ដោយ​៖​តារា​រិ​ទ្ធ​/​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានប្រកាស​ច្រានចោល​ចំពោះ​ពាក្យសំដី​របស់លោក​សម រង្ស៊ី ដែល​បាន​លើកឡើងថា​សម្តេច​ជា​អ្នក​បបួល​ធ្វើ​ច្បាប់​ដើម្បី​ការពារ​មេដឹកនាំ​កំពូល​៣​រូប ។ ដោយ​ថ្លែង​សំដៅទៅ​ លោក សម រង្ស៊ី អតីត​មេដឹកនាំ​គណបក្សសង្រ្គោះជាតិ សម្តេច​តេ​ជោ ហ៊ុន សែន បាន​ហៅ​ឲ្យ​លោក សម រង្ស៊ី ស្បថ​ឲ្យ​ស្លាប់​ទាំង​ពូជឬ​ធ្លាប់​យន្តហោះ បើសិន​ថាស​ម្តេច​បបួ ល​ធ្វើ​ច្បាប់​ស្តីពី​អភ័យឯកសិទ្ធិ ប្រធានរដ្ឋសភា ព្រឹទ្ធសភា​និង​នាយកដ្ឋមន្ត្រី ។

​នៅក្នុង​ពិធី​បើក​យុទ្ធនា​ការចាក់​វ៉ាក់សាំង​បង្ការ​ជំងឺ​កូ​វីដ​-១៩ សម្រាប់​កុមារ​អាយុ​៦​ឆ្នាំ​ដល់​១២​ឆ្នាំ​នា​ព្រឹក​ថ្ងៃទី​១៧ ខែកញ្ញា​នេះ បានទាមទារ​ឱ្យ​សមរង្ស៊ី​«​ស្បថ​ឱ្យស្លាប់​មួយ​ពូជ​» បើសិនជា​សម្តេច​បា​នប​បួល​រូបគេ​ដើម្បី​រៀបចំ​ច្បាប់​ផ្តល់​អភ័យឯកសិទ្ធិ​លើកលែងទោស​ដល់​អតីត​ប្រធាន​ស្ថាប័ន​អំ​ណា ច​ទាំង​៣​រួមមាន​ប្រធានព្រឹទ្ធសភា ប្រធានរដ្ឋសភា និង នាយករដ្ឋមន្ត្រី​មែន​នោះ​។​

​សម្តេច​តេ​ជោ ហ៊ុន សែន បាន​ថ្លែងថា​៖ «​បើ​ហ្អែ​ង​ចាញ់​ជាមួយ​អញ​ច្រើនដង​ហើយ​តើ «​ចាញ់​មួយជីវិត​»«..»​ឬ​ចាញ់​ជា​រៀងរហូត ។ គេ​វិភាគ​ថា ហ៊ុន សែន​ត្រូវការ​«…»​គេ រហូតដល់​មួលបង្កាច់​ខ្ញុំ ថា​ខ្ញុំ​ទៅ​បបួល​គេ​ឲ្យ​ធ្វើ​ច្បាប់​លើកលែងទោស បើ​ហ្អែ​ង​ហ៊ាន​ស្បថ​ណា ហ្អែ​ង​ស្បថ ឱ្យ​ងាប់​ទាំង​ពូជ បើ​ថា​អញ​ធ្លាប់បាន​បបួល ហ្អែ​ង​ហ៊ាន​ស្បថ​ឬ​អត់ ? អញ​ប្រកាស​ចេញពី​ហ្នឹង​ទៅ​តែម្ដង ។ គេ​ថា ហ៊ុន សែន ចង់​ធ្វើ​ច្បាប់​លើកលែងទោស​ដល់​មនុស្ស​បីនាក់ ប្រធានព្រឹទ្ធសភា ប្រធានរដ្ឋសភា និង​នាយករដ្ឋមន្ត្រី​ហ្អែ​ង​ហ៊ាន ស្បថ​ទេ​ថា​អញ​បបួល​ហ្អែ​ង​ធ្វើ​ហ្អែ​ង​អ្នក​បបួល​អញ​ធ្វើ​តែ​អញ​មិន​ធ្វើ​»​។​

