​ដោយៈ ទេ​ពក​ង្រី / កំពង់ឆ្នាំងៈ នៅ​ព្រឹក​ថ្ងៃទី ៥ ខែតុលា ឆ្នាំ​២០២១ លោក ស៊ុន សុវណ្ណ​រិ​ទ្ធិ អភិបាល នៃ​គណៈ​អភិបាល ខេត្តកំពង់ឆ្នាំង ដោយមាន​ការចូលរួម ពី​អភិបាលរង​ខេត្ត ២ រូប គឺ​លោក សាន់ យូ និង​លោក នៃ ចារី , លោក អ៊ុន សុផល នាយក​រដ្ឋបាល សាលាខេត្ត និង​លោក ខឹម ចាន់​នឿន នាយករង រដ្ឋបាល​សាលាខេត្ត​កំពង់ឆ្នាំង បាន​អញ្ជើញ​ជួប សំណេះសំណាល និង​ចែក​អំណោយ​នូវ ស្បៀងអាហារ ភេសជ្ជៈ និង​ថវិកា​មួយចំនួន របស់​រដ្ឋបាល ខេត្តកំពង់ឆ្នាំង ជូន​ដល់​ភ្នាក់ងារ​សារព័ត៌មាន នៅក្នុង​ខេត្តកំពង់ឆ្នាំង ចំនួន ២៦ រូប ដើម្បី​ជាការ​លើកទឹកចិត្ត នៅក្នុង​ពិធីបុណ្យ​ភ្ជុំបិណ្ឌ ។​

​នៅក្នុង​ឱកាស​នោះ លោក ស៊ុន សុវណ្ណ​រិ​ទ្ធិ បាន​ថ្លែង​នូវ​ការកោតសរសើរ ដល់​ភ្នាក់ងារ សារព័ត៌មាន​ទាំងអស់ ក្នុង​ខេត្តកំពង់ឆ្នាំង ដែល​កន្លងមក បាន​សហការ​ជាមួយ រដ្ឋបាលខេត្ត មន្ទីរ​អង្គភាព​ជុំវិញ​ខេត្ត និង​អាជ្ញាធរ​គ្រប់​មូលដ្ឋាន ក្នុងការ​ផ្សព្វផ្សាយ​ព័ត៌មាន​ទូទៅ ស្ដីពី ការអភិវឌ្ឍ លើ​គ្រប់​វិស័យ របស់​ខេត្តកំពង់ឆ្នាំង ជាពិសេស​គ្រប់​សកម្មភាព នៃ​ការប្រយុទ្ធ ប្រឆាំង និង​វិធានការ​ទប់ស្កាត់ ជំងឺ​កូ​វីដ ១៩ នៅក្នុង​ភូមិសាស្ត្រ ខេត្តកំពង់ឆ្នាំង​៕/V​