ដោយ​៖​តារា​រិ​ទ្ធ​/​ភ្នំពេញ​៖ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែ បានផ្ដល់​អនុសាសន៍​គិតគូរ​ការ​បើ​ឲ្យ​មាន​ទេសចរណ៍​វ៉ាក់សាំង​សម្រាប់​អ្នក ទេសចរ​អន្តរជាតិ​ដែល​បាន​ចាក់​វ៉ាក់សាំង​គ្រប់​ដូ​ស​រួចរាល់ ។ សម្តេច​បាន​សង្កត់ធ្ងន់​ថា​យើង​ក៏​ចង់បាន​ទេសចរ​ចិន​អញ្ចឹងទេ​វ៉ាក់សាំង​ទេសចរណ៍​របស់​យើង​ប្រហែលជា​ចាប់ ផ្ដើម​ជាមួយ​ទេសចរណ៍​ចិន​មុនគេ​ហើយ ។

​សម្ដេច​តេ​ជោ ហ៊ុន សែន បានលើកឡើង​បែបនេះ​នៅក្នុង​ការអញ្ជើញ​ធ្វើ​សន្និសីទ​សារព័ត៌មាន បើក​យុទ្ធនាការ ចាក់​វ៉ាក់សាំង​បង្ការ​ជំងឺ​កូ​វីដ​-១៩​សម្រាប់​កុមារ​ចាប់ពី​អាយុ​៦​ឆ្នាំ ដល់​អាយុ​ក្រោម​១២​ឆ្នាំ​នៅ​ព្រឹក​ថ្ងៃទី​១៧ ខែកញ្ញា ឆ្នាំ​២០២១​នេះ​។​

​សម្ដេច​តេ​ជោ ហ៊ុន សែន បាន​ថ្លែងថា​ការបើក​ទេសចរណ៍​ឡើងវិញ​នឹងត្រូវ​ធ្វើ​ឡើងជា​២​ជំហាន​ដែល​ជំហាន​ទី​១ គឺ​ការបើក​ទេសចរណ៍​ក្នុងស្រុក​ដោយ​ប្រជាពលរដ្ឋ​ខ្មែរ​ពិត ជាមាន​តម្រូវការ​ធ្វើដំណើរ​កម្សាន្ដ​នា​ចុង​សប្ដាហ៍​។ ជំហាន​ទី​២​គឺ​ទេសចរណ៍​វ៉ាក់សាំង​ដែល​អនុញ្ញាត​ឲ្យ​អ្នកទេសចរ​អន្តរជាតិ​ចាក់​វ៉ាក់សាំង​គ្រ​ប់ដូ​សរួច​រាល់​អាច​ចូលមក​កាន់ ប្រទេស​កម្ពុជា​ហើយ​ធ្វើ​ច​ត្តា​ឡី​ស័ក​ត្រឹមតែ​៧​ថ្ងៃ​ប៉ុណ្ណោះ​។ ក្នុង​រយៈពេល​៧​ថ្ងៃនេះ​អ្នកទេសចរ​ដែល​បាន​ចាក់​វ៉ាក់សាំង​គ្រប់​ដូ​ស​ហើយ​នោះ​មិនមែន​ស្នាក់​នៅតែ​ក្នុង​សណ្ឋាគារ​ប៉ុណ្ណោះ​ទេ​តែ​អាចធ្វើ​ដំណើរ​កម្សាន្ត​ជា​បណ្ដើរៗ​ក្នុង​តំបន់​ដែល​ពួក​គ​ចុះចត​បាន​តាម​ការរៀប​ចំ​របស់​ក្រសួង​ឬ​អាជ្ញាធរ​ពាក់ព័ន្ធ ។​

​សម្តេច​តេ​ជោ ហ៊ុន សែន អះអាងថា​ប្រសិនបើ​សភាពការណ៍​ល្អ​កម្ពុជា​នឹង​បើក​ឡើងវិញ​ទាំងអស់​ពីព្រោះ​គ្មាន​អ្នកណា​ចង់ឱ្យមាន​ស្ថានភាព​បែបនេះ​នោះទេ​សព្វថ្ងៃ​ប្រជា​ពល រដ្ឋ​របស់​យើង​គាត់​ចង់​ដើរលេង​ប៉ុន្តែ​ការបើក​ឡើងវិញ​នេះ​សម្ដេច​ចង់​ចាប់ផ្ដើម​ពី​វិស័យ​អប់រំ​ហើយ​បន្ទាប់មក​គឺ​វិស័យ​សេវា​ឬ​វិស័យ​ទេសចរណ៍​។​