​សម្តេច​បាន​រំលឹកថា​សម្ដេច​ធ្លាប់​បានទទួល​សំណើ​អំពី​ការស្នើសុំ​ធ្វើ​ច្បាប់​លើកលែងទោស​ដល់​អតីត​នាយករដ្ឋមន្ត្រី អតីត​ប្រធានព្រឹទ្ធសភា និង អតីត​ប្រធានរដ្ឋសភា​នេះ​តាំង ពី​ជំនាន់ លោក អ៊ឺ​ង ហួត ជា​នាយករដ្ឋមន្ត្រី​មកម្ល៉េះ ហើយ​សម្តេច​បានបញ្ជាក់​ទៀតថា​សម្ដេចក្រុមព្រះ នរោត្តម រណឫទ្ធិ ក៏​ធ្លាប់បាន​ស្នើសុំ​រៀបចំ​ច្បាប់​នេះដែរ​ប៉ុន្តែ​សម្ដេច​ពុំ បាន​យល់ព្រម​ឡើយ ។​

​ជាមួយគ្នា​នោះដែរ​សម្តេច​ក៏បាន​ចំអក​ទៅ​លោក សម រង្ស៊ី ចំពោះ​ការធ្វើ​សំណើ​ធ្វើ​ច្បាប់​នេះ​ថា «​ឯង​ចង់ដឹង​!​ច្បាប់​មួយ​រឿង​អី​ធ្វើ​មិនបាន បើសិន​ចង់បាន​មែន ! កុំ​ថា​ច្បាប់ សូម្បី​រដ្ឋធម្មនុញ្ញ​ក៏​បក្ស​ប្រជាជន​កែប្រែ​បានដែរ «…»​ឥឡូវ​ដាក់​ជា​សំណួរ​តាំងពី​អា​ល្ងើ​ឯង​«​សម រង្ស៊ី​» ជួយ​កែ​រដ្ឋធម្មនុញ្ញ​ពី​២​ភាគ​៣​ទៅ​៥០​បូក​១​ច្បាប់​គ្មាន​ត្រូវការ​ពួក​ហ្អែ​ង ទេ​» ។ សម្តេច​ក៏​នៅ​បន្ត​ដោយ​ទទូច​ឲ្យ​លោក សម រង្ស៊ី ស្បថ​ជាមួយ​សម្តេច​បើ​ពិត​ដូច​អ្វីដែល​សម រង្ស៊ី​និយាយ​ដោយ​ឲ្យ​ស្លាប់​ទាំង​ពូជ​ឬ​ធ្លាប់​យន្តហោះ​ផងដែរ​។​

​សម្ដេច​រំលឹកថា​កាលពី​ឆ្នាំ ២០០៨ គណបក្ស​ប្រជាជន​កម្ពុ​ជាមាន​សំឡេង​ចំនួន ២​ភាគ​៣ នៃ​រដ្ឋសភា​ទាំងមូល​ដែល​អាច​កែ​រដ្ឋធម្មនុញ្ញ​បាន​ម្ដេចក៏​គណបក្ស​ប្រជាជន​មិន​ធ្វើ ច្បាប់​នេះ ។ សម្ដេច​បានបញ្ជាក់​ទៀតថា​សូម្បីតែ​ឆ្នាំ ២០១៨ ដែល​គណបក្ស​ប្រជាជន​ឈ្នះឆ្នោត​ក៏មាន​លទ្ធភាព​នៅក្នុង​កា​រ​រៀបចំ​ច្បាប់​ប៉ុន្តែ​គណបក្ស​ប្រជាជន​មិនបាន​ធ្វើ​ទេ ច្បាប់​បែបនេះ​ទេ ។

​សម្តេច​លើកឡើង​ទៀត​ថាបើ​គ្រាន់​ធ្វើ​ច្បាប់​ប៉ុណ្ណឹង​គណបក្ស​ប្រជាជន​កម្ពុជា​អាច​ធ្វើបាន​មិនចាំបាច់​ក្រុមប្រឆាំង​មកជួយ​នោះទេ ។​សម្តេច​ថា​«​ឥឡូវ​ម៉ោង​នេះ​ហ្អែ​ង​ចង់​សាក​? អញ​ដាក់បញ្ចូល​ក្នុង​រដ្ឋធម្មនុញ្ញ ព្រោះ​រដ្ឋធម្មនុញ្ញ​មានចែង​រួចហើយ​ថា ព្រះមហាក្សត្រ​មិនអាច​រំលោភបំពាន​បានឡើយ យើង​អាច​ចែង​បន្តទៀត​លើ​បញ្ញត្តិ​ណាមួយ​ថា អតីត ប្រធានព្រឹទ្ធសភា អតីត​ប្រធានរដ្ឋសភា អតីត​នាយករដ្ឋមន្ត្រី ត្រូវមាន​អភ័យឯកសិទ្ធិ​រួច​ផុតពី​ការចោទប្រកាន់ ហើយក៏​អាច​បន្ថែម​របប​ប្រាក់ខែ​ទៀត និង អង្គរក្ស​ទៀត​ដូច​ប្រ​ធា នា​ធិបតី​អាមេរិក អ្ហែង​ចង់​សាក​ឬ បើ​ដាក់​ហើយ​គឺ​នៅជាប់​អស់​មួយជីវិត​»​។

