​ប្រែ​សម្រួលៈ​វាសនា​(BLOOMBERG)៖ ទោះ​ជា​ពួកគេ​កំពុង​ប្រយុទ្ធ​ទល់​នឹង​ការផ្ទុះ​ជំងឺ​កូវី​ដ​១៩​ដ៏​អាក្រក់ ក៏​ប្រទេស​នានា​នៅ​ទូទាំង​អាស៊ីអាគ្នេយ៍​កំពុង​ដឹងខ្លួន​បណ្តើរៗ​ថា ពួក​គេ​លែង​អាច​​រឹតត្បិត​ដែល​ធ្វើអោយ​គាំង​សេដ្ឋកិច្ច​យូរ​តទៅទៀត​បាន​ហើយ​។​

​នៅ​តាម​រិងចក្រ​នៅ​វៀតណាម​និង​ម៉ាឡេស៊ី នៅក្នុង​ហាង​កាត់សក់​ក្នុង​ក្រុង​ម៉ានីល​ឬ​អាគារ​ការិយាល័យ​របស់​សិង្ហ​បុរី អាជ្ញាធរ​កំពុង​ជំរុញ​ទៅមុខ​នូវ​ផែនកា​របើក​ដំណើរការ​សេដ្ឋកិច្ច​ឡើងវិញ​​ដោយ​ស្វះស្វែង​រក​តុល្យភាព​រវាង​ការទប់ស្កាត់​វីរុស​ឆ្លង​និង​រក្សា​អោយ​ប្រជាជន​និង​លុយ​ដើរ​។​

​ផ្ទុយ​ពី​នៅ​អឺរ៉ុប និង​អាម៉េរិក ដែល​បាន​ងាក​មក​ធ្វើ​ដំណើរ​លើ​ផ្លូវ​បើក​សេដ្ឋកិច្ច​ឡើងវិញ​រួច​ហើយ​អត្រា​ចាក់​វ៉ាក់សាំង​ទាប​របស់​តំបន់​នាំ​អោយ​វា​ស្ថិត​ចំណោម​កន្លែង​ងាយ​រងគ្រោះ​បំផុត​មួយ​នៅ​​ក្នុង​លោក​ចំពោះ​ការវាយប្រហារ​ពី​វីរុស​កូរ៉ូណា​ប្រភេទ​ដែលតា​។​តែ​ដោយសារ​លុយ​រដ្ឋ​កាន់ខើយ​បន្ទាប់ពីការ​បញ្ចេញសាច់​ប្រាក់ជំរុញ​សេដ្ឋកិច្ច​និង​ជំនួយ​សំរាប់​អ្នក​រង​ផល​ប៉ះពាល់​ពី​វិធានការ​ប្រឆាំង​​កូវី​ដ​១៩​ជា​បន្តបន្ទាប់ ការបិទ​ខ្ទប់​ហាក់​លែង​ចាំបាច់​ត​ទៅ​ទៀត​ហើយ​ពី​មួយ​ថ្ងៃ​ទៅមួយថ្ងៃ​។​

​លោកស្រី គ្រី​ស្តាល់ តាន់ អ្នក​សេដ្ឋកិច្ច​នៅ​ក្រុម​ធានា​គារ​អូស្ត្រាលី​និង​នូវែ​លសេ​ឡង់​បាន​និយាយថា « វា​ជា​ការថ្លឹងថ្លែង​រវាង​អាយុជីវិត​និង​ការរស់នៅ​របស់​មនុស្ស​»​។ លោក​បាន​កត់សំគាល់ឃើញ​​ថា សូម្បី​តែ​សិង្ហ​បុរី​ដែលមាន​អត្រា​ចាក់​វ៉ាក់សាំង​ខ្ពស់បំផុត​ក៏​កំពុង​ប្រឈម​ដោះស្រាយ​នឹង​កំណើន​នៃ​ការឆ្លង​។​អត្រា​បិទ​ហើយ​បើក​ឡើង​វិញ​នៅ​ផ្នែក​ផ្សេង​ទៀត​នៃ​តំបន់​នេះ​មាន​កាន់តែ​ខ្ពស់​ទៅ​។​

​ការបិទ​រោងចក្រ​នៅ​អាស៊ី​អាគ្នេយ៍​បាន​ធ្វើអោយ​ប៉ះពាល់​មួយ​ពិភពលោក បង្កើត​ដំណើរ​ស្ទះ​នៃ​ខ្សែសង្វាក់​ផ្គត់ផ្គង់ ក្រុមហ៊ុន​ផលិត​រថយន្ត​នានា​រួមមាន​Toyota​កាត់បន្ថយ​ផលិតកម្ម​និង​ក្រុម​​ហ៊ុន​លក់រាយ​សម្លៀកបំពាក់ Abercrombie & Fitch​ព្រមាន​អំពី​ស្ថានភាព​លែង​អាច​គ្រប់គ្រង​បាន​។​

