ដោយ​៖​តារា​រិ​ទ្ធ​/​ភ្នំពេញ​៖​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន នា​ព្រឹក​ថ្ងៃទី ១៧ ខែកញ្ញា​នេះ បាន​ផ្ញើ​សារ​ជា​សាធារណៈ ទៅកាន់​បណ្ឌិត មាស នី និង លោក សេង សារី ដែល​គេ​តែងតែ​ឮ​សម្លេង​របស់​អ្នកវិភាគ​២ រូប​នវ​នៅក្នុង​វិទ្យុ​បារាំង​ដែល​តែងតែ​រិះគន់​ចំពោះ​រាជរដ្ឋាភិបាល​ពិសេស​សម្តេច​តេ​ជោ ហ៊ុន សែន និង​មាន​ទស្សនៈ​ប្រឆាំង​ជាមួយនឹង​ប្រទេស​ចិន ។ មានន័យ​ឲ្យ​តែ​អ្វីដែល​ពាក់ព័ន្ធ​និង​ប្រទេស​ចិន​គឺ​ខុស​ទាំងអស់​។ ចំណែក​លោក សេង សារី វិញ​បានបង្ហាញ​ទស្សន​របស់ ខ្លួន​គាំទ្រ​ការបង្កើត​រដ្ឋាភិបាល​ប​ង្រួ​ប​បង្រួម​ជាតិ​នៅក្រៅ​ប្រទេស​របស់​សមរ​ង្ស៊ី ហើយ​កំពុងមាន​ដិ​កា​ចាប់ខ្លួន​នៅ​តុលាការ ។​

​សម្តេច​តេ​ជោ ហ៊ុន សែន បាន​ថ្លែងថា​៖​បណ្ឌិត​មួយ​នៅ​ស្រុក​ខ្មែរ​គឺ​បណ្ឌិត មាស នី ឲ្យ​តែ​យើង​ធ្វើ​អ្វីដែល​យើង​ធ្វើជា​មួយ​ចិន​គឺ​ខុស​ទាំងអស់ ។ កន្លងមក​នៅ​អង់គ្លេស​,​នៅ បារាំង​,​នៅ​អ៊ីតាលី មានការ​ឆ្លង​ខ្លាំង​យើង​បិទ​ផ្អាក​មិន​ឲ្យ​អ្នក​មក​ប្រទេស​ទាំងនោះ​ចូល​កម្ពុជា គាត់​ថ្នាំងថ្នាក់​ជាមួយនឹង​ការមិន​បាន​ផ្អាក​ចិន។ប៉ុន្តែ​ខ្ញុំ​សុំ​សួរ​បើសិនជា​ផ្អាក ​ចិន ស្មើនឹង​បិទ​ច្រមុះ​ខ្លួនឯង​តែម្ដង ព្រោះ​ច្រក​ដែល​នៅសល់​គឺមាន​តែ​ចិន​និង​កូរ៉េខាងត្បូង​តែប៉ុណ្ណោះ​ដែល​ហោះ​ចូលមក​កម្ពុជា ។ ខ្ញុំ​គ្រាន់តែ​ប្រាប់​ទៅ​បណ្ឌិត មានន័យថា​បណ្ឌិត មាន​សិទ្ធិ​បញ្ចេញមតិ​ហើយ ,​ប៉ុន្តែ​បណ្ឌិត​គួរ​កុំ​ព្រហើន​ពេក​លើ​បញ្ហា​គោលនយោបាយ​ការបរទេស​នោះ​។ ហើយ​អា​ប្រជាធិបតេយ្យ​ឬ​ប្រជាធិបតេយ្យ​ដែល​អស់លោ ក​បញ្ចេញមតិ​របស់លោក​កំពុងតែ​និយាយ​អាហ្នឹង​ក្រែង​ជាការ​បញ្ចេញមតិ​ហើយ​,​ប្រជាធិបតេយ្យ​ហើយ​តើ​នៅ​ទាម ទារ​អី​ទៀត ។