​សម្ដេច​តេ​ជោ​បាន​ឆ្លៀត​ពន្យល់​ទៅ​អ្នក​អត្ថាធិប្បាយ​តាម Facebook ម្នាក់​ដែលមាន​ការ​ភាន់​ចំ​ឡំ​ចំពោះ​លទ្ធផល​បោះឆ្នោត​ឆ្នាំ ២០១៣ ។ សម្តេច​បកស្រាយ​ថា ឆ្នាំ​២០១៣ គណបក្សប្រឆាំង​មិនបាន​ឈ្នះ​ដូច​ការឃោសនា​នោះទេ​គឺ​គណបក្ស​ប្រជាជន​កម្ពុជា​ទេ​ជា​អ្នកឈ្នះ​ដោយ​គណបក្ស​ប្រជាជន​កម្ពុជា​បាន​ក្តាប់បាន​ការយក​ប្រៀប​សន្លឹកឆ្នោត​របស់ខ្លួន​នៅតាម​បណ្តា​ខេត្ត ។​សម្ដេច​ទទួលស្គាល់ថា​នៅពេលនោះ​ពិតជា​មាននៅ​តាម​តំបន់​ទីក្រុង​មួយចំនួន​គណបក្ស​ប្រជាជន​កម្ពុជា​បាន​បាត់បង់​សំឡេង​ខ្លះ​មែន​ប៉ុន្តែ​ការបាត់ បង់​សំឡេង​នោះ មិនអាច​ឈ្នះ​សម្លេង​គណបក្ស​ប្រជាជន​នៅតាម​ខេត្ត​ដែលមាន​អាសនៈ​មួយ​កៅអី ដែល​គណបក្ស​ប្រជាជន​កម្ពុជា​ឈ្នះ​មាន​ចំនួន​៩ អ​សនៈ​ទៅហើយ​។ ការ បាត់បង់​សន្លឹកឆ្នោត​នៅ​តំបន់​ទីប្រជុំជន​មួយចំនួន​នោះ​មិនមែន​មកពី​ប្រជាពលរដ្ឋ​ស្រលាញ់​បក្សប្រឆាំង​ទេ​ប៉ុន្តែ​មកពី​កំហឹង​ជាមួយ​គណបក្ស​ប្រជាជន​កម្ពុជា​ប៉ុន្តែ​ពេលនេះ​សន្លឹកឆ្នោត​ដែល​បាត់បង់​នោះបាន​ត្រឡប់​មកវិញហើយ​នៅ​ឆ្នាំ ២០១៨ ។​

​សម្តេច​តេ​ជោ ហ៊ុន សែន បានបញ្ជាក់​ទៀតថា​រឿង​ផ្តល់​អភ័យឯកសិទ្ធិ​លើកលែងទោស​នេះ​បើកាលណា​ចែង​នៅក្នុង​រដ្ឋធម្មនុញ្ញ​ហើយ​នោះ​នឹងមិន​ងាយ​កែ​បានទេ​ព្រោះ​ត្រូវការ សំឡេង​២​ភាគ​៣ នៅក្នុង​សភា​ខណ​:​ក្នុង​រដ្ឋធម្ មនុញ្ញ​មានការ​កំណត់ ២ចំណុច​ដែល​មិនអាច​កែ​បាន​ក៏ដោយ​ទោះជា​សំឡេង​ប៉ុន្មាន​ក៏ដោយ​នោះ​គឺ​របបរាជានិយម​អាស្រ័យ​រដ្ឋ ធម្មនុញ្ញ និង របប​លទ្ធិប្រជាធិបតេយ្យសេរី​ពហុបក្ស ៕