ដោយ​៖​តារា​រិ​ទ្ធ​/​ភ្នំពេញ​៖ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​មានប្រសាសន៍ថា​៖​ការស្លាប់​ដោ យ​សារ​សេដ្ឋកិច្ច​ប្រហែលជា​ស្លាប់​ពិបាក​ជាង​ស្លាប់​ដោយ​កូ​វីដ​ទៅទៀត ។ ដូចនេះ​យើង​ចាំបាច់​ត្រូវ​បើក​ដំណើរការ​ឡើងវិញ​នូវ​សាលារៀន និង វិស័យសេដ្ឋកិច្ច សង្គម​មួយចំនួន ផងដែរ ។​

​នៅក្នុង​ឱកាស​ថ្លែង​បើក​កិច្ចប្រជុំពេញអង្គ​គណៈរដ្ឋមន្ត្រី​នា​ព្រឹក​ថ្ងៃទី ២២ ខែ តុលា នេះ​សម្តេច​តេ​ជោ ហ៊ុន សែន បានលើកឡើង​អំពី​សភាពការណ៍​កូ​វីដ​១៩ នៅ​កម្ពុ​ជាមាន​ថម ថយ​ច្រើន ។​

​សម្តេច​តេ​ជោ ហ៊ុន សែន បាន​លើកឡើងថា​៖​ក្នុង​សប្តាហ៍​នេះ​គឺមាន​កិច្ចការ​ច្រើន​ហើយ​,​អាទិត្យ​ក្រោយនេះ​ជាមួយនឹង​ការប្រជុំ​រដ្ឋសភា​ដើម្បី​ឆ្លង​ធ្វើ​វិសោធនកម្ម​រដ្ឋធម្មនុញ្ញ​និង​ការ បោះឆ្នោត​បំពេញបន្ថែម​សមាជិក​រាជរដ្ឋាភិបាល​យើង​នឹងមាន​កិច្ចប្រជុំ​អាស៊ាន​ចំនួន ៣ ថ្ងៃ​ហើយ​ដែល​ពេលនោះ​កម្ពុជា​នឹង​ទទួល​ញញួរ​ជា​ប្រធាន​អាស៊ាន​ផងដែរ​ហើយ​តាម​ដឹង ញញួរ​នេះ​បាន​ដឹក​មកដល់​ទីក្រុង​ភ្នំពេញ​ហើយ ។ សម្តេច​តេ​ជោ​បន្តថា​ក្នុង​ភាពជា​ប្រធាន​សម្រាប់​អាស៊ាន​ឆ្នាំ ២០២២ ចូលដល់​ខែវិច្ឆិកា​យើង​មាន​កិច្ចការ​បន្តទៀត​ជាច្រើន ។