​តាមពិត​អត្រា​ស្លាប់​ប្រចាំថ្ងៃ​នៅក្នុង​ប្រទេស​នៅ​អាស៊ីអាគ្នេយ៍​ជាច្រើន​បាន​ហួស​មធ្យមភាគ​នៃ​ការស្លាប់​ដោយកូវី​ដ​១៩​របស់​ពិភពលោក​ហើយ​ពួក​មន្ត្រី​មាន​ការព្រួយបារម្ភ​អំពី​ថា​តើ​អាច​ដំណើរ​​ការ​សេដ្ឋកិច្ច​ដូចម្តេច​បើ​នៅ​បន្ត​បិទ​ខ្ទប់​យូរ​ទៅទៀត​។​

​ម៉ាឡេស៊ី​បាន​កាត់បន្ថយ​ការ​ព្យាករណ៍​កំណើន​ឆ្នាំ​២០២១​ពាក់កណ្តាល​មក​នៅត្រឹម​៣​ទៅ​៤​ភាគរយ ខណៈ​ការឆ្លង​ប្រចាំ​ថ្ងៃ​ឡើង​ខ្ពស់បំផុតៗ​។​ថៃ​សង្ឃឹម​រើប​រើ​ឡើង​វិញ​តាមរយៈ​បើក​ឧស្សាហកម្ម​ទេស​​ចរណ៍​ដែល​បំផ្លាញ​ដោយកូវី​ដ​១៩​។​

​ទោះជា​មាន​ទស្សនវិស័យ​សម្បើម ដោយ​វៀតណាម​កំណត់​កំណើន​នៅ​ឆ្នាំ​នេះ​៦​ភាគរយ និង​សិង្ហ​បុរី​៧​ភាគរយ​ក៏​វា​មាន​សម្ពាធ​កាន់តែ​ខ្លាំង​ឡើង​អោយ​ដោះស្រាយ​ការ​គាំង​ស្ទះ​ខ្សែសង្វាក់​ផ្គត់ផ្គង់​​សកល និង​បញ្ចៀស​ការបំផ្លាញ​ចំណង់រ​បស់​វិនិយោគិន​បរទេស​សំរាប់​តំបន់​ដ៏​មាន​ថាមភាព​នេះ​។​

​យោង​តាម​អ្នកសេដ្ឋកិច្ច​នៅ​ក្រុមហ៊ុន​ធានា​គារ​បរទេស​ចិន​លោក​វី​រ៉ា​ន់​តូ បណ្តា​ប្រទេស​អាស៊ី​អាគ្នេយ៍​កំពុង​បង់ថ្លៃ​សេដ្ឋកិច្ច​ខ្ពស់​ណាស់​មក​ពី​ការបិទ​ខ្ទប់​ដោយ​ជោគជ័យ​ជា​ច្រើន​ជុំ​និង​អារម្មណ៍​​ហត់​ហេវ​អស់កម្លាំង​ក្នុងចំណោម​ប្រជាជន​របស់​គេ​ខណៈ​វិបត្តិ​នៅ​អូសបន្លាយ​ពេល​។​

​លោក​វី​រ៉ា​ន់​តូ​បាន​និយាយថា «​ក្តី​សង្ឃឹម​អំពី​ការបើក​ព្រំដែន​ទូលំទូលាយ​ឡើងវិញ​ដើម្បី​បង្ក​ភាពងាយស្រួល​ដល់​ពាណិជ្ជកម្ម​និង​ទេសចរណ៍​រវាង​បណ្តា​ប្រទេស​អាស៊ាន​នៅ​ជា​សុបិន្ក​វែងឆ្ងាយ​នៅ​​ឡើយ​»​។​

​និយាយ​អំពី​ផលប៉ះពាល់​ខ្សែសង្វាក់​ផ្គត់ផ្គង់​សកល ខ្លាំងជាងគេ​គឺ​វៀតណាម កន្លែង​ដែល​ការបិទ​ខ្ទប់​តឹងរឹង​បំផុត​នាំ​អោយ​ឧស្សាហករ​និង​អ្នក​នាំ​ចេញ​ចំណាយ​ថ្លៃដើម​ខ្ពស់​នៅ​ពេល​ប្រទេស​បរា​​ជ័យ​ក្នុង​ការទប់ស្កាត់​វីរុស​កូរ៉ូណា​ប្រភេទ​ដែលតា​។​ក្រសួង​ពាណិជ្ជកម្ម​ប្រទេស​នេះ​បាន​ព្រមាន​នៅ​ខែ​នេះ​ថា វៀតណាម​ប្រឈម​ការបាត់បង់​អតិថិជន​បរទេស​ដោយសារ​ការ​រឹតបន្តឹង​ខ្លាំង​ពេល​នាំ​​ដល់​ការបិទ​រោងចក្រ​។​

