​ដោយ​:​សុខ​សុ​ភ័​ណ្ឌ​/​កំពង់ស្ពឺ​: មនុស្សម្នា​ក់បាន​ស្លាប់​ភ្លាមៗ​នៅនឹងកន្លែង និង​ម្នាក់ទៀត​រងរបួស​ធ្ងន់​ខ​ណះ​ជិះ​ម៉ូតូ​ត្រូវ​រថយន្ត​នៅតាម​បណ្តោយ​ផ្លូវជាតិ​លេខ​៤១​ចន្លោះ​គីឡូម៉ែត្រ​៤៤-៤៥​ស្ថិតក្នុង​ភូមិ​ព្រៃ​រំដួល​ត្បូង ឃុំ​បសេដ្ឋ ស្រុក​បសេដ្ឋ ខេត្ត​កំពង់​ស្ពី កាលពី​យប់​ថ្ងៃទី​៣ ខែតុលា ឆ្នាំ​២០២១​។​

​មន្ត្រីនគរបាល​មូលដ្ឋាន បាន​ឲ្យ​ដឹងថា​មុន​កើតហេតុ​គេ​ឃើញ​ម៉ូតូ​មួយគ្រឿង​ម៉ាក​ហុងដា ZOOMER X ពណ៌​ស សេរី​ឆ្នាំ​២០១៨ ពាក់​ស្លាក​លេខ ភ្នំពេញ​១GD-៤៩២៧ ។​

បើកបរ​ដោយ​ឈ្មោះ ហួន មី​ហុង ភេទ​ប្រុស អាយុ​២១​ឆ្នាំ រស់នៅ​ភូមិ​ព្រៃ​មាន ឃុំ​ព្រៃ​ពួច ស្រុក​អង្គស្នួល ខេត្តកណ្តាល បើកបរ​ពី​ជើង​ទៅ​ត្បូង បាន​ស្លាប់​នៅ​កន្លែងកើតហេតុ អ្នករួមដំណើរ​ឈ្មោះ ហួន គឹម​ហេង ភេទ​ស្រី អាយុ​១០​ឆ្នាំ ត្រូវជា​ប្អូនស្រី​អ្នកបើកបរ​ម៉ូតូ រងរបួស​ត្រង់​កដៃ​ខាងស្តាំ រស់នៅក្នុង​ភូមិ​ឃុំ​ជាមួយគ្នា​​បើក​មកដល់​កន្លែងកើតហេតុ​ក៏ត្រូវ​រថយន្ត​​​​​មួយគ្រឿង​មិ​ន​ស្គាល់​ម៉ាក​បុក​ចំ​ពី​​មុខ​ម៉ូតូ បន្ទាប់ពី​បុក​រួច​ក៏​បើក​ទៅ​ទិស​ខាងត្បូង​បាត់​។​

​ប្រភព​បាន​បន្តថា​ក្រោយ​កើតហេតុ​ក្មេងស្រី​រងគ្រោះ​ត្រូវបាន​រថយន្ត​សាមុយ​ដឹក​យកទៅ​សង្គ្រោះ​នៅឯ​មន្ទីរពេទ្យបង្អែក​ខេត្ត​។​
​សព​ជនរងគ្រោះ​ត្រូវបាន​ក្រុមគ្រួសារ​ដឹកយក​ទៅ​ស្រុកកំណើត​ដើម្បី​យកទៅ​ធ្វើបុណ្យ​តាម​ប្រពៃណី​ចំពោះ​វត្ថុតាង​ម៉ូតូ​យកមក​រក្សាទុក​នៅ​អធិការ​ស្រុក​បសេដ្ឋ ដើម្បី​រងចាំ​ការដោះស្រាយ​តាម​នីតិវិធី​៕​