​សម្តេច​តេ​ជោ​បាន​ថ្លែងថា ដោយសារ​ការត្រៀម​បម្រុង​របស់​យើង​ក្នុងការ​រស់នៅ​ជាមួយ​កូ​វីដ​១៩ យើង​ត្រូវគេ​ធ្វើ​កិច្ចការ​ផ្ទាល់​ផង និង ដោយ​ប្រព័ន្ធ​វីដេអូ​ផង ដូចជា​ការប្រជុំ​របស់ យើង​ថ្ងៃនេះ​លទ្ធភាព​ដែល​អាច​ប្រជុំ​ទៅបាន​គឺ​យើង​ប្រជុំ​ផ្ទាល់​,​លទ្ធភាព​ដែល​មិនអាច​ប្រជុំបាន​គឺ​យើង​ប្រជុំ​តាម zoom ។ សម្តេច​បន្តថា​ក្នុង​អាទិត្យ​នេះ​ខ្ញុំ​ប្រជុំ​តាម​Zoom​ពីរដង ជាមួយ​អភិបាលខេត្ត​រាជធានី​និង​គណៈកម្មការ​ប្រឆាំង​កូ​វីដ​១៩ ពិភាក្សា​ដោះស្រាយ​បញ្ហា​មួយចំនួន​,​ហើយ​កិច្ច​ការបន្ត​គឺថា​សុំ​ឲ្យ​មានការ​រៀបចំ​ចាប់​ផ្ដើមដំបូង​របស់ខ្ញុំ​គឺ​សម្ពោធ ក្រសួង​រៀបចំ​ដែនដី​នគរូបនីយកម្ម​និង​សំណង់​ដែល​កំណត់​យក​ថ្ងៃទី ៨ ខែវិច្ឆិកា​ដើម្បី​ចាប់ផ្ដើម​ឡើងវិញ​ឲ្យ​មានដំណើរ​ការ ប្រសិនជា​យើង​នៅតែ​នៅក្នុង​រូង​ក្នុងពេលដែល​យើង ឲ្យ​សិស្សសាលា​ចូលរៀន​គឺ​ដូចជា​មិនល្អ​មើល​ហើយ​វា​មិនត្រូវ​នឹង​សង្វាក់​នៃ​ការងារ​ទៀតផង​,​បន្ទាប់​ទៅ​ត្រូវ​ពិនិត្យមើល​កម្មវិធី​មួយចំនួនទៀត​ដែល​យើង​បាន​លុបចោល​ដូចជា​ការ សម្ភោ​ធ​ស្ពាន​មិត្តភាព​កម្ពុជា​ចិន​ស្ទឹងត្រង់​ក្រូចឆ្មា​,​ការសម្ពោធ​សមិទ្ធផល​នៅ​ខេត្ត​ព្រះសីហនុ​ដែល​យើង​បានធ្វើ​យ៉ាង​ធំ​ហើយ​អស់​ថវិកា​យ៉ាងច្រើន​ត្រូវធ្វើ​ការសម្ពោធ​,​កម្មវិធី​ដែល​យើង​ចោល​មួយចំនួន​កន្លងទៅនេះ​គឺ​យើង​អាច​រៀបចំ​ឡើងវិញ​ដើម្បី​ឲ្យ​ដំណើរការ​ការងារ​ធម្ម​តា​ជាមួយនឹង​ការបើក​ឲ្យ​ដំណើរការ​សាលារៀន​ឡើងវិញ ។ ឯកឧត្តម​ហង់​ជួន ណា​រ៉ុ​ន បានប្រកាស​ហើយ​ថា​ចាប់ពី​ខែវិច្ឆិកា​តទៅ​បើក​សាលា​ជាទូទៅ​តែម្ដង​,​បើ​យើង​មិន​បើក​ជាទូទៅ​ទេ​ការស្លាប់​ដោយសារ​សេដ្ឋកិច្ច​ប្រហែលជា​ស្លាប់​ពិបាក​ជាង​ស្លាប់​ដោយ សារ​កូ​វីដ​ទៅទៀត ។

​សម្តេច​បន្តថា​ប៉ុន្តែ​ឥឡូវនេះ​យើង​ឃើញ​ស្ថានភាព​ថយចុះ​នៃ​ប្រទេស​របស់​យើងខ្ញុំ​ក៏​សូម​ឲ្យ​ឯកឧត្តម ថោង ខុន ពិនិត្យមើល​ខ្ញុំ​ទទួលបាន​បញ្ជី​ពី​លោក សុខ សុ​ក្រឹ​ត្យា រដ្ឋលេខា​ធិ ការ​ក្រសួងទេសចរណ៍​ថា​ខាង​ថៃ​បាន​ដាក់ចេញ​នូវ​បញ្ជី​មួយចំនួន​៤៦ ប្រទេស​ក្នុង ៤៦ ប្រទេស​នោះ គឺមាន​កម្ពុជា​ផងដែរ​នៅក្នុង​ប្រទេស​អាស៊ាន​គឺមាន​ប្រទេស​បី គឺមាន​កម្ពុជា មាន​សាំង​ហ្គា​ពួរ​មាន​ម៉ាឡេស៊ី​នៅក្នុង​ប្រទេស​ដែល​អាច​ចេញចូល​ប្រទេស​ថៃ​ដោយ​មិនចាំបា​ច់​ធ្វើ​ច​ត្តា​ឡី​ស័ក​។ សម្តេច​តេ​ជោ​បន្តថា​បើសិនជា​យ៉ាង​ដូច្នោះ​មែន​គឺ​យើង​អាច​ចាប់ យក​វិធានការ​បដិការ​ជាមួយនឹង​ថៃ​តែម្ដង​។​