​សម្តេច​តេ​ជោ​បញ្ជាក់ថា​ទេសចរណ៍​ក្នុងស្រុក គាត់​ក៏ត្រូវ​ការដើរ​លេង​កម្សាន្ត​ជាពិសេស​នៅ​ថ្ងៃ​ចុង​សប្តាហ៍ និង​ថ្ងៃបុណ្យ ហើយ​យើង​ក៏​ចង់​ឲ្យ​ប្រជាពលរដ្ឋ​បាន​ស្គាល់​ប្រទេស​ខ្លួនឯង​ផងដែរ​ពីព្រោះ​គាត់​មិនអាច​ចេញទៅ​ក្រៅប្រទេស​បានទេ ។ សម្តេចនាយក​រដ្ឋមន្ត្រី​បន្តថា​នៅ​តំបន់​ធម្មជាតិ​មួយចំនួន​ប្រជាពលរដ្ឋ​នឹងធ្វើ​ដំណើរ​កម្សាន្ត​ហើយ​កុំ​មើល ងាយ​ទេសចរណ៍​ក្នុងស្រុក​ឲ្យ​សោះ​ទេសចរណ៍​ផ្ទៃ​ក្នុងនេះ​ចាយលុយ​អាក្រក់​អា​ក្រី​ណាស់ ។​

​សម្តេច​បន្តថា​នៅពេល​ប្រជាពលរដ្ឋ​ដើរលេង​ចំណូល​នឹង​បាន​ទៅ​ប្រជាពលរដ្ឋ​នៅ​មូលដ្ឋាន​ដែល​គាត់​លក់​ឥ​វ៉ាន់​ផ្សេងៗ​ហើយ​នេះ​គឺជា​ចរន្ត​នៃ​សេដ្ឋកិច្ច​ហើយ​នៅពេល​ប្រជា ពលរដ្ឋ​ទទួលទាន​ទឹកក្រូច​មួយ​កំប៉ុង​គឺមាន​ចំណូល​ពន្ធដារ​នៅ​ក្នុងនោះ​រួចស្រេច​ទៅហើយ​យើង​ខ្លាច​តែមួយ​ទេ​គឺ​ប្រជាជន​អត់លុយ​ចាយ​។​

​នៅ​ជំហាន​ទី​២​គឺ​ទេសចរណ៍​វ៉ាក់សាំង​ដែល​បញ្ហា​នេះ​សម្ដេច​បាន​ឲ្យ​ជា​យោបល់​ថា​អ្នក​ដែល​បាន​ចាក់​វ៉ាក់សាំង​គ្រប់​ដូ​ស​ហើយ​អាច​ឱ្យធ្វើ​ទេសចរណ៍​នៅ​កម្ពុជា​បាន​ហើយ​នៅ ពេលមកដល់​គឺត្រូវធ្វើ​ច​ត្តា​ឡី​ស័ក​៧​ថ្ងៃ ។ ប៉ុន្តែ​៧​ថ្ងៃនេះ​មិនមែន​នៅក្នុង​បន្ទប់​ទេ​គឺអាច​ដើរ​មើល​ទីក្រុង​ដែល​ចុះចត​បាន ។ បើ​ចុះ​នៅ​ខេត្តសៀមរាប​គឺអាច​ដើរ​មើល ដើរទេស​ចរណ៍​នៅ​ក្រុង​សៀមរាប​បាន ម់ល​ប្រាសាទ តាម​ការរៀបចំ​របស់​អាជ្ញាធរ ។ នេះ​មានន័យថា​ការធ្វើ​ច​ត្តា​លី​ស័ក​នៅក្នុង​ក្របខណ្ឌ​ខេត្ត​គឺ​គូស​ជា​តំបន់​ឲ្យ​ដើរ​ហើយ​បើ​នៅ​ខេត្ត​ព្រះសីហនុ គឺ​គាត់​អាច​ទៅ​មើល​កោះ អាច​ទៅ​មុជទឹក​សមុទ្រ​បាន​។​

