​ដោយៈ ទេ​ពក​ង្រី / កំពង់ឆ្នាំងៈ លោក ស៊ុន សុ​វណ្ណា​រិ​ទ្ធិ អភិបាលខេត្ត​កំពង់ឆ្នាំង នៅ​ថ្ងៃទី​១៥ ខែកញ្ញា ឆ្នាំ​២០២១ បានទទួល​អំណោយ​ពី​សប្បុរសជន នៅ​សាលាខេត្ត​កំពង់ឆ្នាំង ដើម្បី​ចូលរួម​បម្រើ​សកម្មភាព ប្រយុទ្ធ​ប្រឆាំងនឹង​ជំងឺ កូ​វីដ​១៩​។​

​អំណោយ​សប្បុរសជន គឺ​លោកស្រី សេង ដាលីន ដែល​បាន​ផ្ដល់ជូន រដ្ឋបាលខេត្ត​កំពង់ឆ្នាំង រួមមានៈ អង្ករ ២ តោន ម៉ាស់​១០០​ប្រអប់ អាល់កុល​៥​កាន និង​ថវិកា ៤​លាន​រៀល​។

​ក្នុងឱកាស​នោះ លោក​អភិបាលខេត្ត​កំពង់ឆ្នាំង បាន​ថ្លែងអំណរគុណ យ៉ាង​ជ្រាលជ្រៅ​បំផុត ចំពោះ​សប្បុរសជន​ទាំងអស់ ដែល​តែងតែបាន​ឧបត្ថម្ភ​គាំទ្រ រាល់​កិច្ចការងារ​សង្គម ក្នុង​សកម្មភាព ប្រយុទ្ធ​ប្រឆាំងនឹង​ជំងឺ​កូ​វីដ​១៩ ជាមួយនឹង​រដ្ឋបាលខេត្ត​កំពង់ឆ្នាំង ដើម្បី​រួមគ្នា​ទប់ស្កាត់ ការរីក​រាលដាល នៃ​ជំងឺ​កូ​វី​១៩ នៅក្នុង​ភូមិសាស្ត្រ ខេត្តកំពង់ឆ្នាំង ឱ្យមាន​ប្រសិទ្ធភាព​៕/V​