​សម្តេច​តេ​ជោ​បន្តថា​ឥឡូវ​ខ្ញុំ​បញ្ចេញ​ឈ្មោះ​តែម្ដង​បណ្ឌិត​មួយ​ហ្នឹង​គឺ​មិនដែល​យើង​ធ្វើ​អ្វី​ត្រូវចិត្ត​វា​ទេ​,​ហើយ​នៅមាន​បណ្ឌិត​មួយទៀត​មាន​ដីកាចាប់ខ្លួន​រួចហើយ​ព្រោះ​ឯង​គាំទ្រ ៦ ចំណុច​ដែល​អាចបង្កើត​រដ្ឋាភិបាល​ក្រៅប្រទេស​បាន ។ សម្តេច​ឲ្យ​ដឹងថា​តុលា​ការចេញ​ដីកាចាប់ខ្លួន​ហើយ​បើ​រត់​ឲ្យ​បាន​ឆ្ងាយ​បន្តិច​បាន​រត់​ជិត​នេះ​គឺ​រត់​មិន​បានទេ ។​បើ​ទោះ បី​សម្តេច​មិនបាន​បញ្ចេញ​ឈ្មោះ​បណ្ឌិត​រូបនេះ​ក៏ដោយ​ក៏​គេ​ដឹងថា​អ្នកវិភាគ​រូបនោះ​ឈ្មោះ សេង សារី ដែលជា​អ្នកវិភាគ​ជំនាន់​ថ្មី​ដែល​បាន​បញ្ចេញយោបល់​ខ្លួន​ជា​ហូរហែរ លើ បណ្តាញ​សង្គម​ហ្វេ​ស​ប៊ុ​ក និង វិទ្យុ​អន្តរជាតិ​ជា​ភា សា​ខ្មែរ​មួយចំនួន​នៅ​ភ្នំពេញ ។​អ្វីដែល​សំខាន់​គឺ​នៅត្រង់​លោក​សេង​សារី​បាន​ថ្លែង​គាំទ្រ​ការបង្កើត​រដ្ឋាភិបាលរ​រួបរួម​ជាតិ​របស់ លោក សម រង្ស៊ី ។​

​សម្តេច​តេ​ជោ ហ៊ុន សែន បន្តថា​ឲ្យ​តែ​រាក់​រឿង​ទាក់ទង​ជាមួយនឹង​ចលនា​ប្រដាប់អាវុធ​,​បង្កើត​រដ្ឋាភិបាល​ក្រៅប្រទេស​ត្រូវតែ​ចាប់ខ្លួន​បើ​មិន​ចាប់ខ្លួន​មិនមែន​រាជរដ្ឋាភិបាល​ទេ ។ សូមកុំ​ឲ្យ​ចូលទៅក្នុង​គន្លង​ជាប់គុក​មិនមែនជា​សិទ្ធិ​បញ្ចេញមតិ​ទេ​ព្រោះ​ដែល​ហៅថា​រដ្ឋាភិបាល​ក្ឬៅ​ប្រទេស​ឬ​ចលនា​ប្រដាប់អាវុធ​គឺជា​ឧទ្ទាម​ប្រដាប់អាវុធ​ហើយ​អញ្ចឹង​គឺ​យើង​មាន​សិទ្ធិ​ចាប់ខ្លួន ។