​បើតាម​សម្ដេច​តេ​ជោ​នាយករដ្ឋមន្ត្រី ថា​ប្រទេស​ដែល​ជឿនលឿន​នៅលើ​ពិភពលោក​គឺ​ផ្នែក​សេវាកម្ម​នាំមុខ​ទាំងអស់ ទាំង​អាមេរិក បារាំង អាល្លឺម៉ង់ ជប៉ុន ហើយ​វិស័យ​កសិកម្ម​នាំមុខ​តិច​ណាស់​ដែល​ប្រទេស​ខ្លះ​មាន​កសិកម្ម​មួយ​ភាគរយ​ប៉ុណ្ណោះ​ប៉ុន្តែ​គេ​មាន​សមត្ថភាព​ចិញ្ចឹម​ប្រជាពលរដ្ឋ​ដូច្នេះ​មានតែ​វិស័យ​សេវា​ទេ​ដែលជា​ចំណូល​ធំជាងគេ​។ ដូច្នេះ​ការដោះស្រាយ​បញ្ហា​វ៉ាក់សាំង​មិនមែន​គ្រាន់តែ​ដោះស្រាយ​បញ្ហា​ជីវិត​ប្រជាពលរដ្ឋ​នោះទេ​តែ​ជា​បញ្ហា​បើក​សេដ្ឋកិច្ច សង្គម​ទាំងមូល​ឡើងវិញ​យើង​សុខចិត្ត​ចំណាយលុយ​រាប់ រយ​លាន​ដុល្លារ​ដើម្បី​ទិញ​វ៉ាក់សាំង​យកមក​ចាក់​ដើម្បី​ទាញយក​មកវិញ​រាប់ពាន់​លាន​ដុល្លារ​។ ប្រសិនបើ​សេវាកម្ម​នីមួយៗ​បាន​បើក​ឡើងវិញ​នឹង​ដោះស្រាយ​ការងារ​ឲ្យ ប្រជា ពលរដ្ឋ​បាន​ច្រើនណាស់​ហើយ​សម្ដេច​ក៏បាន​ប្រាប់​ទៅ​ម​គ្គុ​ទេស​ទេសចរណ៍​ទាំងអស់​ថា​អ្នក​ដែល​មិនបាន​ចាក់​វ៉ាក់សាំង​ប្រហែលជា​គេ​មិន​ឲ្យ​បំរើភ្ញៀវ​ជា​ទេសចរណ៍​វ៉ាក់សាំង ទេ​ដូចនេះ​គួរតែ​នាំគ្នា​ចាក់​វ៉ាក់សាំង​ឲ្យ​បាន​គ្រាប់​គ្នា​។​

​សម្តេច​តេ​ជោ ហ៊ុន សែន បាន​បន្តថា​គោលដៅ​ធំ​បំផុត​ដែលជា​ការទាក់ទាញ​ទេសចរ​របស់​យើង​គឺ​ចិន​ដែល​យើង​មាន​ផែនការ​ទាក់ទាញ​ឲ្យ​មាន​ទេសចរណ៍​អន្តរជាតិ​ចំនួន​ពី ៧ លាន​ទៅ ១០ លាន​នាក់​ក្នុង​១​ឆ្នាំ នោះ​គឺ​យើង​ផ្ដោតទៅលើ​ទេសចរណ៍​ចិន ។ សម្តេច​បាន​លើកឡើងថា​សម្តេច​ធ្លាប់បាន​និយាយ​ជាមួយ​លោក​ប្រធានាធិបតី​ចិន ស៊ី ជីន​ពីង ថា ៖«​ខ្ញុំ​ត្រូវការ​ទេសចរណ៍​ចិន​តែត្រឹម ០.0៥ ភាគរយ​នៃ​ប្រជាជន​ចិន​តែប៉ុណ្ណោះ ប៉ុន្តែ​ឥឡូវនេះ​យើង​ក៏​នៅ​ត្រូវការ​ទេសចរ​ចិន​ចំនួន ១០ លាន​នាក់​ក្នុង​មួយឆ្នាំ​,​ថៃ​ក៏​ចង់បាន ទេសចរ​ចិន​,​សាំង​ហ្គា​ពួរ​ក៏​ចង់បាន​ទេសចរ​ចិន​,​យើង​ក៏​ចង់បាន​ទេសចរ​ចិន​អញ្ចឹងទេ​វ៉ាក់សាំង​ទេសចរណ៍​របស់​យើង​ប្រហែលជា​ចាប់ផ្ដើម​ជាមួយ​ប្រទេស​ចិន​មុនគេ ៕