ដោយៈ​ចាន់តូ​/​ភ្នំពេញៈ​រថយន្ត​កុងតឺន័រ​របស់​ក្រុមហ៊ុន​តេង​ឡាយ​បាន​បើក​បុក​ម៉ូតូ​មួយគ្រឿង​ពីក្រោយ បណ្ដាល​ឲ្យ​ដួល​ហើយ​ខ្ទាត​បុរស​ម្នាក់​ចូល​ក្រោម​កង់​កិន​បាត់​បង់ជីវិត​ភ្លាមៗ​នៅនឹងកន្លែង​កាលពី​ម៉ោងជាង​៥ ល្ងាច​ថ្ងៃទី​០១ ខែតុលា ឆ្នាំ​២០២១ នៅលើ​ផ្លូវជាតិ​លេខ​៤ ភូមិ​ត្រពាំង​គល់ សង្កាត់​កន្ទោក ខណ្ឌ​កំបូល​។​

​តាម​ប្រភពព័ត៌មាន​បាន​ប្រាប់​ឲ្យ​ប៉ូលិស​ថា មុនពេល​កើតហេតុ​បុរសរងគ្រោះ​ខាងលើ​បាន​ជិះ​ម៉ូតូ​ម៉ាក​ហុងដា​ឌ្រី​ម សេ​១២៥​ពណ៌​ខ្មៅ ពាក់​ស្លាក​លេខ ភ្នំពេញ 1FV- 8025 ធ្វើដំណើរ​ក្នុងទិសដៅ​ពី​លិចទៅ​កើត​។ លុះ​ពេលទៅដល់​ត្រង់ចំណុច​កើតហេតុ​ក៏ត្រូវ​រថយន្ត​កុងតឺន័រ FREIGHTLINER ពណ៌​ស ពាក់​ស្លាក​លេខ ភ្នំពេញ 3B-8103 របស់​ក្រុមហ៊ុន​តេង​ឡាយ​បើកបរ​ក្នុងទិសដៅ​ស្របគ្នា​បុក​ពីក្រោយ បណ្ដាល​ឲ្យ​ដួល​ម៉ូតូ​ហើយ​ខ្ទាត​បុរស នោះ​ចូល​ក្រោម​កង់​រថយន្ត​នោះ​កិន​ស្លាប់​ភ្លាមៗ​តែម្ដង​។​

ក្រោយពេល​កើតហេតុ​អ្នកបើកបរ​រថយន្ត​ន​បាន​ចុះ​រត់​គេចខ្លួនបាត់​។​បន្ទាប់មក​កម្លាំង​នគរបាល​យ​ការិយាល័យ​ចរាចរ​ផ្លូវគោក​នៃ​ស្នងការដ្ឋាន​នគរបាល​រាជធានី​ង​ភ្នំពេញ​ចុះទៅ​ធ្វើការ​វាស់វែង​និង​នាំយក​រថយន្ត​ព្រមទាំង​ម៉ូតូ​ទៅ​រក្សាទុក​រង់ចាំ​ដោះស្រាយ​តាមច្បាប់​៕​