​ប្រែ​សម្រួលៈ​វាសនា​៖ ក្មេងៗ​នៅ​បង់​ក្លា​ដែស​បាន​វិល​ទៅកាន់​សាលារៀន​វិញ​កាលពី​ថ្ងៃអាទិត្យ​នៅពេល​សាលារៀន​បើក​ឡើង​វិញ​ក្រោយ​បិទទ្វារ​អស់​១៨​ខែ​ដោយសារកូ​វីដ​១៩​។​

​ការ​ដំណើរការ​សិក្សា​តាម​ថ្នាក់​ផ្ទាល់​ឡើងវិញ​នេះ​កើតឡើង​ចំ​ពេល​អង្គការ UNICEF​ព្រមាន​ថា ការបិទ​ថ្នាក់រៀន​អូសបន្លាយ​ពេល​ក្នុងអំឡុង​វិបត្តិកូ​វីដ​១៩ វា​កាន់តែ​អោយមាន​ភាព​អ​យុ​ត្តិ​​ធម៌​ខ្លាំង​ឡើង​សំរាប់​កុមារ​រាប់លាន​នាក់​នៅ​ទូទាំង​អាស៊ី​ខាងត្បូង​។​

​នៅក្នុង​ទីក្រុង​ដា​ក្កា សិស្ស​នៅ​សាលារៀន​មួយ​ត្រូវបាន​ស្វាគមន៍​ជាមួយនឹង​កម្រងផ្កា​និង​ស្ករ​គ្រាប់ ហើយ​ត្រូវបាន​ប្រាប់​អោយ​ពាក់​ម៉ាស់​ធ្វើ​អនាម័យ​ដៃ​។​ខ្លះ​ឳ​ប​គ្នា​ដោយ​ចិត្ត​រំភើប​។​នៅ​មាត់​​ទ្វាររបង​សាលា មន្ត្រី​សាលា​បាន​ពិនិត្យ​កំដៅ​ខ្លួន​សិស្ស​មុន​អនុញ្ញាតអោយ​ពួកគេ​ចូល​។​

​សូមបញ្ជាក់​ថា មានតែ​៤១​ភាគរយ​នៃ​ប្រជាជន​១៦៩​លាន​នាក់​នៅ​បង់​ក្លា​ដែស​មាន​ទូរស័ព្ទ​ឆ្លាត​(​ស្មា​ត​ហ្វូន​)​ប្រើ មានន័យថា​ក្មេងៗ​រាប់លាន​នាក់​មិនអាច​រៀន​តាម​អន​ឡា​ញ​(​អ៊ិន​អឺណិត​)​បាន​​ទេ​។​ទោះជា​មាន​ស្មា​ត​ហ្វូន សិស្ស​នៅ​តាម​ស្រុក​ជនបទ​បង់​ក្លា​ដែស​ជា​ច្រើនក៏​មិន​មាន​អ៊ិន​ធឺ​ណិ​ត​(​វ៉ា​យ​ហ្វាយ​)​ល្បឿន​លឿន​ដែល​ត្រូវ​មាន​សំរាប់​ការសិក្សា​តាម​អេឡិចត្រូនិច​បានដែរ​។​

​ក្នុង​សេចក្តីរាយការណ៍​មួយ​កាលពី​ថ្ងៃ​ព្រហស្បតិ៍ អង្គការ​UNICEF​បាន​ព្រមាន​ថា ជំងឺឆ្លង​បង្កើន​«​ភាពអយុត្តិធម៌​គួរអោយ​ប្រកាសអាសន្ន​»​សំរាប់​កុមារ​ជាង​៤៣០​លាន​នាក់​នៅក្នុង​តំបន់​។​

​នៅ​ឥណ្ឌា កុមារ​អាយុ​១៤​ទៅ​១៨​ឆ្នាំ​ចំនួន​៨០​ភាគរយ​និយាយថា ពួកគេ​រៀន​បាន​តិច​ជាង​ការរៀន​នៅក្នុង​ថ្នាក់​ជាក់ស្តែង​ហើយ​ក្នុងចំណោម​ក្មេង​អាយុ​៦​ទៅ​១៣​ឆ្នាំ ពួកគេ​៤២​ភាគរយ​បាន​និយាយ​​ថា​ពួកគេ​មិន​មាន​លទ្ធភាព​រៀន​ពី​ចម្ងាយ​បានទេ​។​

​រីឯ​នៅ​ប៉ា​គី​ស្ថាន កុមារ​២៣​ភាករយ​មិន​អាច​រកបាន​ឧបករណ៍​សំរាប់​ការសិក្សា​ពី​ចម្ងាយ​៕

​មន្ត្រី​វាស់​កំដៅ​ខ្លួន​សិស្ស មុន​អនុញ្ញាត​អោយ​ចូល​ក្នុង​សាលា​នៅពេល​ក្មេងៗ​នៅ​បង់​ក្លា​ដែស​បាន​វិល​ទៅកាន់​សាលារៀន​វិញ​កាលពី​ថ្ងៃអាទិត្យ​