​សម្តេច​តេ​ជោ ហ៊ុន សែន បាន​ពន្យល់ថា​៖«​ហេតុអ្វី​បាន​ត្រូវធ្វើ​បែបនេះ​ខ្ញុំ​សូម​លើក​ជា​យោបល់​បន្តិច​ដើម្បី​ធ្វើការ​ពិចារណា​ប្រទេស​ខ្លះ​គឺ​អត់​មាន​ទំនា ក់ទំនង​ផ្លូវអាកាស​ជាមួយយើង​ទេ​…​ប៉ុន្តែ​ឥឡូវ​ការហោះហើរ​របស់​យើង​មាន​ពី​សាំង​ហ្គា​ពួរ​មាន​ចិន​និង​កូរ៉េ​អញ្ចឹង​បើ​ថៃ​ចាប់ផ្ដើម​អនុវត្ត​បញ្ហា​នេះ​យើ ង អាច​ចាប់ផ្ដើម​មាន​គោលការណ៍​បដិការ​ជាមួយ​ថៃ​យើង​ទៅ​ថៃ​គេ​មិន​ឲ្យ​ធ្វើ​ចិ​ត្តា​ឡី​ស័ក​,​ថៃ​មក​យើង​ក៏​យើង​មិនចាំបាច់​ឱ្យធ្វើ​ច​ត្តា​ឡី​ស័ក​ដែរ​អញ្ចឹង​ទេសចរ​ដែល​ថៃ​ទទួល​គឺអាច​មកដល់​ថៃ​ហើយ​មកដល់​កម្ពុជា​ដែល​យើង​ត្រូវមាន​គោលការណ៍​គឺ​វី​សារ​មួយ​ប្រើ​បាន​ពីរ​ប្រទេស​,​អញ្ចឹង​អាច​ទម្លាយ​ទេស ចរណ៍​ថៃ​មកកាន់​កម្ពុជា​ផង​និង​ទេសចរណ៍​ពី​ប្រទេស​ដទៃ​អាច​ឆ្លង​មក​ទស្សនកិច្ច​នៅ​ប្រទេស​កម្ពុជា​,​អញ្ចឹង​ចាប់យក​គោលការណ៍​ដែល​យើង​មាន​,​ហើយក៏​ត្រូវ​ពិនិត្យមើល​អំពី​លទ្ធភាព​ឡើងវិញ​នៅ​ផ្លូវអាកាស​ជាមួយនឹង​កូ​ឡា​ឡាំ​ពួរ​,​ហ្សា​ការ​តា​ឬ​ចំណុច​នៅក្នុង​ប្រទេស​ឥណ្ឌូនេស៊ី​និង​ហ្វីលីពីន មក​កម្ពុជា​ផងដែរ​ដែល​យើង​បានធ្វើការ​គ្រប់គ្រង​ល្អ​ហើយ​ព្រលានយន្តហោះ​របស់​យើង​ហើយ​យើង​បាន​កាត់បន្ថយ​ពេលវេលា​នៃ​ការធ្វើ​ច​ត្តា​ឡី​ស័ក​ដែល​ជាង​ផ្នែក​នៃ​ការទាក់ទាញ​ហើយនឹង​អាចឈាន​ទៅដល់​ការបើក​ឡើងវិញ​នៅ​ទេសចរណ៍​សុវត្ថិភាព​,​ទេសចរណ៍​វ៉ាក់សាំង​នេះ​គ្រាន់តែ​ជាការ​គិតគូរ យើង​មាន​ចក្ខុវិស័យ​សម្រាប់​ដំណើរការ​សេដ្ឋកិច្ច​ដែល យើង​ត្រូវ​ពិភាក្សា​ថ្ងៃនេះ​»​។​

​សម្តេច​តេ​ជោ​បន្តថា​បទពិសោធន៍​ការ​ភ្ជុំបិណ្ឌ​ខ្ញុំ​បាន​មើលឃើញ​ហើយ​អនុញ្ញាត​ឲ្យ​ដើរលេង​ប៉ុន្តែ​ដើរលេង​រួចហើយ​គឺ​វា​មិនមាន​ការផ្ទុះ​អ្វី​ខ្លាំង​នោះទេ​,​បានសេចក្ដីថា​កូ​វីដ​វា​អត់​រើ បម្រាស់​ដូច្នេះ​ក៏​ជា​បទពិសោធន៍​មួយ​ដើម្បី​យើង​ឈានទៅ​បើក​សាលារៀន​ឡើងវិញ​ឈានទៅ​បើក​អាជីវកម្ម​ឡើងវិញ ។ វិស័យ​កសិកម្ម និង ឧស្សាហ៍កម្ម​ដំណើរការ​ពេញបន្ទុក តែម្ដង​រីឯ​វិស័យ​សេវា​និង​ប្រាក់ចំណូល​របស់​ប្រជាពលរដ្ឋ​របស់​យើង​គឺមាន​ការ​ថមថយ​ដោយ សារតែ​ទទួលផល​ប៉ះពាល់​ដោយសារ​ការ​រឹតត្បិត​នៃ​ការប្រឆាំង​នឹង​កូ​វីដ ៕