ប្រែ​សម្រួលៈ​វាសនា​/​ប៉េកាំង​(Xinhua)៖​ក្រសួងការបរទេស​ចិន​បាន​និយាយ​កាលពី​ថ្ងៃ​សៅ​រ៍ថា ការចោទប្រកាន់​លើ​នាយក​ហិរញ្ញវត្ថុ​របស់​ក្រុមហ៊ុន​បច្ចេកវិទ្យា​Huawei​លោកស្រី ម៉េង វ៉ាន់​ចូវជា​«​ការ​ប្រឌិត​»​ឡើង​និង​មានបំណង​គាបសង្កត់​ឧស្សាហកម្ម​បច្ចេកវិទ្យា​ជាន់ខ្ពស់​ចិន​មិន​អោយ​ងើប​រួច​។​

​កាសែត​ចិន​People’s Daily​បាន​និយាយថា បន្ទាប់​ពី​លោកស្រី​ម៉េង​ត្រូវបាន​ដោះលែង​នៅ​កាណាដា​និង​បាន​វិល​មក​ដល់​ចិន អ្នកនាំពាក្យ​ក្រសួងការបរទេស​ចិន​បាន​ពណ៌នា​ករ​របស់​លោកស្រី​ម៉េង​ថា​ជា​«​អំពើ​ធ្វើបាប​ខាង​នយោបាយ​ប្រឆាំង​ពលរដ្ឋ​ចិន​» ។​

​សូមបញ្ជាក់​ថា លោកស្រី ម៉េង វ៉ាន់ចូ​វ បាន​មក​ដល់​ទីក្រុង សិន​ចិន​ភាគខាងត្បូង​កាលពី​យប់​ថ្ងៃ​សៅរ៍ តាម​យន្តហោះ​ឈ្នួល​មួយ​ដែល​រៀបចំឡើង​ដោយ​រដ្ឋាភិបាល​ចិន​ក្រោយ​ជាប់ឃុំ​នៅ​កាណាដា​​អស់​ពេល​ជិត​៣​ឆ្នាំ​ដើម្បី​រង់ចាំ​សវនាការ​បត្យាប័ន​ទៅ​អាម៉េរិក​។​

​នៅ​ម៉ោង​ប្រមាណ​១០​យប់ យន្តហោះ​ឈ្នួល​មួយ​បាន​ចុះចត​នៅ​អាកាសយានដ្ឋាន​អន្តរជាតិ​Shenzhen Bao​។​ម៉េង ក្នុង​ឈុត​រ៉ូប​ពណ៌​ក្រហម​បាន​បក់ដៃ​ស្វាគមន៍​ហ្វូង​មនុស្ស​នៅ​ពេល​លោក​​ស្រី​ឈាន​ជើង​ចេញពី​យន្តហោះ​ហើយ​បុគ្គលិក​អាកាសយានដ្ឋាន​បាន​ជូន​បាច់ផ្កា​ដល់​លោកស្រី​។​

​ដោយ​គ្រវីទង់ជាតិ​និង​ស្រែក​«​ស្វាគមន៍​កាល​វិល​មក​ស្រុក​» ហ្វូង​អ្នក​រង់ចាំ​ស្វាគមន៍​បាន​កាន់​បដា​ដែល​សរសេរ​អក្ស​រថា​«​ស្វាគមន៍​ការវិល​មក​កាន់​មាតុភូមិ លោកស្រី ម៉េង វ៉ាន់ចូ​វ​»​។​

​មិន​មាន​ការចាប់​រលាក់​ដៃ​ទេ​ដោយសារ​ការបារម្ភ​អំពី​ជំងឺ​កូវី​ដ​១៩ ហើយ​លោក​ស្រី​បាន​ថ្លែង​សុន្ទរកថា​ខ្លី​មួយ​នៅ​អាកាសយានដ្ឋាន​។​លោកស្រី​បាន​និយាយថា​«​ក្រោយ​ការទទួល​ទារុណកម្ម​អស់​​ជាង​១.០០០​ថ្ងៃ នៅ​ទីបំផុត​ខ្ញុំ​បាន​វិល​មក​ឳ​ប​ក្រសោប​មាតុភូមិ​វិញ​។​ខ្ញុំ​វិល​មក​មាតុភូមិ​វិញ​ហើយ ។​ជា​ពលរដ្ឋ​ចិន​ធម្មតា​ម្នាក់​ដែល​បាន​ទទួលរង​ស្ថានភាព​បែប​នេះ​និង​ជាប់​នៅ​បរទេស​អស់​ពេល​​ជិត​៣​ឆ្នាំ គ្មាន​ពេលណា​ដែល​ខ្ញុំ​មាន​អារម្មណ៍​ថា​គណបក្ស​កុំម្មុយនីស្ត មាតុភូមិ​និង​ប្រជាជន​ចិន​មិន​បារម្ភ​ខ្វល់ខ្វាយ​អំពី​រូប​ខ្ញុំ​និង​មិន​ផ្តល់​ភាព​កក់​ក្រៅ​ចំពោះ​ខ្ញុំ​ឡើយ​»​។​