​សភាពាណិជ្ជកម្ម​អឺរ៉ុប​នៅ​វៀតណាម​បាន​ប៉ាន់ស្មាន​ថា សមាជិក​ខ្លួន​១៨​ភាគរយ​បាន​រើ​ផ្នែក​នៃ​ផលិតកម្ម​របស់គេ​ទៅកាន់​ប្រទេស​ផ្សេង​ដើម្បី​ធានា​ខ្សែសង្វាក់​ផ្គត់ផ្គង់​របស់​គេ ហើយ​ជា​ច្រើន​ទៀត​​នឹង​ធ្វើ​តាម​។​ស្ថានភាព​វណ្ណៈ​កម្មករ​ក្រីក្រ​នៅ​វៀតណាម ក៏​កំពុង​ដាក់​សម្ពាធ​អោយ​រដ្ឋាភិបាល​បើក​ដំណើរការ​សេដ្ឋកិច្ច​ឡើងវិញ​។​

​ការអត់ធ្មត់​ក្នុងចំណោម​សាធារណជន​កំពុង​ថយចុះ​ផង​ដែរ​នៅ​ទូទាំង​តំបន់ ជាពិសេស​នៅពេល​ពួក​គេ​រង​ការវាយប្រហារ​ពី​កូវី​ដ​១៩​យូរ​ជាង​គេ​នៅក្នុង​លោក​។​នៅ​ម៉ាឡេស៊ី កំហឹង​សង្គម​បាន​ជួយ​​ផ្លាស់ប្តូរ​រដ្ឋាភិបាល​ក្រោយ​ការបិទ​ខ្ទប់​យូរ​ពេក​ដែល​បង្ក​ភាព​អត់​ការងារ​ធ្វើ តែ​មិន​បាន​ជួយ​អោយ​ថយ​ចំនួន​ឆ្លង​។​

​ការតវ៉ា​ប្រឆាំង​តាម​ដងផ្លូវ​នៅ​ក្រុង​បាងកក​ប្រឆាំង​នឹង​រដ្ឋាភិបាល​ថៃ​តាំងពី​មុនកូ​វីដ​១៩ បាន​វិវត្តមក​ជា​ការតវ៉ា​ប្រឆាំងនឹង​ដំណោះស្រាយអ​ន់រ​បស់​រដ្ឋាភិបាល​ចំពោះកូ​វីដ​១៩​និង​នាំ​ដល់​ការបោះ​​ឆ្នោត​សម្តែង​ការទុកចិត្ត​នាយករដ្ឋមន្ត្រី​ពី​សំណាក់​សភា​។​

​នៅ​សិង្ហ​បុរី​ក៏ដូចជា​ហ្វីលីពីន បណ្តា​ស្ថាប័ន​ក្រុមហ៊ុន​ជំនួញ​កាន់តែ​ស្រែក​ឡូឡា​អំពី​ការលំបាក​ធ្វើ​ផែនការ​រយៈពេល​វែង ដោយសារ​ខ្វះ​ភាពប្រាកដប្រជា​អំពី​គោលនយោបាយ​របស់​រដ្ឋាភិបាល​។​

​ជា​លទ្ធផល នៅ​អាស៊ី​អាគ្នេយ៍ វា​កាន់តែ​មាន​ការដូរ​ពី​ការអនុវត្ត​វិធានការ​បិទ​ខ្ទប់​និង​ព្យាបាល​កំ​ចាត់កូ​វីដ​១៩​អោយ​អស់​មក​កាន់​យុទ្ធសាស្ត្រ​រៀន​រស់នៅ​ជាមួយកូ​វីដ​ជាមួយនឹ​ង​ការចាក់​វ៉ាក់សាំង​​បង្ការ​។​របាយការណ៍​អំពី​ចំនួន​ឆ្លង​ប្រចាំ​ថ្ងៃ​ឥឡូវ​មិនសូវ​ត្រូវ​បាន​ចាប់អារម្មណ៍​ដូច​ភាព​ធ្ងន់ធ្ងរ​របស់​វា​ទេ​។​

​នៅ​ក្រុង​ហ្សា​ការតា មាន​តែ​អ្នក​កាន់​កាត​ចាក់​វ៉ាក់សាំង​សព្វគ្រប់​ទើប​អាច​ចូល​ផ្សារ​និង​កន្លែង​សក្ការ​ឬ​ទៅ​មើល​កុន​ក្នុង​រោង​ភាពយន្ត​នៅ​ម៉ាឡេស៊ី​។​បណ្តា​ភោជនីយដ្ឋាន​នៅ​សិង្ហ​បុរី ក៏​ទាមទារ​​កាត​ចាក់​វ៉ាកសាំង​ទើប​អាច​ចូល​ទទួលទាន​អាហារ​ឬ​ភេសជ្ជៈ​បាន​៕

​ក្រុង​ហាណូយ​របស់​វៀតណាម​អនុញ្ញាត​អោយ​មាន​ការលក់​អាហារ​យក​ទៅ​បរិភោគ​ខាងក្រៅ​ហាង និង​ហាង​លក់ដូរ​មួយចំនួន​បាន​បើកទ្វារ​ឡើង​វិញ​នៅ​សង្កាត់​មាន​សុវត្ថិភាព​ពី​ជំងឺ​កូវី​ដ​១៩