ដោយៈ ទេ​ពក​ង្រី / កំពង់ឆ្នាំង​: រដ្ឋបាលខេត្ត​កំពង់ឆ្នាំង នៅ​ថ្ងៃទី​២០ ខែកញ្ញា ឆ្នាំ​២០២១ នេះ បានប្រកាស ពី​ការបន្ត​រកឃើញ អ្នក​វិជ្ជមាន​ជំងឺ​កូ​វីដ ១៩ តាមរយៈ​ការធ្វើ​តេស្ត​រហ័ស ចំនួន ៨​នាក់ ជាសះស្បើយ ៣១ នាក់ និង មិនមាន​អ្នកស្លាប់​ថ្មី​ទេ​។​

​អ្នក​ដែល​វិជ្ជមាន​កូ​វីដ ១៩ រដ្ឋបាលខេត្ត​កំពង់ឆ្នាំង បានដាក់​ឲ្យ​សម្រាក​ព្យាបាល នៅ​មន្ទីរពេទ្យ ខេត្តកំពង់ឆ្នាំង , មណ្ឌល​ព្យាបាល សាលាបឋមសិក្សា គំរូ​ក្រុង , មណ្ឌល​ព្យាបាល​វិទ្យាល័យ តេ​ជោ ហ៊ុនសែន ទឹក​ហូត , មណ្ឌល​ព្យាបាល​វិទ្យាល័យ ហ៊ុនសែន កំពង់ត្រឡាច និង​មណ្ឌល​វិទ្យាល័យ ហ៊ុនសែន បរិបូណ៌ ។

​យោងតាម​សេចក្តីប្រកាស​ព័ត៌មាន របស់​រដ្ឋបាលខេត្ត​កំពង់ឆ្នាំង បានបញ្ជាក់​ថាៈ មកដល់ពេលនេះ ខេត្តកំពង់ ឆ្នាំង មាន​អ្នក​ឆ្លង​វីរុស​កូ​វីដ ១៩ សរុប​ចំនួន ៣.២៦៥ នាក់ , អ្នក​ដែល​បានជា សះស្បើយ សរុប ចំនួន ២.៧៨៥ នាក់ , អ្នកស្លាប់​សរុប​ចំនួន ៩៦ នាក់ និង​អ្នក​កំពុង​សម្រាក​ព្យាបាល ចំនួន ៣៨៤ នាក់ ៕/V​