​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ រុស្ស៊ី​បាន​និយាយ​នៅ​ថ្ងៃ​ចន្ទ​នេះ​ថា​ខ្លួន​បាន​បាញ់​សាកល្បង​មី​ស៊ី​ល​បញ្ជា​ទិស​លឿន​ជាង​សំឡេង Tsirkon (Zircon)​ដោយ​ជោគជ័យ​ពី​នាវា​មុជ​​ទឹកជា​លើកដំបូង ជា​អាវុធ​ដែល​ប្រធានាធិបតីវ្ល៉ា​ឌី​មៀរ ពូ​ទីន​កោតសរសើរ​ថា​ជា​ផ្នែក​មួយ​នៃ​ប្រព័ន្ធ​អាវុធ​ជំនាន់​ថ្មី​គ្មាន​គូ​ប្រៀប​។​

​ក្រសួង​ការពារជាតិ​បាន​និយាយថា នាវា​មុជទឹក Severodvinsk បាន​បាញ់​មី​ស៊ី​ល​នេះ​នៅ​សមុទ្រ​បារិន​ដោយ​ជោគជ័យ ដោយ​បាញ់​ចំ​គោលដៅ​ដែល​ខ្លួន​បានជ្រើសរើស​។​

​វីដេអូ​របស់​ក្រសួង​បានបង្ហាញ​ការបាញ់​សាកល្បង​នេះ​ធ្វើឡើង​នៅ​ពេលយប់​។​

​រុស្ស៊ី​បាន​សាកល្បង​បាញ់​មី​ស៊ី​ល Tsirkon ចេញពី​នាវាចម្បាំង​កាលពី​ខែ​កក្កដា​។​

​លោកពូ​ទីន​បានប្រកាស​អាវុធ​លឿន​ជាង​សំឡេង​ថ្មីៗ​ជាច្រើន​នៅ​ឆ្នាំ ២០១៨ នៅក្នុង​សុន្ទរកថា​អាងយ៉ាង​បំផុត​មិន​ធ្លាប់​មាន​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ​ដោយ​និយាយថា​ពួក​វា​អាច​វាយប្រហារ​ស្ទើរតែ​គ្រប់​ចំណុច​ក្នុង​ពិភពលោក​និង​គេចផុត​ពី​ខែល​ការពារ​មី​ស៊ី​ល​ដែល​ផលិត​ដោយ​អាម៉េរិក​៕

​មី​ស៊ី​ល​បញ្ជា​ទិស​លឿន​ជាង​សំឡេង Tsirkon បាញ់​ចេញពី​នាវាមុជទឹក​ដោយ​ជោគជ័យ