អភិបាលខណ្ឌចំការមន ជួបពិភាក្សាជាមួយ ក្រុមសម្ព័ន្ធគ្រូពេទ្យស្ម័គ្រចិត្ត សហភាពសហព័ន្ធយុវជនកម្ពុជា ដើម្បីត្រៀមចាក់វ៉ាក់សាំង បង្ការជំងឺកូវីដ-១៩ ដូសជំរុញ ឬដូសទី៣ ជូនប្រជាពលរដ្ឋ ក្នុងភូមិសាស្ត្រខណ្ឌចំការមន នៅថ្ងៃស្អែក

ដោយ៖ រ៉ាម៉ន / ភ្នំពេញ: នៅព្រឹកថ្ងៃអាទិត្យ ទី១០ ខែតុលា ឆ្នាំ២០២១ លោក ថេង សុថុល អភិបាលខណ្ឌចំការមន រួមជាមួយលោក អភិបាលរងខណ្ឌ, ប្រធានការិយាល័យ ចំណុះរដ្ឋបាលខណ្ឌពាក់ព័ន្ធ, លោកចៅសង្កាត់ទាំង៥ និងតំណាងមណ្ឌលសុខភាពផ្សារដើមថ្កូវ បានអញ្ជើញជួបពិភាក្សា ជាមួយក្រុមសម្ព័ន្ធគ្រូពេទ្យស្ម័គ្រចិត្តសហភាពសហព័ន្ធយុវជនកម្ពុជា នៅសាលាបឋមសិក្សា វត្តទួលទំពូង ដើម្បីត្រៀមការចាក់វ៉ាក់សាំងបង្ការជំងឺកូវីដ-១៩ ប្រភេទ ស៊ីណូវ៉ាក់ ដូសជំរុញ ឬដូសទី៣ ជូនប្រជាពលរដ្ឋ ក្នុងភូមិសាស្ត្រខណ្ឌចំការមន ដែលចាប់ផ្ដើម ពីថ្ងៃទី១១ ខែតុលា ឆ្នាំ២០២១ នេះតទៅ។