​សម្តេច​បន្តថា​មាន​អា​បណ្ឌិត​ឆ្កួត​មួយទៀត ថ្ងៃ​មុ​ដែល​សម្តេច​និយាយ​ចោទសួរ​នៅ​ពហុកីឡាដ្ឋាន​មរតក​តេ​ជោ ពាក្យ​ដែលថា​៖«​បើ​មិនឱ្យ​ខ្ញុំ​ពឹង​ចិន​តើ​ខ្ញុំ​ពឹង​អ្នកណា​»​វា​បែរជា និយាយថា​ពាក្យ​ហ្នឹង​ត្រូវតែ​មិនត្រូវ​និយាយ​ទេ ។ សម្តេច​បន្ត​ថាបើ​ពាក្យ​ហ្នឹង​ត្រូវ​ប៉ុន្តែ​មិនត្រូវ​និយាយ អញ្ចឹង​ថ្ងៃក្រោយ​កុំ​ទារ​សិទ្ធិ​ទទួលបាន​នៅ​ព័ត៌មាន ពាក្យ​ត្រូវតែ​មិន​ឲ្យ​និ​យា យ …​។ គេ​ក្លាហាន​គេ​ហ៊ាន​និយាយ គេ​ម្ចាស់​ប្រទេស​គ្រប់គ្រង​ប្រទេសមួយ​ដែរ អ្នកដទៃ​និយាយបាន រឿង​អី​ហ៊ុនសែន​និយាយ​មិនបាន កម្ពុជា​និយាយ​មិនបាន​ខ្លាច​ប៉ះ​ទៅ ដល់​អ្នកដទៃ ។ សម្តេច​បន្ត​ថាស​ម្តេចក៏​អាចនិយាយបាន​ដែរ​ថា​ស្ពាន​អ្នក​លឿង​បាន​បើ​មិនឱ្យ​ខ្ញុំ​ទៅ​ជប៉ុន​តើ​ឱ្យ​ខ្ញុំ​ផង​អ្នកណា​?​ខ្ញុំ​ក៏​អាច​និយាយ​ភាសា​ហ្នឹង​បាន​ស្ពាន​គី​ហ្សូ​ណា បើ​មិន​ពឹង​ជប៉ុន​ឲ្យ​ទៅ​ពឹង​អ្នកណា ផ្លូវជាតិ​លេខ​១ ផ្លូវជាតិ​លេខ ៥ បើ​មិន​ឲ្យ​ខ្ញុំ​ពឹង​ជប៉ុន​ឲ្យ​ខ្ញុំ​ពឹង​អ្នកណា ខ្ញុំ​អាចនិយាយបាន​ប្រទេស​នានា​ធ្វើ​មក​ខ្ញុំ​និយាយបាន​ដូចគ្នា ខ្ញុំ​អត់ បាន​ខ្លាច​ប៉ះ​អ្នកណា​នោះទេ …​។

​សម្តេច​បាន​ផ្ញើ​សារ​ថា ក្រុម​លោក​បណ្ឌិត​វិភាគ​អ្វី​ហើយ​សូម​វិភាគ​ឲ្យ​បាន​ត្រឹមត្រូវ​ផង​កុំ​ធ្វើការ​វិភាគ​ណាមួយ​ដែល​បន្សល់ទុក​នៅ​បទល្មើស បន្សល់​គន្លង​ចូល​គុក ។ បើតាម​ស ម្តេច​បណ្ឌិត​ដែល​វិភាគ​ថា​មាន​លក្ខខណ្ឌ​៦ ចំណុច​អាចបង្កើត​រដ្ឋាភិបាល​ក្រៅប្រទេស​បាន​បច្ចុប្បន្ន​បាន​រត់​ពី​ខេត្តពោធិសាត់​ទៅដល់​តី​ក្រុង​បាងកក​ប្រទេស​ថៃ​បាត់ទៅហើយ ។​

​តែ​ទោះបីយ៉ាងណា​សម្តេច​តេ​ជោ ហ៊ុន សែន បាន​លើកឡើងថា​ប្រទេស​ក្នុង​ក្របខណ្ឌ​អាស៊ាន​មាន​កិច្ចព្រមព្រៀង​មួយ​មិនអាច​ផ្តល់​ឲ្យ​ប្រទេស​ណាមួយ​ប្រើប្រាស់​ទឹកដី​របស់ ខ្លួន​ប្រឆាំង​ប្រទេស​ដទៃ​ទេ​។​សម្តេច​បន្តថា​ខ្វះ​អី​ក្រុម​របស់លោក​ថាក់ស៊ីន​មក​នៅ​ស្រុក​ខ្មែរ​កាលពីមុន​,​ប៉ុន្តែ​ខ្មែរ​បាន​ហាម​ទីមួយ​មិន​ឲ្យ​អ្នកឯង​ចេញ​ហ្វេ​ស​ប៊ុ​ក​ជេរ​រដ្ឋាភិបាល​ថៃ​ព្រះមហាក្សត្រ​ថៃ ,​ទី​២.​មិន​ឲ្យ​អ្នកឯង​មាន​ចលនា​ប្រដាប់​ប្រឆាំង​រដ្ឋាភិបាល​ថៃ​,​កម្ពុជា​អាច​ទទួល​អ្នកឯង​បាន​ហើយ​អ្នកឯង​អាច​ទៅ​រស់នៅ​ប្រទេស​ដ៏​ទៃ​បន្តទៀត​ទៅ​។​ហើយ​ថៃ ក៏​គេ​អាចធ្វើ​របៀប​ហ្នឹង​ដែរ​ព្រោះ​អាហ្នឹង​វា​មាន​ទៅ​មាន​មកហើយ​ប្រទេស​នីមួយៗ​សុទ្ធតែ​មានការ​សន្យា​មិន​អនុញ្ញាត​ផ្តល់​ទឹកដី​ឲ្យ​ប្រទេស​ដទៃ​ប្រើប្រាស់​ប្រឆាំងនឹង​ប្រទេស​ដទៃទៀត​ទេ ។ កាលពី​ឆ្នាំ ២០១៩ តើ​គេ​មាន​ឲ្យ​មេ​ឧទ្ទាម​ចូលក្នុង​ប្រទេស​របស់គេ​ដើម្បី​ឆ្លងកាត់​មក​ទេ គឺ​គេ​មិន​អនុញ្ញាត​ទេ​ព្រោះ​បើ​ធ្វើ​វា​គឺជា​ការរំលោភ​លើ​គោលការណ៍ មិន ជ្រៀត​ជ្រែកចូល​កិច្ចការ​ផ្ទៃក្នុង​ប្រទេស​ផង​គ្នា ។​

