​ប្រែ​សម្រួលៈ​វាសនា​៖ យោធា​អាម៉េរិក​បាន​និយាយ​កាលពី​ថ្ងៃអាទិត្យ​ទី​១៧​តុលា​ថា នាវាចម្បាំង​អាម៉េរិក​មួយគ្រឿង​និង​កាណាដា​មួយ​គ្រឿង​បាន​បើក​កាត់​ច្រក​សមុទ្រ​តៃវ៉ាន់​កាលពី​សប្តាហ៍​មុន​​ចំ​ពេល​មាន​ភាព​តានតឹង​ខ្លាំង​រវាង​រដ្ឋាភិបាល​ក្រុង​ប៉េកាំង​និង​ក្រុង​តៃប៉ិះ​(​តៃវ៉ាន់​)​ដែល​បង្ក​ការព្រួយបារម្ភ​ជា​អន្តរជាតិ​។​

​ចិន​ចាត់ទុក​កោះ​តៃវ៉ាន់​ជា​ខេត្ត​ផ្តាច់ខ្លួន​មួយ​របស់​ខ្លួន ដោយ​រង់ចាំ​តែ​បង្រួបបង្រួម​ជាមួយ​មហា​ចិនដីគោក​វិញ​ប៉ុណ្ណោះ និង​អាច​ប្រើ​កម្លាំង​បើ​ចាំបាច់​។​រដ្ឋាភិបាល​ក្រុង​ប៉េកាំង​ក៏​បង្កើន​បេស​​ក​កម្ម​ទ័ពអាកាស​ចូលក្នុង​អ្វី​ដែល​តៃវ៉ាន់​អះអាងថា​ជា តំបន់​ការពារ​ដែល​អាកាស​របស់ខ្លួន នៅ​ពេល​ជាង​មួយ​ឆ្នាំ​មក​នេះ​ដែល​នាំអោយ​អាម៉េរិក​ប្រតិកម្ម​។​

​សូមបញ្ជាក់​ថា​តែ​ក្នុង​រយៈពេល​តែ​៤​ថ្ងៃ​ចាប់ពី​ថ្ងៃ​១​តុលា យន្តហោះ​ចិន​ដល់​ទៅ​១៥០​គ្រឿង​បាន​ហោះចូល​តំបន់​នេះ​។​

​យោធា​អាម៉េរិក​បាន​និយាយថា នាវា​ពិឃាត​បំពាក់​កាំជ្រួច​បញ្ជា​នាំ​ផ្លូវ​USS Dewey​បាន​បើក​ការ​ផ្លូវទឹក​តូចចង្អៀត​ដែល​ខណ្ឌ​ចែក​តៃវ៉ាន់​ពី​ចិន​ដីគោក ។​នាវា​នេះ​បាន​បើក​ជាមួយ​នាវា​​ហ្វ្រី​ហ្កា​តរបស់​កាណាដា​HMCS Winnipeg​កាលពី​ថ្ងៃ​ព្រហស្បតិ៍​និង​សុក្រ​។​

​វា​បាន​និយាយ​ថា​ថា «​ការបើក​ឆ្លងកាត់​របស់​Dewey​និង Winnipeg​តាម​ច្រក​សមុទ្រ​តៃវ៉ាន់​បង្ហាញ​ការប្តេជ្ញា​ចិត្ត​របស់​សហ​រដ្ឋ​អាម៉េរិក​និង​សម្ពន្ធមិត្ត​រួមទាំង​ដៃគូ​ចំពោះ​តំបន់​ឥ​ណ្ឌូ​-​ប៉ា​ស៊ី​​ហ្វិក​មួយ​សេរី និង​បើកចំហ​»៕

​នាវា​USS Dewey​បើក​កាត់​ច្រក​សមុទ្រ​តៃវ៉ាន់​កាលពី​សប្តាហ៍​មុន​