​ប្រែ​សម្រួលៈ​វាសនា​/​ហ្សា​ការតា​៖ ឥណ្ឌូនេស៊ី​កាលពី​ថ្ងៃ​ពុធ​ទី​៦​តុលា បាន​ធ្វើ​ការហោះ​សាកល្បង​ជា​លើកដំបូង​របស់​ខ្លួន​ដោយ​ប្រើ​ប្រេង​ដែល​មួយ​ផ្នែក​តូច​ចម្រាញ់​ចេញពី​ផ្លែង​ដូង​ប្រេង នៅពេល​​ប្រទេស​នេះ​មាន​ផែនការ​ធ្វើ​ពាណិជ្ជកម្ម​ឥន្ធនៈ​នេះ​គឺ​ប្រើ​វា​ជា​ប្រេងឥន្ធនៈ​ចាក់​យន្តហោះ​ស្របច្បាប់​នៅ​ក្នុងស្រុក​។​

​យន្តហោះ​បាន​ហោះ​បាន​ចម្ងាយ​ជាង​១០០​គីឡូម៉ែត្រ​ចេញ​ពី​រដ្ឋធា​នីហ្សាការ​តា ទៅ​កាន់​ទីក្រុង​បាន់​ឌុ​ង​។​

​ដោយ​ចង់​និយាយ​អំពី​ឥន្ធនៈ​ផលិត​ចេញពី​ដូងប្រេង រដ្ឋមន្ត្រី​សេដ្ឋកិច្ច​លោក​អ៊ែរ​ឡាង​ហ្កា ហា​តារ​តូ បាន​ប្រាប់​សន្និសីទកាសែត​មួយ​ថា «​ក្នុងនាម​ជា​ប្រទេស​ផលិត​ធំ​បំផុត ឥណ្ឌូនេស៊ី​ត្រូវតែ​កែច្នៃ​​ការប្រើ​ដូងប្រេង រួម​ទាំង​ការអភិវឌ្ឍ​ជីវ​ឥន្ធនៈ និង​ជីវ​ឥន្ធនៈ​សំរាប់​ចាក់​យន្តហោះ​…»​។​

​ឥណ្ឌូនេស៊ី​បច្ចុប្បន្ន​មាន​កម្មវិធី​ផលិត​ជីវ​ឥន្ធនៈ​មួយ ដោយ​មាន​សមាសភាគ​៣០​ភាគរយ​ចេញពី​ផ្លែ​ដូងប្រេង ដែល​គេ​ស្គាល់​ថា​B30​។​រដ្ឋាភិបាល​មាន​បំណង​ពង្រីក​ការប្រើ​ប្រេង​ផ្លែឈើ​នេះ​សំរាប់​​ថាមពល​និង​កាត់បន្ថយ​ការ​នាំចូល​ឥន្ធនៈ​។​

​ជីវ​ឥន្ធនៈ​សំរាប់​យន្តហោះ​ដែល​ត្រូវបាន​ប្រើ​ក្នុង​ការហោះ​សាកល្បង​នេះ ផ្ទុក​ដូងប្រេង​តែ​២,៤​ភាគរយ​ទេ តែ​ច្បាប់​មួយ​កាលពី​ឆ្នាំ​២០១៥ តំរូវ​អោយ​ប្រើ​វា​ដល់​ទៅ​៥​ភាគរយ​នៅត្រឹម​ឆ្នាំ​២០២៥៕

​ឥណ្ឌូនេស៊ី បានចាប់ផ្តើម​សាកល្បង​បញ្ឆេះ​ម៉ាស៊ីន​យន្តហោះ​ដោយ​ប្រើ​ឥន្ធនៈ​លាយ​ដូងប្រេង​២,៤​ភាគរយ​កាលពី​ខែ​មុន និង​ពេល​នេះ​ហោះ​បាន​១០០​គីឡូម៉ែត្រ​