​សម្តេច​តេ​ជោ​បាន​រំ​លឹ​ទៀតថា នេះហើយ​វា​ជា​កិច្ច​ការធម្មតា​សូម្បីតែ ស៊ុន យ៉ា​សិទ្ធ មក​ផ្ទាល់​អាវុធ​នៅមុខ​ទីស្ដីការគណៈរដ្ឋមន្ត្រី​កាលពី​ឆ្នាំ ២០០០ ក៏​ត្រូវបាន​តុលាការ​អាមេរិក កាត់ទោស​ឲ្យ​ជាប់គុក​មួយជីវិត​ព្រោះ​តុលាការ​គេ​ហាមឃាត់​ការធ្វើសកម្មភាព​ប្រដាប់​ប្រឆាំង​រដ្ឋាភិបាល​រដ្ឋាភិបាល​ប្រទេស​ដទៃ​តែ​នេះ​គឺជា​សកម្មភាព​រប​ស់បុ​គ្គល​ជា​ជនជាតិ​អា​មេ​រិច​ធ្វើ​សកម្មភាព​ប្រឆាំងនឹង​រដ្ឋាភិបាល​ប្រទេសមួយ​ផ្សេង​កុំ​ចេះតែធ្វើ​បាន​កុំ​ចេះតែ​ញយ​នេះ​ជា​ភ័​ព្ធ​សំណាង​របស់​អ្នកឯង​ហើយ​ដែល​ឪពុកម្ដាយ​របស់​អ្នកឯង​ក្រុមគ្រួសារ​របស់​អ្នក​នៅរស់​នៅលើ​ទឹកដី​ខ្មែរ​ក្នុងពេលដែល​អ្នកឯង​ជេរប្រទិច​ពី​ខាងក្រៅ​មក​,​ឪពុកម្ដាយ​អ្នកឯង​អាច​រស់នៅ​ដោយ​សុខ​ស្រួល​និង ចាក់​វ៉ាក់សាំង​របស់​រាជរដ្ឋាភិបាល​ដែល​អ្នក ឯង​ជេរ តើ​ហៅថា​ផ្ដាច់ការ​យ៉ាងម៉េច​ទៅ​? ជំនាន់​ប៉ុលពត​គ្រាន់តែ​បង​ត្រូវ​ចាប់ខ្លួន​ចាប់​ប្អូន​ចាប់​ទាំងអស់​ដែល​គេ​ហៅថា​ជីក​ស្មៅ​ជីក​ទាំង​ឫស​។​ប៉ុន្តែ​យើង​អត់​មាន​ធ្វើបែបនេះ ទេតើ​គុណធម៌​ដល់​ប៉ុណ្ណា​ទៀត​អ្នកឯង​កុំ​ជ្រុល​ហួសហេតុ​ពេក​,​ហើយ​ឪពុកម្ដាយ​នៅទីនេះ​ពេល​ឃើញ​កូន​អញ្ចឹង​ល្មម​អប់រំ​កូន​ផង​ទៅ​…៕