ក្នុង​ជួរ​កងទ័ព​នៅ​ឆ្នាំ​១៩៦៧ និង​បាន​ប្រយុទ្ធ​ក្នុង​សង្គ្រាម​វៀតណាម​(១៩៥៥-១៩៧៥) និង​សង្គ្រាម​ចិន​-​វៀតណាម​ឆ្នាំ​១៩៧៩​។​លោក​ត្រូវបាន​បញ្ជូន​ទៅ​​សិក្សា​នៅ​សហភាពសូវៀត​២​ដង​និង​ធ្លាប់​ដឹកនាំ​កងពល​ផ្សេងៗ​ក្នុង​កងទ័ព​ប្រជាជន​វៀតណាម​៕

​ឧត្តមសេនីយ៍ ហ្វ៊ុង ក្វា​ង ថាញ់ បាន​ខូច​សួត​ដោយ​គ្រោះថ្នាក់​ចរាចរណ៍​មួយ​ក្នុងអំឡុង​សង្គ្រាម​វៀតណាម និង​ធ្លាប់​បាន​ទៅ​ព្យាបាល​នៅ​បារាំង​នៅ​ឆ្នាំ​២០១៥​