​ដោយៈ​មុនី​រ័ត្ន​/​ភ្នំពេញៈ សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បាន​បញ្ជាក់ថា ក្នុង​ឆ្នាំ​២០២២​ខាងមុខ ក្នុងនាម​ប្រធាន​កិច្ចប្រជុំ​រដ្ឋមន្ត្រី​ការពារជាតិ​អាស៊ាន និង​កិច្ចប្រជុំ​ពាក់ព័ន្ធ កម្ពុជា​នឹង​ខិតខំ​សម្របសម្រួល និង​ដោះស្រាយ​បញ្ហា​ពិភព លោក និង​ក្នុង​តំបន់ និង​សាមគ្គីភាព​ដ៏​រឹងមាំ​ជាមួយនឹង​ប្រទេស​សមាជិក​អាស៊ាន និង​ការគាំទ្រ​ពី​ដៃគូ​ខាងក្រៅ កម្ពុជា​នឹង​បន្ត​ជំរុញ​ការកសាង​សហគមន៍ និង​ថែរក្សា​តួនាទី​របស់​អាស៊ាន ដែលជា​ទម្លាប់​ដ៏​សារៈសំខាន់​សម្រាប់​ពិភពលោក​។​

​ការបញ្ជាក់​នេះ​នៅក្នុង​ជំនួប​សន្ទនា​ជាមួយ​លោក​ទេសរដ្ឋមន្ត្រី Dato Seri Hishamudin Bin Tun Hussein រដ្ឋមន្ត្រី​ក្រសួងការពារជាតិ​ម៉ាឡេស៊ី តាមរយៈ​ប្រព័ន្ធ​វិ​ដេ​អូ​កាលពី​រសៀល​ថ្ងៃទី​១៤​ខែតុលា​ឆ្នាំ​២០២១​។​

​ប្រភព​បញ្ជាក់ថា ថ្លែង​ក្នុងជំនួប​នេះ​សម្តេច​ពិជ័យ​សេនា ទៀ បាញ់ បាន​បន្តថា កម្ពុជា​បាន​ត្រៀមខ្លួន​ជាស្រេច​ក្នុងការ​បង្កើន​កិច្ចសហប្រតិបត្តិការ​ការពា​រ​ជាតិ​ជាមួយ​ក្រសួងការពារជាតិ​ម៉ាឡេស៊ី ឲ្យ​កាន់តែ​ប្រសើរឡើង​តាមរយៈ​ការបណ្តុះបណ្តាល​ពង្រឹងសមត្ថភាព​ធនធានមនុស្ស ការចែករំលែក​ព័ត៌មាន​នៃ​ការ​គំរាម​គំហែង​អំពើ​ភេរវកម្ម ដោយ​ខិតខំ​លើកទឹកចិត្ត​នាយទាហាន និង​រិះរក​គ្រប់​វិធី​ប្រកបដោយ​ភាព​ច្នៃប្រឌិត និង​កិច្ចសហប្រតិបត្តិការ​គ្រប់​ជ្រុងជ្រោយ ក្រោយ​វិបត្តិ​កូ​វីដ​១៩ មាន​ភាព​ធូរស្រាល ដើម្បី​ផ្តល់​ផលប្រយោជន៍​ប្រទេស​ទាំង​ពីរ កម្ពុជា​និង​ម៉ាឡេស៊ី រួមចំណែក​ដល់​សន្តិភាព ស្ថិរភាព និង​វិបុលភាព​នៅលើ​សកលលោក​។

សម្តេច​ពិជ័យ​សេនា ទៀ បាញ់ បាន​សម្តែង​ការអបអរសាទរ​ចំពោះ​វត្តមាន​លោក Dato Seri Hishamudin Bin Tun Hussein ដែល​រដ្ឋាភិបាល​ម៉ាឡេស៊ី មាន​ទំនុកចិត្ត​តែងតាំង​ជា​រដ្ឋមន្ត្រី​ក្រសួងការពារជាតិ​ម៉ាឡេស៊ី នា​ខែសីហា​កន្លងមកនេះ​។

