​ដោយ​៖​អង្គា​រ៍​ហេង​/​ភ្នំពេញ​៖ ដោយមាន​ការណែនាំ​ពី​លោក ចេង មុនី​រ៉ា អភិបាល​នៃ​គណ​:​អភិបាលខណ្ឌ​ច្បារអំពៅ​នៅ​យប់​ថ្ងៃអាទិត្យ ទី​៣ ខែតុលា ឆ្នាំ​២០២១ លោក ហ៊​ត គឹម​នី អភិបាលរងខណ្ឌ បាន​ដឹកនាំ​កម្លាំង​គណៈបញ្ជាការ​ឯកភាព​ខណ្ឌ​ច្បារអំពៅ បន្ដ​ដាក់​គោលដៅ​ត្រួតពិនិត្យ​អាវុធជាតិផ្ទុះ គ្រឿងញៀន និង​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក​។

​គោលដៅ​ដែល​ដាក់​ត្រួតពិនិត្យ​នោះ​ស្ថិតនៅ​ចំណុច​មុខ​ភោជនីយដ្ឋាន វាយោ នៅ​ផ្លូវ​លេខ​៣៦៩ ក្នុងភូមិ​ចំពុះក្អែក សង្កាត់​ព្រែក​ថ្មី ខណ្ឌ​ច្បារអំពៅ ក្នុង​គោលបំណង​ដើម្បី​រក្សាសុខ​សុវត្ថិភាព​ជូន​ប្រជាពលរដ្ឋ​ក្នុង​មូល​ដ្ខា​ន​ខណ្ឌ​ច្បារអំពៅ ។

ជាមួយគ្នានេះដែរ​សមត្ថ​កិច្ច​បាន​បន្ត​ចុះ​ត្រួតពិនិត្យ​តាម​បណ្ដា​អាហារ​ដ្ឋា​ន ភោជនីយដ្ឋាន​ឲ្យ​ពង្រឹង​ការ​អនុវត្តតាម​សេចក្តីសម្រេច​របស់​រដ្ឋ​បាល​រាជធានី​ភ្នំពេញ វិធានការ​របស់​ក្រសួងសុខាភិបាល ជាពិសេស​វិធានការ ៣​ការពារ និង​៣​កុំ ដើម្បី​ចូលរួម​ទប់ស្កាត់​ការឆ្លង​រាលដាល​ជំងឺ​កូ​វីដ​-១៩ ផងដែរ​៕​