«​ប្រធានាធិបតី ស៊ី ជីន​ភីង ខ្វល់ខ្វាយ​អំពី​សុវត្ថិភាព​គ្រប់​គ្នា និង​ពលរដ្ឋ​ចិន​គ្រប់ៗ​គ្នា រួមទាំង​រូប​ខ្ញុំ​។​ខ្ញុំ​រំជួលចិត្ត​ណាស់​ចំពោះ​អំពើ​នេះ​។​ខ្ញុំ​ក៏​សុំ​អរគុណ​ផ្នែក​ពាក់ព័ន្ធ​ចំពោះ​ការគាំទ្រ​និង​ជួយ​ខ្ញុំ​។​​ពួកគេ​ការពារ​ដាច់ខាត​សិទ្ធិ​ស្របច្បាប់​និង​ផលប្រយោជន៍​របស់​សហ​គ្រាស​និង​ពលរដ្ឋ​ចិន​។​មាតុភូមិ​នេះ​ផ្តល់​ការគាំទ្រ​យើង​ខ្លាំងក្លា​ណាស់​។​ក្នុងនាម​ជា​ពលរដ្ឋ​សាមញ្ញ​ម្នាក់ ខ្ញុំ​មាន​មោទនភាព​​ចំពោះ​មាតុភូមិ​របស់​ខ្ញុំ​»​។​

​យោង​តាម​បែបបទ​សុខាភិបាល លោកស្រី​ម៉េង​ត្រូវធ្វើ​ចត្តា​ឡីស័​កនៅ​សណ្ឋាគារ​មួយ​ក្រោយ​មក​ដល់​ចិន​។​

​សូម​រំលឹក​ថា លោកស្រី​ម៉េង វ៉ាន់​ចូល នាយក​ហិរញ្ញ​វត្ថ​ក្រុមហ៊ុន​Huawei​ត្រូវបាន​សមត្ថកិច្ច​កា​ណា​ដា​ចាប់ខ្លួន​តាម​សំណើ​របស់​អាម៉េរិក​កាលពី​ថ្ងៃ​១​ធ្នូ​ ​ឆ្នាំ​២០១៨​នៅ​អាកាសយានដ្ឋាន​ក្រុង​​វែន​ខូវើ​។​លោកស្រី​បាន​ឆ្លើយ​បដិសេធ​ថា​មិន​បាន​ប្រព្រឹត្ត​ខុស​នៅ​គ្រប់​ការចោទប្រកាន់​ប្រឆាំង​លោកស្រី និង​នៅ​ទីបំផុត​បាន​ឈាន​ដល់​កិច្ចព្រមព្រៀង​មួយ​ជាមួយ​ក្រុម​រដ្ឋអាជ្ញា​អាម៉េរិក​​និង​នាំ​ដល់​ភាគី​អាម៉េរិក​បាន​ដកចេញ​សំណើ​ធ្វើ​ការបញ្ជូន​ខ្លួន​(​បត្យាប័ន​)​លោកស្រី​៕

​លោកស្រី ម៉េង វ៉ាន់ចូ​វ បាន​មក​ដល់​ទីក្រុង សិន​ចិន​ភាគខាងត្បូង​កាលពី​យប់​ថ្ងៃ​សៅរ៍ តាម​យន្តហោះ​ឈ្នួល​មួយ​ដែល​រៀបចំឡើង​ដោយ​រដ្ឋាភិបាល​ចិន​។​លោកស្រី​បក់ដៃ​ដាក់​ហ្វូងមនុស្ស​នៅ​អា​​កាស​យានដ្ឋាន​ក្រុង​សិន​ចិន មុន​ចុះមក​ថ្លែង​សុន្ទរកថា​