​សម្តេច​ពិជ័យ​សេនា​បាន​ថ្លែងអំណរគុណ​ចំពោះ​រដ្ឋាភិបាល​ម៉ាឡេស៊ី ដែល​បានផ្តល់​ជំនួយ​សម្ភារ​ប្រឆាំង​ជម្ងឺ​កូ​វីដ​១៩ មួយចំនួន​ជូន​ដល់​រាជរដ្ឋាភិបាល តាមរយៈ​ស្ថាប័ន​ចារកម្ម​នៃ​ប្រទេស​ទាំងពីរ​។​
​ជាមួយគ្នានេះ សម្តេច​ពិជ័យ​សេនា បាន​លើកឡើងថា ជំងឺ​កូ​វីដ​១៩ ឈាន​មកដល់​ត្រីមាស​ទី​៣ នៃ​ឆ្នាំ​២០២១​នេះ នៅតែ​បន្ត​ប្រឈម​ក្នុង​ភាពមិនប្រាកដប្រជា ដោយសារ​ហានិភ័យ​នៃ​រលក​ការ​បំ​ម្លែ​ង​ថ្មីៗ នៃ​មេរោគ​កូ​វីដ​១៩ ដែលមាន​សភាពការណ៍​កាន់តែ​កាច​សាហាវ និង​បន្ត​រំខាន​ដល់​សកម្មភាព​សង្គម​សេដ្ឋកិច្ច​ទូទៅ​។ ប្រការនេះ កម្ពុជា​យល់ឃើញថា​ប្រទេស​ទាំងអស់ ត្រូវ​បន្ត​ប្រឹងប្រែង និង​រួម​សាមគ្គី​គ្នា​ជា​ធ្លុង​មួយ ដើម្បី​សម្រេច​គោលដៅ​ដ៏​ចម្បង​មួយ ដោយ​មិន​ប្រកាន់ពូជសាសន៍ និន្នាការ​នយោបាយ ជៀសវាង​ឲ្យ​បាន​ក្នុងការ​ប្រយុទ្ធប្រឆាំង​ជំ​ងឹ​កូ​វីដ​១៩ ធ្វើជា​របៀប​វីរៈ​នយោបាយ និង​បម្រើ​ដល់​ន​យោ បាយ​របស់ខ្លួន​។ ហើយ​កម្ពុជា​បន្ត​ចូល រួម​យ៉ាងសកម្ម​តាម​លទ្ធភាព​របស់ខ្លួន​ជាមួយនឹង​បណ្តា​ប្រទេស​ទាំងអស់ ក្នុងការ​ប្រយុទ្ធប្រឆាំង​ជម្ងឺ​កូ​វីដ​១៩​នេះ ដើម្បី​នាំ​សកលលោក​វិល​ទៅរក​ភាពសុខដុមរមនា​ឡើងវិញ​។​

​ចំណែក​លោក​ទេសរដ្ឋមន្ត្រី រដ្ឋមន្ត្រី​ក្រសួងការពារជាតិ​ម៉ាឡេស៊ី​វិញ បាន​សម្តែង​ការអបអរសាទរ​កម្ពុ​ជា ដែល​បានធ្វើការ​យ៉ាង​ជោគជ័យ ក្នុងការ​ឆ្លើយ តប​ទៅនឹង​បញ្ហា​ការ​ប្រឈម​ដ៏​លំបាក ដែល​កន្លងមកនេះ​យើង​មានការ​លំបាក​ច្រើន​ហើយ​សុទ្ធតែ​ដោះស្រាយ​ការលំបាក​នេះ​បាន​។​

ទាក់ទង​នឹង​ជំងឺ​កូ​វីដ​- ១៩ រដ្ឋមន្ត្រី​ក្រសួងការពារជាតិ​ម៉ាឡេស៊ី​បញ្ជាក់ថា ជំងឺ​កូ​វីដ​-១៩ សុទ្ធតែជា​មេរោគ​មើលមិនឃើញ ដូច្នេះ​គឺ​ពិតជា​ការលំបាក​បំផុត ដែល​បាន​ពុះ​ពាល់​ទាំង​ម៉ាឡេស៊ី ទាំង​កម្ពុជា និង​ពិភពលោក​។ វិបត្តិ​នេះ ក៏​ជា​ឱកាស​មួយ​ដែល​ធ្វើ​ឲ្យ​យើង​ត្រូវខិតខំ​ប្រឹងប្រែង​ថែមទៀត ដើម្បី​ជំរុញ​ទំនាក់ទំនង​ប្រទេស​ទាំងពីរ​ឲ្យ​កាន់​ខ្លាំងក្លា​ឡើង​ដើម្បី​ដោះស្រាយ​បញ្ហា​ទាំង អស់នេះ​។

​រដ្ឋមន្ត្រី​ក្រសួងការពារជាតិ​ម៉ាឡេស៊ី​បាន​មានប្រសាសន៍ថា បច្ចុប្បន្ន​ប្រទេស​ម៉ា​ឡើ​ស៊ី មាន​គោលនយោបាយ ដោយបាន​ចាប់ផ្តើម​បើក​ការធ្វើដំណើរ​ឆ្លង​ព្រំដែន​រដ្ឋ​ផ្ទៃក្នុង​របស់​ម៉ាឡេស៊ី បន្ទាប់ មក​បើក​ឲ្យ​ប្រជាជន​ចេញទៅ​បរទេស នៅ​សប្តាហ៍​ក្រោយ​បើក​ឲ្យ​សាលា​ដំណើរការ និង​បើក​នៅ​ថ្នាក់​សកលវិទ្យា​ល័យ និង​ឧ​ត្ត​មសិ​ក្សា​ឡើងវិញ​។ ចំពោះ​វិស័យសេដ្ឋកិច្ច​ក៏បាន​បើក​ដំណើរការ​ជា​បណ្តើរៗ​ជាច្រើន​ហើយ​ដែរ​ដែល​យើង​សង្កេត ឃើញថា តួរ​លេខ​ឆ្លង​នៅ​ម៉ាឡេស៊ី​ធ្លាក់ ចុះ ដែល​ពីមុន ក្នុង​១​ថ្ងៃ​មាន​រហូតដល់​ជាង ២​ម៉ឺន​នាក់ ហើយ​ឥឡូវ​ធ្លាក់​មក​នៅ ៦​ពាន់ និង​៧​ពាន់​នាក់ ដែលជា​ឱកាស​ឈានទៅ​បើក​ដំណើរការ​ឡើងវិញ​៕​សរន​