​ប្រែ​សម្រួលៈ​វាសនា​៖ ខ្មាន់កាំភ្លើង​ដែល​គេ​សង្ស័យថា​ជា​ពួក​ឧទ្ទាម​បានសម្លាប់​ទាហាន​ឥណ្ឌា​២​នាក់​ក្នុង​អំឡុង​ពេល​តាម​ប្រមាញ់​ពួក​ឧទ្ទាម​មួយ​នៅ​រដ្ឋកា​ស្មៀ កន្លែង​ដែល​មនុស្ស​២២​នាក់​បាន​ស្លាប់​​នៅក្នុង​អំពើ​ហិង្សា​ដ៏​រាលដាល​នៅ​២​សប្តាហ៍​មក​នេះ​។​

​វរសេនីយដេ​វេ​នដា អាណាន់ បាន​ប្រាប់​ទីភ្នាក់ងារ​សារព័ត៌មាន​បារាំង​កាលពី​ថ្ងៃ​សុក្រ​ថា ទាហាន​បាន​ដេញ​តាម​ពួក​ឧទ្ទាម​នៅ​តំបន់​ព្រៃ​មួយ​ក្នុង​រដ្ឋកា​ស្មៀ​ខាងត្បូង​នៅពេល​ការបាញ់​គ្នា​មួយ​បាន​​ផ្ទុះឡើង​កាលពី​យប់​ថ្ងៃ​ព្រហស្បតិ៍​។​ការ​តាម​ស្វែង​ពួក​ឧទ្ទាម​នេះ​កាន់តែ​បង្កើន​ទំហំ​បន្ទាប់​ពី​ទាហាន​៥​នាក់​ត្រូវបាន​សម្លាប់​នៅក្បែរ​កន្លែង​ដដែល​កាលពី​៣​ថ្ងៃមុន​។​

​អំពើ​ហិង្សា​នៅ​ក្នុង​ទឹកដី​ដែល​សំបូរ​ជន​អ៊ីស្លាម​រស់នេះ​នេះ កាន់តែ​រីក​ធំ​ចាប់តាំងពី​សប្តាហ៍​មុន​នៅ​ពេល​ពួក​សកម្មប្រយុទ្ធ​ធ្វើ​ការវាយប្រហារ​ដែល​បណ្តាល​អោយ​ជន​ស៊ីវិល​៧​នាក់​ស្លាប់ រួមមាន​៣​នាក់​មក​ពី​ក្រុម​ជនជាតិភាគតិច​ហិណ្ឌូ និង​សហគមន៍​ស៊ី​ង​។​

​សមាជិក​ខ្លះ​ក្នុង​សហគមន៍​ជនជាតិភាគតិច បាន​ភៀសខ្លួន​ចេញពី​ជ្រលង​ភ្នំ​កា​ស្មៀដោយ​ខ្លាច​ពួកគេ​ជា​សុខ​សញ្ញា​វាយប្រហារ​ដែល​នាំអោយ​គេ​នឹក​ដល់​អំពើ​ហិង្សា​ក្នុង​ទសវត្សរ៍​១៩៩០​ដែល​នាំ​​អោយ​ជន​ហិណ្ឌូ​ន​រាប់ពាន់​នាក់​ភៀសខ្លួន​ចេញពី​តំបន់​នេះ​។​

​ជន​ដែល​គេ​សង្ស័យថា​ជា​ពួក​ឧទ្ទាម​៨​នាក់​ក៏​ត្រូវបាន​សម្លាប់​ក្នុងការ​ប្រយុទ្ធ​គ្នា​និង​ការ​វាយ​ឆ្ម​ក់​របស់​យោធា​នៅ​២​សប្តាហ៍​មក​នេះ​។​នៅ​ឆ្នាំ​នេះ មនុស្ស​ជាង​១២០​នាក់​ត្រូវបាន​សម្លាប់​នៅ​កា​ស្មៀ​។​

​សូមបញ្ជាក់​ថា កា​ស្មៀ ត្រូវបាន​បែងចែក​ម្ខាង​របស់​ឥណ្ឌា​និង​ម្ខាង​របស់​ប៉ា​គី​ស្ថាន ចាប់តាំងពី​ពួកគេ​ទទួលបាន​ឯករាជ្យភាព​ពី​អង់គ្លេស​នៅ​ឆ្នាំ​១៩៤៧​។​តែ​ប្រទេស​មាន​នុយគ្លេអ៊ែ​រទាំង​ពីរ​ចោទ​​ប្រកាន់​គ្នា ថា​ម្ខាង​ធ្វើបាប​ជិះជាន់​អ្នក​កាន់​សាសនា​អ៊ីស្លាម​នៅ​កា​ស្មៀនិង​ម្ខាង​ទៀត​ចោទ​ថា​ចិញ្ចឹម​បំប៉​ននិង​ផ្តល់​កន្លែង​ស្នាក់អាស្រ័យ​ដល់​ពួក​ភេរ​វករ​អ៊ីស្លាម​។​ដោយសារ​ជម្លោះ​តំបន់​ហេមពាន្ត​​នេះ ប្រទេស​ទាំង​ពីរ​បាន​ធ្វើ​សង្គ្រាម​នឹង​គ្នា​២​ដង​។​

​ភាព​តានតឹង​ក៏​បាន​កើនឡើង​ចាប់តាំងពី​រដ្ឋាភិបាល​ជាតិនិយម​ហិណ្ឌូ​របស់​ឥណ្ឌា បញ្ជប់​ឋានៈ​ពាក់កណ្តាល​ស្វ័យភាព​របស់កា​ស្មៀ​ខាងឥ​ណ្ឌា និង​ដាក់​វា​នៅក្រោម​ការគ្រប់គ្រង​យ៉ាង​តឹងរឹង​ចាប់​​តាំងពី​ឆ្នាំ​២០១៩​មក​៕

ទាហានឥណ្ឌានៅកាស្មៀ បង្កើនការប្រុងប្រយ័ត្ននៅពេលអំពើហិង្សាកើនឡើង