​ប្រែ​សម្រួលៈ​វាសនា​/​តៃ​ប៉ុះ​៖​ចិន​បាន​បញ្ជូន​យន្តហោះ​ឆ្លងកាត់​អ្វី​ដែល​អាជ្ញាធ​រកោះ​តៃវ៉ាន់​ហៅថា​តំបន់​ការពារ​ដែនអាកាស​របស់​ខ្លួនដ​ល់​ថ្ងៃទី​៣​ជាប់​គ្នា​កាលពី​ថ្ងៃអាទិត្យ​។​កាលពី​ថ្ងៃ​សៅរ៍​យន្តហោះ​​ចិន​ដល់​ទៅ​៣៩​គ្រឿង​បាន​ហោះចូល​ក្នុង​តំបន់​នេះ នាំ​អោយ​អាម៉េរិក​សម្តែង​ការព្រួយបារម្ភ​និង​សុំ​អោយ​ចិន​ឈប់​បង្ក​រឿង​ដាក់​តៃវ៉ាន់ ទោះជា​យ៉ាងណា​ចិន​តែងតែ​ចាត់ទុក​កោះ​តៃវ៉ាន់​ជា​ផ្នែក​​មួយ​នៃ​ទឹកដី​របស់​ខ្លួន​និង​សុំ​កុំអោយ​អាម៉េរិក​ជ្រៀតជ្រែក​។​

​ក្រសួងការបរទេស​អាម៉េរិក​កាលពី​ថ្ងៃអាទិត្យ​បាន​ព្រមាន​អោយ​ចិន​ឈប់​បង្ក​រឿង​ប្រឆាំង​តៃវ៉ាន់​ក្រោយ​ពី​យន្តហោះ​ចិន​បាន​ហោះ​កាត់​អ្វីដែល​តៃវ៉ាន់​ហៅថា​តំបន់​ការពារ​ដែនអាកាស​របស់ខ្លួន​​ដល់​ថ្ងៃទី​៣​ជាប់​គ្នា​។​

​យន្តហោះ​ចម្បាំង​៣៩​គ្រឿង​បង្ហាញខ្លួន​ក្នុងពេល​តែមួយ​ថ្ងៃ វា​ជា​ចំនួន​យន្តហោះ​ចិន​ច្រើន​បំផុត​ដែល​រដ្ឋាភិបាល​ក្រុង​ប៉េកាំង​មិន​ដែន​បញ្ជូនមក​ហោះ​កាត់​កន្លែង​នេះ​តាំងពី​មុន​មក​។​

​កាលពី​ថ្ងៃអាទិត្យ យន្តហោះ​ចិន​១៦​គ្រឿង​ទៀត​ក៏​បាន​ហោះចូល​ក្នុង​តំបន់​ដដែល នេះ​បើ​តាម​ការបញ្ជាក់​របស់​ក្រសួង​យោធា​តៃវ៉ាន់​។​

​សូមបញ្ជាក់​ថា កោះ​តៃវ៉ាន់​មាន​រដ្ឋាភិបាល​ឯករាជ្យ​មួយ​ចាប់តាំងពី​ឆ្នាំ​១៩៤៩ តែ​រដ្ឋាភិបាល​ក្រុង​ប៉េកាំង​តំណាងអោយ​ចិន​នៅ​អង្គការសហប្រជាជាតិ​និង​ចិន​តែ​ចាត់ទុក​តៃវ៉ាន់​ជា​ខេត្ត​ផ្តាច់ខ្លួន​​មួយ​ដែល​ត្រូវតែ​បង្រួបបង្រួម​ជាមួយ​ចិន​វិញ​នៅ​ថ្ងៃ​ណាមួយ និង​អាច​ប្រើ​កម្លាំង​ក្នុង​ករណី​ចាំបាច់​។​

​ក្រសួង​យោធា​តៃវ៉ាន់​បាន​និយាយថា យន្តហោះ​ចិន​ដែល​ហោះចូល​មក​កោះ​តៃវ៉ាន់​ភាគច្រើន​ជា​យន្តហោះ​ប្រយុទ្ធ​ធុន J-16 និង​Su-30 ។​ពួក​វា​បាន​ហោះ​មក​ក្បែរ​កោះ​ប្រា​តាស​ដែល​តៃវ៉ាន់​​កំពុង​គ្រប់គ្រង ហើយ​យន្តហោះ​ប្រដេញ​តៃវ៉ាន់​ហោះ​ទៅប្រាប់​អោយ​យន្តហោះ​ចិន​ចេញទៅ​ឆ្ងាយ​។​

​តៃវ៉ាន់​ក៏​បាន​ត្រៀម​ប្រព័ន្ធ​កាំជ្រួច​ដើម្បី​តាមដាន​យន្តហោះ​ចិន​ផងដែរ​។​

​នៅ​មិនទាន់​មាន​ប្រតិកម្ម​យ៉ាង​ណា​ពី​ចិន​នៅ​ឡើយ​ទេ​ចំពោះ​វត្ត​មាន​យន្តហោះ​ចម្បាំង​សន្ធឹកសន្ធាប់​បែបនេះ តែ​នៅ​ប៉ុន្មាន​ឆ្នាំ​មកនេះ​ចិន​តែង​បញ្ជូន​ហោះ​ចម្បាំង​ចូល​កៀកៗ​កោះ​តៃវ៉ាន់ នៅពេល​អាជ្ញាធរ​ក្រុង​តៃប៉ិះ​កាន់តែ​ងាក​ទៅរក​ឯករាជ្យភាព ដែលនាំអោយ​ចិន​ខឹង​។​

​កាលពី​សប្តាហ៍​មុន ជា​ការឆ្លើយតប​នឹង​ការប៉ុនប៉ង​របស់​តៃវ៉ាន់​ចូលក្នុង​អង្គការ​ពាណិជ្ជកម្ម​តំបន់​មួយ យោធា​ចិន​បាន​បញ្ជូន​យន្តហោះ​២៤​គ្រឿង​ទៅ​ជិត​កោះ​សេរីនិយម​នេះ​។​គ្រាន់តែ​ឆ្នាំ​២០២០ ចិន​បាន​បញ្ជូន បេសកកម្ម​ដូច្នេះ​៣៨០​លើក​ចូលក្នុង​តំបន់​ការពារ​ដែនអាកាស​តៃវ៉ាន់ និង​ក្នុងឆ្នាំនេះ​ចំនួន​ជាង​៥០០​លើក​៕

​យន្តហោះ​Su-30​ដូច​ក្នុង​រូបនេះ ស្ថិត​ចំណោម​យន្តហោះ​ចិន​ដែល​បាន​ហោះចូល​កៀក​តៃវ៉ាន់​កាលពី​ថ្ងៃ​សុក្រ សៅរ៍ និង​អាទិត្យ​